كاوتش بريدجستون ولا ميشلان

[hagagatc]

انا ناويت اغير الاربع فرد كاوتش
رحت التوكيل بريدجستون الي في عمارات العبور لقيت الفرده عامله ٧٧٥ مقاس ١٩٥/٦٥/١٥
ياباني الصنع وقلي ناقشه ياباني طبعا كوتش سرعات teaction A المهم
انا مشتعجلتش ورحت عند واحد جمبي قالي الفرده الميشلان انجليزي h ٩١ traction A
عامله 710 بس انتاج تقريبا شهر٦ ٢٠١٢ محتار اركب الميشلان بره التوكيل ولا البريدجستون افضل مع اني سامع ان البريدجستون فيه تيله زياده وناشف عن الميشلان الميشلان محمل وطري عنه ياتري ايه افضل لعربيتي فيكترا ٢٠٠٣
موتور ٢٠٠٠ سي سي
وكمان سالت عم الكومهك قالي ٦١٠ في الرينج ده
ويريت يا شباب تدلوني علي اماكن تانيه ممكن اسال فيها وتكون كويسه

[Optiplex]

توكل هالله ميشلااااااااااااان

[abdulhafeez]

ليه ما تفكرش في بريدجستون الاندونيسي
يبقى نفس نقشة الياباني بس ارخص ب 150 ج في الفردة تقريبا

في عندك فردة اسمها b250 دي فردة حلوة ناعمة وكويسة بس مش بتاعت سرعات قوي
وفي فردة سرعات اسمها my02 ثباتها حلو بس طبعا انشف من b250 بس مش عارف موجودة في المقاس اللي عندك ولا لا
وفي عندك تورانزا gr30 دي اعلى فرده عندهم قي منها سرعات وفي منها جينيرال اللي هي بتاعت كل حاجة

انا كنت شاري الاندونسي من شهر 1 تقريبا كانت الأسعار كالآتي
b250 تمنها 535 ج تقريبا
my02 = تمنها 570 تقريبا
مش فاكر صراحة التورانزا بكام بقى بس مش هتوصل 600 ج

ربنا يوفقك

[abdulhafeez]

كان في عندهم برضو هانكوك وكان سعره ارخص
الهانكوك كاوتش محترم قوي على فكره في نقشة فيه واخده واحد من احسن 10 كاوتشات في العالم

[hamaka]

متابع

[felash]

انا ممكن أنصح حضرتك باليوكوهاما الياباني انا جبت 4 فرد جديدة للعربية منه .. فردة محترمة وصناعة ياباني 100% ... وهو اساسا توكيل لبرجيستون ... انصحك بيها وكنت ساعتها لقيت الميشلان بس مدخلتش دماغي ...

[damasry]

الميشلان احلى بس عايز طرق نضيفة لان طراوته دى بتخليه ميستحملش الطرق بتاعتنا وبيعمل بلالين

[moody_687]

باشا انا مركب عندى بريدجستون تورنزا ياباني والفردة كانت ب 850 ج والفردة دي طرية ومش تسمعلها صوت وثابتة وتعيش معاك 50 الف ك مستريح وده عن تجربة

[Mo7eb1]

صديقى, انا معايا بيرللى والحمد لله زى الفل مفيش مشاكل وشغال كويس..... اهم حاجه بس التاريخ

[m.farouk]

الكنتنتال حلو جدا بس تجيب الالمالنى او اى بلد اوربى غير كده الميشلان وبعدين الجودير ويفضل تاريخ الانتاج يكون قريب

[abdelaziz-waleed]

انا بستخدم بريدج ستون وبشتريه من عند Fit&Fix وعندهم خصم لاعضاء نايل موتورز
ناس محترمين جدا وعندهم اجهزة حديثة
ده موقعهم. تقدر تتصل بيهم من الرقم المختصر وتعرف سعر المقاس والنوع اللي حضرتك تحبه

http://www.fitandfix.com/Default.aspx

[محمود الشافعى]

انا ممكن أنصح حضرتك باليوكوهاما الياباني انا جبت 4 فرد جديدة للعربية منه .. فردة محترمة وصناعة ياباني 100% ... وهو اساسا توكيل لبرجيستون ... انصحك بيها وكنت ساعتها لقيت الميشلان بس مدخلتش دماغي ...

ممكن المكان والسعر والمقاس لأنى عايز أغير الأربع فرد

[Kareem.ElAraby]

متابع

[محمد يوسف]

ميشلان أنضف طبعا