أنا زهقت بجد

[ahmed_magdy_shaaban]

أنا مش عارف أقول إيه بس.أنا عربيتي فيكترا 97.صرفت عليها لحد دلوقتي 4000 في إٍسبوع.عفشة و كاوتش وبطارية.و كنت مبسوط منها جدا.لحد ما ركبتها النهاردة الصبح.وقولت أغسلها في المحطة.فرفعتها لقيتها غرقانة زيت من تحت(زيت الفتيس)المكانيكي اللي في المحطة بص عليها و قالي دي عايزة أويل سيل كرانك.سألتوا بكام قالي معرفش.حد يساعدني.يقولي سعره كام الزفت ده.وهل ممكن أمشي بيها كده عادي.ولا في خطورة.لأن أنا مش مستحمل مصاريف تاني يخونا.

[S H @ F T]

اويل سيل كرنك أمامي ولا خلفي؟
لو أمامي بسيطة أما لو خلفي هو اللي مشكلة لأن عشان يتغير بيطلع الموتور برة
وفي الحالتين غلط تمشي عليه

بس فيه نقطة مهمة
أويل سيل الكرنك يسرب زيت موتور مش فتيس

[ahmed_magdy_shaaban]

طيب غلط يعني ممكن الموتور يبوظ ولا الفتيس يبوظ ولا إيه أنا معرفش مكانو هو قالي أويل سيل كرانك يمين

[Adham]

زيت الموتور ينقص

تابعه و زودة

و الاحسن تغيرة

مش مكلف

[Ahmad Allawy]

المشكله ان تغييره مكلف..
فك الفتيس.. وده هيكلفك بتاع 150 جنيه مثلا..
غير تمن زيت الفتيس اللي هيتغير.. بتاع 30 جنيه..
يعني قول بتاع 200 جنيه..
سيبه يا عم متقلقش.. مش بينقض جامد بالدرجة اللي تحسسك بالخطورة..
بس تابعه كل شهر حتي ع الاقل..

[ehabthefirst]

أنا مش عارف أقول إيه بس.أنا عربيتي فيكترا 97.صرفت عليها لحد دلوقتي 4000 في إٍسبوع.عفشة و كاوتش وبطارية.و كنت مبسوط منها جدا.لحد ما ركبتها النهاردة الصبح.وقولت أغسلها في المحطة.فرفعتها لقيتها غرقانة زيت من تحت(زيت الفتيس)المكانيكي اللي في المحطة بص عليها و قالي دي عايزة أويل سيل كرانك.سألتوا بكام قالي معرفش.حد يساعدني.يقولي سعره كام الزفت ده.وهل ممكن أمشي بيها كده عادي.ولا في خطورة.لأن أنا مش مستحمل مصاريف تاني يخونا.

ياسيدى ولا يهمك
مانتا لازم تقعد تصرف على العربيه لغايه اما تلف على كل حاجه فيها
و بعد كده بيبقى خلاص إن شاء الله
انما عملت الصعب و مش عايز تعمل السهل
كده ممكن العربيه تدخلك فى متاهات انت مش قدها
لازم تعمله و تريح دماغك
و إن شاء الله تبقى اخر الاحزان

[Adham]

المشكله ان تغييره مكلف..
فك الفتيس.. وده هيكلفك بتاع 150 جنيه مثلا..
غير تمن زيت الفتيس اللي هيتغير.. بتاع 30 جنيه..
يعني قول بتاع 200 جنيه..
سيبه يا عم متقلقش.. مش بينقض جامد بالدرجة اللي تحسسك بالخطورة..
بس تابعه كل شهر حتي ع الاقل..

أحمد باشا مساء الفل

ياباشا الرشح من اويلسيل الكرنك يبقى زيت الموتور اللي بينقص
مش زيت الفتيس
و دة طبعا خطر جدا
ممكن الاويلسيل يضرب تماما او يجيب زيت كتير وانت مسافر مثلا
يبقى الموتور مافيهوش زيت

يبقى كدة بيجازف بموتور عربيتة

[Ahmad Allawy]

والله يا باشا.. انا كان عندي في الرشح ده..
و معملتش فيه اي حاجة خالص.. لحد ما غيرته بعجد فترة..
بس تصدق.. انا مخطرش في بالي موضوع انه يضرب و ينزل الزيت كله ده خالص..
عشان كده سيبته شوية.. بس مسافرتش بيها خالص..

تسلم ايدك يا باشا,., انت صح طبعا..

[Adham]

ياباشا العفو

ربنا يديم المعروف

[amir_ezzat]

ياباشا انا غيرت الاولسيل ده هو مش غالى بس الغالى فى الموضوع المصنعيه
علشان لازم تشيل المتور برده كلفنى حوالى 350 جنيه بالمصنعيه واخذ نص يوم تقريبا

[Ahmad Allawy]

الحمد لله ع السلامة يا عم امير..
فينك يا عم الحاج..؟؟
مختفي كده و مش باين..
واحشنا.. الاوبلاوية ناقصين واحد مهم يعني.. مش اي حد.. :)

[amir_ezzat]

ربنا يخليك يا معلم والله انت محترم زى بالظبط هههههههههههههههههههههه