هل يوجد فرق فى موتور استراh 2007$2008

[mohamed07]

السلام عليكم
استفسار بسيط هل يوجد فروق جوهرية بين موتور استرا h 2007&2008 هل 2008 احدث ويوجد فرق قوة الموتور والعزم ولا الموتور واحد فى جميع موديلات استرا h وهل كشف التوكيل
يحدد هى ماشية كام كيلو ويعطى افادة كاملة وثمن الكشف كام
وشكرا ليكم

[ashourashour]

السلام عليكم
استفسار بسيط هل يوجد فروق جوهرية بين موتور استرا h 2007&2008 هل 2008 احدث ويوجد فرق قوة الموتور والعزم ولا الموتور واحد فى جميع موديلات استرا h وهل كشف التوكيل
يحدد هى ماشية كام كيلو ويعطى افادة كاملة وثمن الكشف كام
وشكرا ليكم

سنه 2008 عدلو تعديلات بسيطه على الموتور القديم بتاع 2007 ال z 16 xep وخلوه z 16 xe1 الجديد.

التغييرات الرئيسية في تصميم المانفولد لتوزيع الهواء على الاسطوانات و كنترول يونت بسوفتوير مختلف

و تقدر تعرف موتور 2007 بسهوله انه ب حساس اير ماس او ماف و البوابه فوق الموتور
موتور 2008 بحساس ماب و البوابه مايله ورا الموتور ناحيه صالون العربيه

انا افضل موتور 2008 اداءه افضل لكن مش بكتير بتسبه طفيفه لكن كفايه انه ماب مش ماف لكن متحطش الموتور في دماغك المهم العربيه تكون سليمه و نضيفه

الموتورين 105 حصان



و موضوع العداد لو ابن الحرام اللي نزله محترف للاسف مش هتعرف لكن لو بيعمل صيانات في التوكيل هتعرف من ملف العربيه عشان كل مره بتدخل التوكيل بيسجلوا العداد



عربيه جميله جدا لاكن لازم تجرب الايزي ترونك قبل ما تشتري

ربنا يوفقك

[ashourashour]

تعديل بسيط

الموتورين 103 عند 6000 حصان 150 نيوتن متر عند 3900

[egyption2012]

لا تهتم كثيرا بعداد السيارة .. الحالة دائما هي المعيار
واظن أن التوكيل يخبرك بحالة الموتور بالنسبة المئوية
استخير ربنا سبحانه وتعالى ثم توكل على الله

[pharohtemo]

لما أتصلت بمنصور و العوض جروب (مركز و موزع معتمد) عرفت إن الكشف الشامل بـ 400 جنيه و بيستغرق 3-4 ساعات و بيديك تقرير شامل ..
بصراحة موضوع الـ 3-4 ساعات ده ضايقنى فروحت كشفت عليها عند مركز خدمة فى صقر قريش و ممكن تقول عليه ورشة بس كبيرة :) هما فاهمين و عندهم جهاز تشخيص الأعطال و كمان عندهم ضمير و أمانه و الكشف الشامل كلفنى 150 جنيه و خلصنا تقريباً فى 45 دقيقة بس كانت الدنيا زحمة و مش منظمة زى التوكيل
لو عايز راحة بالك و جو منظم خليك مع منصور و لو عايز تكبر دماغك و تنجز فى السريع يبقى مركز الصيانة اللى بره و الأخوة ممكن يرشحوا أكثر من مكان.
بالتوفيق فى الشراء

[احمد فهمى]

موضوع اللعب فى العداد محتاج خبره عاليه وللاسف لو الكيلو متر الملعوب فى عالي مش هتبقى واضحه يعنى لو نزل العربيه ل٨٠ ال كيلو من ١٥٠ صعب تعرف لكن ل٢٠ الف كيلو من ١٥٠ هتعرف ولو كان واد لعيب اوي برضو مش هتعرف ودول نادرين شويه عمتاً شوف حالة الدركسيون ودواسة الفرامل من الحرف فيها تأكل او لا وحالة زراير الكاسيت والفتيس واكرة فتح الباب كل ده بيبان عليه العمر جامد من اول ١٠٠ الف كيلو

[mohamed07]

شكرا جدا على المجهود والرد الوافى