هل فيه تواجد لل أوبل في الزقازيق؟

[michohat]

السلام عليكم ورحمه الله وبركاته

كنت عاوز اعرف هل يوجد صنايعية (ميكانيكي - كهربائي - خلافه ) للاوبل في الزقازيق
وهل يوجد قطع غيار ليها تباع في الزقازيق
لانني افكر في شراء اوبل ( فيكترا 2002- او استرا 2005 لم احدد بعد ) ويتوقف قراري على توافر الصيانه وقطع الغيار

[amraction]

انا كلمتك ع الخاص يا باشا ورديت على استفساراتك اللى بعتهالى

[michohat]

تمام يا باشا وصل الرد
بس اللي محتار له افاضل بين انهي موتور وانهي فيتيس
يعني لما اجي ادور ادور على العربية اللي بتكون بالموتور الاسود ولا بالاكوتيك
والفيتيس يكون مانيوال ولا اوتو
انهي فيهم مشاكل وابعد عنه
ولا مفيش مشاكل ف اي حاجه بس يكون الاستخدام كويس
علشان انا احترت في الموضوع ده

[amraction]

اهم حاجه ف اى عربيه مستعمل .. حالتها عند الشراء .. لو مرسيدس اس ومتهانه ولها ليها لازمه ..

بس كلام عموما .. فى رأيى.. موتور 1600 ايكوتيك اوتوماتيك ده اريحهم ..

[alameer81]

انا كلمتك ع الخاص يا باشا ورديت على استفساراتك اللى بعتهالى

طيب يا جماعه احنا كان يهمنا نعرف برده
ولا اسماء الميكانيكية اسرار؟

[amraction]

مش اسرار يا باشا.. هو بس سألنى ع الخاص الاول ..

ف الزقازيق انضف ميكانيكى واحسنهم تعامل واأمنهم .. مدحت قوره عند طريق هريه الجديد .. وقدامه عفشجى شاطر اسمه عيسى .. وعنده ظبط زوايا كمان .. بس ظبط الزوايا اى كلام .. ينفعك لو ع السريع يعنى ..

هتلاقى ناس بتقولك ابو زيد اللى ف الاحرار ميكانيكى شاطر .. لا متروحلوش .. نصاب .. عنده كمبيوتر .. بس ما بيشغلوش .. عامله دعايه يعنى .. وفتاى اوى .. هو بيفهم ف الكورى واليابانى الى حد ما ..

[alameer81]

شكرا يا باشا علي الرد واسف علي الدخله الغلط
بس انا برده كان يهمني مين في الزقازيق صنايعي شاطر لاني في الاسماعليه وبتعامل معا ناس هناك بس حبيت اعرف في الزقازيق للطوارئ علشان دايما بزور اهلي فيها

[amraction]

تنور يا باشا .. بيتك ومطرحك

[ehabahmed0]

مش اسرار يا باشا.. هو بس سألنى ع الخاص الاول ..

ف الزقازيق انضف ميكانيكى واحسنهم تعامل واأمنهم .. مدحت قوره عند طريق هريه الجديد .. وقدامه عفشجى شاطر اسمه عيسى .. وعنده ظبط زوايا كمان .. بس ظبط الزوايا اى كلام .. ينفعك لو ع السريع يعنى ..

هتلاقى ناس بتقولك ابو زيد اللى ف الاحرار ميكانيكى شاطر .. لا متروحلوش .. نصاب .. عنده كمبيوتر .. بس ما بيشغلوش .. عامله دعايه يعنى .. وفتاى اوى .. هو بيفهم ف الكورى واليابانى الى حد ما ..

ابو اليزيد ده نصاااااااب وبطيخه ولا له ف الياباني ولا غيره

[amraction]

م انا قلت الى حد ما .. ...

هو بيفهم ف النوبيرا بس ..

[asbeats]

فيه في الشارع اللي قدام السمباوي ( طريق هرية ) ميكانيكي كويس اسمه عصام , وكهربائي برضه نضيف اسمه لانشون ... دول أفضل اتنين اتعاملت معاهم بعد اللف والدوران والمرمطة من أول عبد الله أوبل لحد (مش فاكر اسمه) اللي في مدينة نصر ...
ميزة الصنايعية دول ان اللي بيشتري مواتير او قطع غيار استيراد من عند السمباوي بيحل ويركب المواتير بملحقاتها عندهم وبالتالي حافظين الأوبل مسمار مسمار ... واعتقد انهم لحد ما بعت الأوبل اسعارهم معقولة ومالهمش في النصب والفتي