تقرير صيانة الأسترا h

[pharohtemo]

النهاردة عملت صيانة للعربية و دى أول صيانة بعد ما أشتريتها و تقريباً أول صيانة من صيانة الـ 25 ألف كيلو (المالك القديم كان بيغير زيت و تيل بس) العربية موديل 2007 و عاملة 45000 كيلو.
الصيانة تمت عند صابر (المركز الفنى لصيانة السيارات) بمدينة نصر و أشتملت على الآتى :

1- طقم كاتينة (السير و البلى) ماركة Gates ده المفروض يتغير على 60 ألف كيلو بس العربية بقالها 6 سنين و السير كان طالع ناشف و فى حتت مشققة. 1150 جنيه
2- سير دينامو 130 جنيه
3- طقم بوجيهات 160 جنيه
4- فلتر هواء 90 جنيه
5- فلتر زيت 25 جنيه
6- لمبة فوج 20 جنيه
7- 5 لتر زيت شل ألترا - 384 جنيه (من بنزينة شل)
8- مصنعية فك و تركيب 200 جنيه

بصراحة الناس محترمة جداً و بيتكلموا بمنتهى الصراحة .. يعنى أنا شوفت السير و كان باين عليه إنه ناشف و ممكن يتقطع بس قالولى إن البلى كويس و إن كان حيتغير على 60 ألف و الأفضل إن الطقم كله يتغير مع بعضه و الإختيار ليا .. يعنى مش تدبيس و خلاص
الصنايعى اللى أشتغل فى العربية أسمه سيد و ما شاء الله شاطر قوى و حافظ كل مسمار فيها و كشف على العربية حته حته

التقييم العام : حاسس إن العربية مظبوطة و فايقة و بقيت عارف أصلها و حأبدأ أتابعها فى الصيانات .
أستريحت للتعامل مع صابر و سيد اللى أشتغل فى العربية
الدنيا منظمة نوعاً ما عن أماكن تانيه و ده ميقللش من الناس التانية بس دى راحة نفسية لنظام المكان

أخيراً أحب أشكر أحمد فهمى على كل النصايح اللى قدمها و متابعته لى بعد الصيانة و ربنا يقدرنى و أقدر أعمل زيه مع أى زميل و صديق فى العصابة :)

[hilal]

الف مبروك وربنا يبارك لك فيها ويكفيك شرها ، وشكرا على الافادة

[pharohtemo]

الف مبروك وربنا يبارك لك فيها ويكفيك شرها ، وشكرا على الافادة

الله يبارك فيك و شكراً لمرورك الكريم

[احمد فهمى]

الشكر لله انا معملتش حاجه انت اللى افدت المنتدى بتقريرك اللى هضيفو فى صيانات الاسترا

[S O P H O S]

الف مبروك الصيانة

[pharohtemo]

الشكر لله انا معملتش حاجه انت اللى افدت المنتدى بتقريرك اللى هضيفو فى صيانات الاسترا

لا أنت عملت كتير بس ده العشم برده :) و ربنا يخلينا كلنا لبعض أخوة و أصحاب ...

[pharohtemo]

الف مبروك الصيانة

الله يبارك فيك يا باشا :)

[كريم بلال]

بعد اذنكوا يا جماعة مساعدة ضروري عاوز اعمل صيانة للعربية و مش عارف اروح فين في اقتراح بصابر من الأخ فارتوم ممكن اقتراحات تانيه

[pharohtemo]

بعد اذنكوا يا جماعة مساعدة ضروري عاوز اعمل صيانة للعربية و مش عارف اروح فين في اقتراح بصابر من الأخ فارتوم ممكن اقتراحات تانيه

الموضوع ده من فترة و أنا بتعامل دلوقتى مع محمد هاشم فى محطة بنزين الوطنية - الوفاء و الأمل بمدينة نصر.
ممكن تكلمه و تنسق معاه و تتأكد من أن مستلزمات الصيانة موجودة عنده أو تجيبها بمعرفتك (زيت - فلاتر - سيور) و تحدد معاه ميعاد يكون هو موجود فيه بنفسه و ربنا يوفقك .

[كريم بلال]

رقم التليفون

ممكن تبعتلي رقمه لو سمحت

الموضوع ده من فترة و أنا بتعامل دلوقتى مع محمد هاشم فى محطة بنزين الوطنية - الوفاء و الأمل بمدينة نصر.
ممكن تكلمه و تنسق معاه و تتأكد من أن مستلزمات الصيانة موجودة عنده أو تجيبها بمعرفتك (زيت - فلاتر - سيور) و تحدد معاه ميعاد يكون هو موجود فيه بنفسه و ربنا يوفقك .