عاوز اشتري اوبل تنصحوني بايه؟

[michohat]

هل وارد ان تكون مقابض اوبل بي 2 بلون اسود (لون غير لون السيارة)

[michohat]

ايه الكماليات اللي موجوده في ال cdx ويمكن اضافتها علي الموديلات الاخري ( بتكلفة بسيطة )
يعني علشان نفسي اجيب ال cdx واحتمال اني الاقي واحده مش تعبانه صعب

[sherif moneer]

مقابض البي 2 لونها اسود غير لون العربيه
والكماليات اللي ممكن تجيبها بتاع السي دي اكس مش سهله يعني
عشان تخليها سي دي اكس هتحتاج صالون كامل طابلوه وفرش وده بمبلغ وقدره يعني
بالنسبه للماتور الاسود هو كويس وعملي و مش معقد زي الايكو اللي هو الاتنين كامه يعني
بس عندك الايكو موفر اكتر ف البنزين وصوته انعم وسحبه ف الجري اسرع وانا كان عندي ماتور واحد كامه وغيرته وجبت اتنين كامه ايكوتيك
وبالنسبه للماتور ف سهل انه يتغير عادي يعني مفيش فيه اي مشاكل

[michohat]

مقابض البي 2 لونها اسود غير لون العربيه
والكماليات اللي ممكن تجيبها بتاع السي دي اكس مش سهله يعني
عشان تخليها سي دي اكس هتحتاج صالون كامل طابلوه وفرش وده بمبلغ وقدره يعني
بالنسبه للماتور الاسود هو كويس وعملي و مش معقد زي الايكو اللي هو الاتنين كامه يعني
بس عندك الايكو موفر اكتر ف البنزين وصوته انعم وسحبه ف الجري اسرع وانا كان عندي ماتور واحد كامه وغيرته وجبت اتنين كامه ايكوتيك
وبالنسبه للماتور ف سهل انه يتغير عادي يعني مفيش فيه اي مشاكل

في موضوع هنا مثبت عن الفروق بين موديلات اوبل شوفت فيه صورة ل بي 2 مقابضها بنفس لون العربية فده كان سبب السؤال

هل الموتور الايكو هل هو كويس وانا مش بتاع جري ولا كده فهل لو كان بحاله كويسة هيعيش كويس معايا من غير مشاكل
سعر الموتور كان عامل كام وقت ما غيرته

[sherif moneer]

الالماني مواتير معمره اصلا وبالتالي قطع الغيار برده معمره هيا اغلي من حاجات الياباني والكوري بس معمره جدا عنهم يعني ف لو حسبتها هتلاقيها واحده والله
بالنسبه للايكو هو طبعا كويس وايكو دي اختصار لكلمة ايكونوميك تكنولجي ف بيكون موفر ف البنزين اكتر من التاني وبيكون انعم زي ما قلت لحضرتك
سعر المواتير من 2500 ل6500 ده المكن ال 1600 سي سي مانيوال بيختلف السعر علي حسب الشغل وارد منين والمكنه عامله كام كيلو

[michohat]

egypt.dubizzle.com/ar/cars/opel/listing/7-listings-303af04d27585f0e878baa4e1660ac09/show/?back=L2FyL2NhcnMvb3BlbC9zZWFyY2gvP2lzX3NlYXJjaD1U cnVlJmtpbG9tZXRlcnNfX2d0ZT0mcHJpY2VfX2d0ZT01MDAwMC Z5ZWFyX19ndGU9MTk5NiZ5ZWFyX19sdGU9MjAwOCZraWxvbWV0 ZXJzX19sdGU9JnByaWNlX19sdGU9NzAwMDAmcGFnZT0xJm5laW doYm91cmhvb2Q9

لقيت العربية دي لو اتكلمت معاه ممكن اخلصها ع كام

[ayman hamdy]

55 /58

[michohat]

واحد صاحبي شاف الاعلان قال لي ان العربية دي فيها لعب
لان مفيش 1600 فيه التجهيزات دي

[sherif moneer]

انا لو معايا فلوس جاهزه هشتري العربيه دي لأن ببساطه هيا دي سي دي اكس بس بمكنه 1600 سي سي
ممكن تكون المكنه ال2000 سي سي باظت قبل كده واما جه يغيرها ركبلها 1600 مانيوال لأنها ارخص من ال2000 سي سي
مفيش فيها لعب يزعل يعني العربيه ممتازه انا شايف كده
وبعدين يا باشا الحاجات دي ممكن تتعمل ف اي عربيه انا شخصيا هغير طابلوه ان شاء الله قريب واجيب اللي فيه ابانوس وطاره مالتي وفيما بعد هجيب بقيت الصالون انا ناويلها يعني وبرده عندي المكنه 1600
السعر اكيد ممكن يتهز يعني بس المهم تكون حالة العربيه نضيفه لأن كتير من الصور اللي ع النت دي بتلاقيها صور قديمه للعربيه وهو منزلها بقي اما حب يجي يبيع
عشان تكون عارف صالون الفيكترا ده بيدخله ف 6000 جنيه مثلا فيما فوق
يعني انا سألت ع الكراسي بس جلد طبيعي كانت عامله من 3000 ل 5000 علي حسب الجوده
اتوكل علي الله واتفرج عليها عادي

[michohat]

صاحب الاعلان تاجر عربيات للاسف

[sherif moneer]

ربنا يوفقك في الشراء يا باشا ومتستعجلش عشان تلاقي حاجه كويسه ومتفرحش بسعر قليل لو لقيت ممكن تكون عربيه متهانه وتقرفك انته

[michohat]

انا محتار يا جماعه
اركز ع الموتور 2000 ولا ال 1600
اللي اعرفه ان العربية دي علشان تبقى مرتاحه وكويسة يكون الموتور 2000 بس قلقان من موضوع دعم البنزين
فهل ينفع لو حصل موضوع الدعم وانا معايا ال 2000 اني اغير موتور لو لقيت الموضوع مكلف معايا او اركب لها غاز

ولا في امكانية اني اثبت الموتور ال2000 انه 1600 في المرور؟