سؤال بخصوص المساعد

[wama00]

يا شباب عندى سؤال بخصوص فخدة المساعد (رقم 7 فى الصورة المرفقة) دلوقتى بنشترى عربية الينترا 2008 ولاقينا واحنا بنكشف عليها الجزء ده البوية اللى فيه طاقة ومشرخة, صاحبها قالى انه من مطب جامد فسمع فى فخدة المساعد,
دلوقتى عايز اعرف هل ده يعيب العربية؟ او يبقى مشكلة كبيرة؟؟

رابط الصورة بس ده لعربية اوبل:

http://im37.gulfup.com/fMZAL.jpg

[medo111]

ال 128 هي الي كانت بتشرخ كدا بس مفيش عربيه بتعمل كدا مفروض المساعد هو الي يتعوج العفشه تتكسر لكن شرخ صعبه واه طبعا يعيب العربيه

[hilal]

ابعد عنها افضل

[medo111]

انا لو في مكانك هعمل كدا

[فادى محمد]

يعيب العربيه طبعا ..يلاش منها

[ashourashour]

فكرتوني بال 28 النص القدماني بيبقى ماسك على لحامات الرفرف بس

[ULTRA]

اهم حاجة في العربية الشاسية و كل الباقي يتغير العربية دي بايظة

[wama00]

الف شكر يا رجالة, جزاكم الله كل خير

[احمد فهمى]

متشتريهاش لأن عشان تتصلح هتروش دواخل وهتعيب العربيه والعيب ده معناه ان العربيه واخده كارثه من تحت

[wama00]

طيب بعد اذنكو سؤال ,انا زهقت من عربيتى الفيكترا ورايح ادخلها فى عربية تانية , اللى ادامى دلوقتى النترا بس فيها المشكلة اللى اتكلمت عليها ديه فكدة خلاص,,, تانى اوبشن متاح دلوقتى ادخل الاوبل فى تويوتا كورولا 2008 جنوب افريقى عاملة 66 الف كم وهدفع فرق حوالى 40 الف فهل ده اختيار موفق ولا ايه رأيكم؟؟؟ العربية ديه سمعت ان مشكلتها الفيتيس ال mmt الناس اشتكت منه لانهم ما عرفوش يتعاملو معاه وبيقولو انه بيتأخر فى النقلات ونقلاتة محسوسة اوى, انما لما قريت وجمعت معلومات عنه اللى فاهم العربية ديه وبيعرف يتعامل معاها بيشكر فيها اوى
ايه الرأى؟