رابط مفيد

[mera11]

السلام عليكم يا أوبلاوية
من البحرين أحييكم
وحشتوني جميعا وانا أسف جدا لأنشغالى و عدم مشاركتي معكم منذ فترة طويلة ولكن اليوم وأنا بتجول فى قطع غيار مرسيدس بنز لأنى بفكر اشترى مرسيدس وجدت موقعين تعرف منهم الأسعار وشكل القطعة ربما يستفيد منهم أحد الروابط
Electronics, Cars, Fashion, Collectibles, Coupons and More Online Shopping | eBay

أجي بقى لحرق الدم قدامي مرسيدس 350 اس موديبل 2005 ثمنها يعادل 23000 جنيه وكل اصحابي بيقولولى لأ الصيانة فى البحرين صعبة وقطع الغيار غالية
أقولهم طب أوبل أوميجا سعرها بتعادل 15000 جنيه مصري أجد نفس الرد
كله مجمع على الياباني وأنا مش حابب اليباني خاصة سعره غالى مقارنة أوبل فيكترا 2001 سعرها 14000 جنيه وكرولا 2001 تلاقى سعرها أغلى من كده بجانب اعادة البيع
رجاءا كل واحد يقول رأيه أمشي فى اى اتجاه
أخوكم سعيد خالد

[tarekzein]

أولا
شكرا على اللينكات وهشوفها وترجع بألف سلامه

ثانيا
خليك مع الشائع فى محيط البلد اللى عايش فيها عشان متتعبش فى قطع الغيار أو الصيانه

وبشكل عام الأوروبى مش محبوب كتير فى جو الخليج

بعكس اليابانى

[sherif moneer]

مشكلة الالماني ف كل حته ان شغله صعب ومش اي حد بيتشغل فيه
اشتري هوندا اكورد مثلا اسمع ان هيا كويسه
او شيفروليه لومينا هيا منتشره ف الخليج وهتلاقيها كويسه او شيفورليه ايبكا برده
او الاس الموديل القديم لأنها مش معقده زي الموديل اللي بعدها
بالتوفيق

[cayman69300]

هقولك على حاجة و من الاخر
للاسف المرسيدس طبعا عربية خرافية - بس للاسف على انك تعطل نفسك على تيل فرامل او على حساس فلانى او علانى هتكره حياتك و خصوصا ان الصنايعية فى الدول العربية موظفين و معندهمش اى ابتكار او خيال زى البشوات المصريين
الحل الوحيد هو اليابانى
هقولك على شوية موديلات بالترتيب و كلهم اجدع من بعض و ابتداء من التمانينات
تويوتا كرون ( دى 6 سلندر - عربية تحفة بكل المقاييس و استهلاك قليل جدا فى البنزين - و اليابان تحدت بيها العالم انها سيارة بدون اعطال بس لو لقيتها قليلة فى البحرين يبقى بلاش منها )
تويوتا كراسيدا ( عربية فوق الوصف - تحفة فنية و كويسة جدا من 1982 : 1993 ) و قطع غيارها مالية الخليج
الباشا الاخير اللى ملوش حل تويوتا كامرى عباره عن طياره على كاوتشات و زى الفل اوى و فيها موديلات حتى السنة دى

الامريكى بلاش منه لانه فية شبه من الالمانى

[tananybasha]

منور يا عم خالد
مش قايلك شوفلى شغل عندك
و لا لازم اسيحلك على الملأ كده

[mera11]

أولا
شكرا على اللينكات وهشوفها وترجع بألف سلامه

ثانيا
خليك مع الشائع فى محيط البلد اللى عايش فيها عشان متتعبش فى قطع الغيار أو الصيانه

وبشكل عام الأوروبى مش محبوب كتير فى جو الخليج

بعكس اليابانى

شكرا استاذ طارق على النصيحة

مشكلة الالماني ف كل حته ان شغله صعب ومش اي حد بيتشغل فيه
اشتري هوندا اكورد مثلا اسمع ان هيا كويسه
او شيفروليه لومينا هيا منتشره ف الخليج وهتلاقيها كويسه او شيفورليه ايبكا برده
او الاس الموديل القديم لأنها مش معقده زي الموديل اللي بعدها
بالتوفيق

استاذ شريف لمعلوماتك الايبكا مش حلوة هنا فى الصيف واللومينا قطع غيارها غالية لك نالأكورد ممتازة وفعلا دى فى بالى لو لقيت واحدة مناسبة

هقولك على حاجة و من الاخر
للاسف المرسيدس طبعا عربية خرافية - بس للاسف على انك تعطل نفسك على تيل فرامل او على حساس فلانى او علانى هتكره حياتك و خصوصا ان الصنايعية فى الدول العربية موظفين و معندهمش اى ابتكار او خيال زى البشوات المصريين
الحل الوحيد هو اليابانى
هقولك على شوية موديلات بالترتيب و كلهم اجدع من بعض و ابتداء من التمانينات
تويوتا كرون ( دى 6 سلندر - عربية تحفة بكل المقاييس و استهلاك قليل جدا فى البنزين - و اليابان تحدت بيها العالم انها سيارة بدون اعطال بس لو لقيتها قليلة فى البحرين يبقى بلاش منها )
تويوتا كراسيدا ( عربية فوق الوصف - تحفة فنية و كويسة جدا من 1982 : 1993 ) و قطع غيارها مالية الخليج
الباشا الاخير اللى ملوش حل تويوتا كامرى عباره عن طياره على كاوتشات و زى الفل اوى و فيها موديلات حتى السنة دى

الامريكى بلاش منه لانه فية شبه من الالمانى

كلامك كبير يا دكتور وخبرت عاليه بس انا بدور على حاجه موديل عالى شوية وماكينة كبيرة عشان ممكن افكر انزل بيها مصر

منور يا عم خالد
مش قايلك شوفلى شغل عندك
و لا لازم اسيحلك على الملأ كده

يا طناني باشا عصابة الأوبل هتنتهي من غيرك إزاى نسفر الزعيم ونصيب العصابة تتفكك أوصالها

ثم إن البحرين مش هتمشي معاك لأنك عما تجيب سرعة عربيتك هتكون وصلت لنهاية البحرين انت محتاج بلد كبيرة عشان تجري براحتك



عموما أنا ذاهب اليوم لمعاينة سيارة لكزس لما ارجع هقولكم على الاخبار