انواع راديو و شاشات الAstra H و Vectra C

[TheUnknown]

في كذا نوع راديو للAstra و الVectra , بس بتاع الVectra ميركبش علي الAstra و العكس.

الradio systems مكون من الجهاز و السكرين، بيكونوا متكودين علي بعض بالTech-2

في حاجه اسمها Divorcing ده معناه ان الprogrammer بيفك الscreen عن الجهاز فكده انت تقدر تعرف الscreen او الراديو علي screen او راديو تانين.

يستحسن انك تجيب الscreen و الجهاز paired مع بعش عشان يركبوا علي طول.

انواع الScreens:

اول حاجه الTriple Info Display:

دي عبار عن بتظهر ثلاث معلومات في وقت واحد بس.

و ينفع تدخل علي الTest Mode عادي زي باقي الScreens.



تاني واحده هي الBoard Info Display:

دي تقريبا اللي موجوده في كل عربيات الAstra H اللي نزلت مصر و دي بتظهر 4 معلومات و فيها Board Computer.




ثالث واحده هي الGraphic Info Display:

دي لونين بس بردو بس مش شغاله بLEDs هي شغاله علي screen و دي بتعرض اكتر من معلومه في نفس الوقت . و فيها بردو Test Mode و ممكن تقدر تشغل اتنين Trip Computer، دي تقيبا زي ال في الVectra C الHighline.

هي فيها خاصيه Compass و كمان هي ممكن تقولك اللمض المحروقه عندك في العربيه و مكانها،
لو عندك التكيف Automatic بيظهرلك الData بتاعتوا علي الscreen.

لو العربيه مجهزه بsensor مساحات او مياه رادياتير او زيت، هيظهرلك علي الشاشه لو حاجه فيهم قلت.



نيجي لرابع واحده و الاخيره و هي Colour Info Display:

دي اعلي واحده في اللي كان بينزل فيهم، دي عبار عن Screen ملونه بس بتعمل كل الحاجات اللي فوق زياده عليها ان فيها Full Navigation Support و كمان Parking System Support لو العربيه مجهزه بيهم.




خلصنا الScreens نخوش علي الRadio:

اولا عندنا الCD30:

و ده اسواء راديو اوبل اخترعتوا صوت سيء و كمان الoptions اللي في علي قدوه، و لازم audio CD عشان يشتغل. ده اللي نزل في الAstra H اللي نزلت مصر.




او



تاني حاجه هو ال CD30 MP3:

احسن نوعا ما من الCD30 زياده عليه بس انو انواع منو بيتوصلها وصلت Auxiliary(هتكلم علي موضوع الAuxiliary ده تحت) و بيشغال MP3 CDs.



او



ثالث واحد هو ال CDC40 Opera:

ده احسن sound quality فيهم حتي احسن من الاعلي منه بس بردو كالعاده في عيوب،
انك مينفعش تطلع وصله auxiliary منه، بس بيشغل MP3 CDs عادي.




رابع نوع و هو CD50 Phone:

ده معلوماتي عنو انه نادر جدا جدا، و هو الزياده في انو في تليفون، و ينفع يطلع منه Auxiliary in




خامسا و هو الCD70 Navi:

ده الزياده اللي في انه في Navigation بس بCDs يعني الmaps مش متسجله عليه، و في Voice Command، ده مينفعش يكون غير مع الCID او GID. ده يطلع منه Auxiliary .



سادسا و اخيرا هو الDVD90 Navi:

ده زياده عن الCD70 Navi انو الNavigation شغال بDVDs فممكن يشيل اكتر من خريطه في نفس الوقت.





كده تقريبا كل المعلومات عن الAudio System للAstra H و Vectra C.

دلوقتي نيجي لازاي تطلع Auxiliary من الRadio عندك بدل الFM Transmitter اللي الصوت في بيوش و الquality صفر.

مبدئيا الAuxiliary هو عباره عن external source للRadio عندك عشان تقدر توصله باي جهاز تشغل من عليه حاجه تسمعها.

عشان تقدر تطلع Auxiliary In لازم الRadio يكون مجهز بكده، طيب تعرف ازاي؟؟

عندك CD30، CDC40 Opera يبقي متكرش مش هيطلع منهم Auxiliary.

عندك CD30 MP3 يبقي ممكن و مش طيب تعرف ازاي؟

عندك حاجه اسمها Pin Map لازم يكون فيها AUX R , AUX L, AUX GND

لو عندك يبقي خلاص ينفع تطلع وصله عادي جدا
الMap شكلها كده (دي Map للينفع):


و دي للمينفعش:



عندك DVD90 او CD70 Navi او CD50 Phone يبقي اكيد ينفع تطلع Auxiliary.

وبكده اكون خلصت كل الAudio Systems.

ان شاء الله اكون افدتكوا.

معلومه:
عايز تشتري System جديد هات واحد بالradio و الscreen بتاعوا عشان يتركبوا علي طول.

عياز تشتري الSystem عشان الAuxiliary مخصوص ( ده اللي انا عايز اعملوه) مفيش ولا واحد شفتوا تقدر تطلع منه Auxiliary.

[ashourashour]

برنس والله

اصلي جدا جدا

واللي يطلعلك aux من اي واحد فيهم ؟؟؟

[amraction]

فيه اجهزه بتبقا فيها شاشتها .. وبتشغل الكمبيوتر والنافيجيشن وفيه منها مدعمه من اوبل او فوكسهول .. شفتهم ف مواقع اجنبيه .. بس معرفش ماركاتهم ولا ظروف تركيبهم ايه

[hilal]

تسلم ايدك ومجهود ممتاز وننتظر المزيد وياريت متتاخرش علينا
بارك الله فيك

[TheUnknown]

برنس والله

اصلي جدا جدا

واللي يطلعلك aux من اي واحد فيهم ؟؟؟

من الاخر كده اللي بيطلع AUX ١٠٠٪ :

• CD50 Phone
• CD70 Navi
• DVD90

اما اللي ممكن اه او لا

لازم يكون في الMap بتاعتو AUX L, AUX R, AUX GRD

• CD30 MP3

فيه اجهزه بتبقا فيها شاشتها .. وبتشغل الكمبيوتر والنافيجيشن وفيه منها مدعمه من اوبل او فوكسهول .. شفتهم ف مواقع اجنبيه .. بس معرفش ماركاتهم ولا ظروف تركيبهم ايه

كنت ناوي اتكلم عليهم بس ملقتش، بكره ان شاء الله هقول عليهم.

[ashourashour]

[QUOTE=TheUnknown;3874941697]من الاخر كده اللي بيطلع AUX ١٠٠٪ :

• CD50 Phone
• CD70 Navi
• DVD90

اما اللي ممكن اه او لا

لازم يكون في الMap بتاعتو AUX L, AUX R, AUX GRD

• CD30 MP3

يا عم انا هطلعهملك من عالبورده

[ashourashour]

ملحوظه مهمه جدا

انا كنت اشتريت استرا اتش من ست شهور تقريبا قعدت معايا شهر

كان متركب فيها الراديو ابو شاشه كبيره دا اللي فيه جي بي اس و بلوتوث و شغال عالمالتي بتاع التاره

و المفاجأه ان صوت ال CD 30 برقبته .. بجد نقاء صوت ال CD 30 احسن بكتير

و كانت النتيجه اني رجعت الراديو ده و جبت الاصلي ركبتو من صاحبها

و كنت خلاص هعملو موضوع ال aux لكن راحت لصاحب نصيبها

[احمد فهمى]

تحياتى هضيفو للموضوع المثبت ده الكلام وعاشور باشا خسارتك بره البلد والله

[moody_687]

دلوقتي عربيتى فيكترا 2007 مانيوال وفيها الكاسيت cd 30 وده مش بيشغل غير سي دي اوديو فقط والشاشة اللي فوق مش بتبين غير الوقت والتاريخ ودرجة الحرارة واسامى الاغانى بتاعة السي دي الاديو
وعايز اغيره تنصحوني اروح لبتوع الاستيراد اجيب انه نوع من الكاسيتات اللي بتنزل ف الفيكترا بحيث يشغل سي دي هات ام بي ثري وياسلام لو ف شوية اوبشن تانيين
المهم تكتبولي الرقم بتاع الكاسيت وبيكون ف انه موديل للفيكترا هل توب لاين ولا هاين لاين وكمان مش يكون ف تعقيد بالنسبة لتغيير الكاسيت عشان انا بخاف جدا من التغيير حاجة الفابريكة وبقلق من الصنايعية فعايز الكاسيت يتشال من عندى والتانى يتركب من غير مايقولي محتاج كذا وكذا

[TheUnknown]

[QUOTE=ashourashour;3874941995]

من الاخر كده اللي بيطلع AUX ١٠٠٪ :

• CD50 Phone
• CD70 Navi
• DVD90

اما اللي ممكن اه او لا

لازم يكون في الMap بتاعتو AUX L, AUX R, AUX GRD

• CD30 MP3

يا عم انا هطلعهملك من عالبورده

اه ما ده قصدي تشوفهم في الرسمه اللي علي الجهاز.

فعلا الCD30 صوتوا احسن من الCD70؟؟ غريبا دي

[ashourashour]

انت بتفهمني غلط ليه يا unknown على طول كدا :)

مكنش cd 70 كان راديو تاني من اللي بيركبو على فيشه العربيه و المالتي بيشتغل عليهم مش اوبل خالص اصلا

و ال AUX انا هلحم اسلاك على التراكات بتاعت البورده اللي بداخل الراديو نفسه البورده اللي عليها ال IC هات
ودي اعملها في اي راديو اوبل او غير اوبل اي عفريت اطلعلك منه سوكيت AUX

[ashourashour]

http://i00.i.aliimg.com/img/pb/754/091/496/496091754_416.jpg

ده اللي صوته تعبان

[amraction]

http://i00.i.aliimg.com/img/pb/754/0...091754_416.jpg

ده اللي صوته تعبان

لا اللى انا شفتهم السوفت وير والسيستم شكله مختلف عن كده تماما .. ده شكله سوفت وير صينى

[TheUnknown]

نيجي بيقي للراديو الOEM Aftermarket Fit.

عندك ٣ انواع المعروفين:

• VXMMI ده احسن واحد بس في نفس الوقت اغلي واحد
• EONON ده معقول بس اخر Version منه الناس كانت بتشتكي منه
• ZENEC ده كويس برده و في نفس سعر الeonon تقريبا

مبدئيا امكانياتهم كلهم واحده، بس يزيد او تختلف حاجه بسيطه و quality الجهاز.

الامكانيات الاساسيه:

• بتشتغل بزراير الطاره عادي
• شاشه ٦.٢ بوصه
• Plug And Play علي فيشه الراديو اللي عندك.
• قنوات FM/AM
• تقدر تختار لون النور بتاع زراير الجهاز
• Bluetooth
• Navigation
• بيدعم iPhone iPod
• ينفع تشغل عليه تيليفزيون
• كاميرا خلفيه

دي الحاجات الاساسيه في الثلالثه

الحاجات الزياده في الVXMMI

1. هو Parking Sensors بس من غير كاميرا ، بيدعم الكاميرا برده
2. و Tire Pressure Monitoring System بس حاليا هما موقفين بيع الTPMS.

ده شكل ال VXMMI:



ال EONON:



الZENEC:

[TheUnknown]

انت بتفهمني غلط ليه يا unknown على طول كدا :)

مكنش cd 70 كان راديو تاني من اللي بيركبو على فيشه العربيه و المالتي بيشتغل عليهم مش اوبل خالص اصلا

و ال AUX انا هلحم اسلاك على التراكات بتاعت البورده اللي بداخل الراديو نفسه البورده اللي عليها ال IC هات
ودي اعملها في اي راديو اوبل او غير اوبل اي عفريت اطلعلك منه سوكيت AUX

معلش كنت راجع من الجامعه و تعبان

بس الفكره انت كده الaux مش هيكون شغال stereo هيكون شغال mono ده بالنسبال وحش ليه

تاني حاجه الradio هيكون متعرف عليه كexternal-in مش aux يعني هو هيكون زي جهاز bluetooth parrot مثلا