النظام الصوتى لأسترا h

[pharohtemo]

بعد أسبوع تقريباً مع الأسترا بدأت أتعود عليها و نأخد على بعض :) بس موضوع الكاسيت الأوديو ده مش مريحنى !!! يعنى هو الكاسيت صوته حلو و جميل بس لو كان mp3 كان حيبقى فى الجون ...
مفيش اى حل أو طريقة يبقى mp3 او ممكن الكاسيت يتغير بواحد تانى إستيراد مثلاً ؟؟ و لو موجود ثمنه تقريباً كام ؟

[احمد فهمى]

اولاً مبروك وثانياً دى مشكلة الفيكترا الاليجانس والاسترا او اول فئه من كل عربيه وكانت مشكلتى فى الفيكترا سى واشتريت واحد استيراد من الحرفيين بشاشة الاعطال الكبيره وفى mp3 وكل حاجه بس المشكله انو قليل شويه يعنى بندور على واحد لناجى من 3 شهور والحل التانى فى شركات عامله لأوبل بنفس الحجم وده فى كل حاجه نافيجاشن وتليفون ودى فى دى وبيشتغل من الدركسيون عادى وده فى حدود 3 الاف جنيه ومن بره مصر بيعمل فى حدود 2400 الموضوع هيحتاج لفه على بتوع الاستيراد وثمنو فى حدود 1300 جنيه

[pharohtemo]

اولاً مبروك وثانياً دى مشكلة الفيكترا الاليجانس والاسترا او اول فئه من كل عربيه وكانت مشكلتى فى الفيكترا سى واشتريت واحد استيراد من الحرفيين بشاشة الاعطال الكبيره وفى mp3 وكل حاجه بس المشكله انو قليل شويه يعنى بندور على واحد لناجى من 3 شهور والحل التانى فى شركات عامله لأوبل بنفس الحجم وده فى كل حاجه نافيجاشن وتليفون ودى فى دى وبيشتغل من الدركسيون عادى وده فى حدود 3 الاف جنيه ومن بره مصر بيعمل فى حدود 2400 الموضوع هيحتاج لفه على بتوع الاستيراد وثمنو فى حدود 1300 جنيه

الله يبارك فيك يا أحمد باشا :) أنا فعلا شفت الفلاى أوديو اللى فيه كل الإمكانيات بس مش لاقى أى موديل ينفع الأسترا أو الأوبل عموماً ، لو فى شركة أو ماركة تانيه يا ريت تقولى عليها و ممكن أحاول أجيبها من بره .. لو مفيش يبقى إن شاء الرحمن فى لفة فى الحرفيين على حاجة إستيراد و ربنا يكرم بحاجة كويسة ..
شكراً لمساعدتك و مرورك الكريم

[احمد فهمى]

اسمع ناجى كان فى الحرفيين اليوم هو بيدور على واحد للأفيكترا لقى واحد للأسترا روح اشتريه شكلو من نصيبك عند الشيخ اللى بعد هانى العايدى خد نمرتو من ناجى

[pharohtemo]

اسمع ناجى كان فى الحرفيين اليوم هو بيدور على واحد للأفيكترا لقى واحد للأسترا روح اشتريه شكلو من نصيبك عند الشيخ اللى بعد هانى العايدى خد نمرتو من ناجى

منتحرمش منك يا كبير :) تسلم يا غالى !

[nagy wassef]

استاذ تامر انا بعت لك كل التفاصيل في رسالة. Check your inbox. و بالتوفيق

[pharohtemo]

استاذ تامر انا بعت لك كل التفاصيل في رسالة. Check your inbox. و بالتوفيق

متشكر على سرعة ردك و مساعدتك ..
حقيقى العربية دى عرفتنى على ناس قمة فى الإحترام و أنا دلوقتى مطمئن 100% إن ما فيش مشكلة حتواجهنى و حأغلب فيها :) علشان رجالة الأوبل مبيسبوش حد فى مشكله أو عنده تساؤل غير لما يتحل ..
شكراً أستاذ ناجى ...
شكراً أستاذ احمد فهمى ...

[nagy wassef]

ألف شكر علي زوقك.و انشاء الله متقابلش مشاكل اصلا.و يارب تلحق الكاسيت و يكون من نصيبك

[TheUnknown]

ايه ده ايه ده! ياريت كمان التفاصيل هنا عشان انا دايخ علي واحد اصلا

[nagy wassef]

هو فى شارع مرسيدس فى الحرفيين لو استاذ تامر ماجبهوش ابقى اتعامل
عامتا محمد عبد الراضى فى المعادى عنده واحد تانى و انا كنت عنده النهارده و شوفته بس الصراحة شكله مقشر كده و شكله مش قوى
و على فكرة. لو. ركنت عربيتك و لفيت على رجلك لفة حلوة فى الحرفيين اكيد هتلاقى عشان انا لقيت استرا اكتر من فيكترا........للاسف ;)

[pharohtemo]

ايه ده ايه ده! ياريت كمان التفاصيل هنا عشان انا دايخ علي واحد اصلا

باشا أنا مجبتش الكاسيت لحد دلوقتى و الفلوس مش مظبطة معايا بعد تسجيل العقد و الترخيص و كمان ناوى أعمل صيانة ... طبعاً هو مش بتاعى علشان أقولك أتفضل أشتريه :)) بس لو حضرتك كنت فاكر إنى أشتريته أو حأشتريه فللأسف مش حاجيبه دلوقتى
معلش إذا كنت رديت متأخر بس كنت بحاول أظبط أمورى و أجيبه بس محصلش نصيب و ربنا يكرمك و يكون لسه موجود و من نصيبك
الأساتذة أحمد فهمى و ناجى : تعبتكم معايا و بعتذر إذا كنت عطلتكم

[nagy wassef]

ولا عطلتنا ولا حاجة هو احنا عملنا ايه يعنى! و عامتا ربنا يفكها عليك و علينا و يبعتلك اللى احسن منه ان شاء الله.

[pharohtemo]

ولا عطلتنا ولا حاجة هو احنا عملنا ايه يعنى! و عامتا ربنا يفكها عليك و علينا و يبعتلك اللى احسن منه ان شاء الله.

كلك ذوق يا أفندم ... اللهم آمين