التكيف ... هواء ضعيف ...... مروحة بتفصل على السرعة الرابعة

[kahk2008]

السلام عليكم

كيف الحال أخوانى يارب يكون كله تمام

كما بالعنوان عندى مشكلة فى التكيف وهى
1- الهواء اللى بيخرج من الهوايات ضعيف بشكل ملحوظ جدا مش عارف ده عيب (خبرتى ضعيفة جدا :) )
2- فى بكرة الهواء مش شغال فيها غير السرعة الثانية والثالثة فقط الاولى والرابعة مش شغالين خالص ؟؟ برده ده عيب ايه ؟؟

[Gelgel2004]

روح كوول اير
بجسر السويس خلف سوق القنال الدولى
26202455
اسال عن هيثم او م ايمن
وان شاء الله تلاقى عندهم الحل

[kahk2008]

طيب اروح المكات ده من موقف العاشر اقرب ولا من العباسية ؟؟ لانى من بنها

انا كنت بشك انى فى فيوز مثلا او عملية تنظيف للبكرة بشكل معين ..... شكله كده هابطلع حوار

[kahk2008]

لو عنده سابق تجربة ياريت يقول يا جماعة يبقى جزاكم الله خيرا

[medosalah]

بص يا باشا .. لازم تغير فلتر التكييف وده بيعمل حوالي 60 جنيه
انا كان التكييف عندي مخنوق وبييطلع ريحه كمكمه وتراب لما باشغله علي مود ان الهوا يجي من بره .. ولما غيرت الفلتر اتظبط . وعل فكره الفلتر كان تقريبا تايلاندي وانا اللي ركبته لان سهل جدا بيركب في مكانه قريب من المساحات

[ehabahmed0]

لو عنده سابق تجربة ياريت يقول يا جماعة يبقى جزاكم الله خيرا

بالنسبه لضعف الهوا ممكن يكون الفلتر او ممكن تكون الهوايات فيها حاجه سداها لو بتعرف تفك الفلتر وبكمبروسور هوا ونضفه وبص ف الهوايات كويس
بالنسبه للسرعات بصراحه معرفش بس حاول تجيب منظف الكترونيان ب 15 جنيه وترش ع الموصلات اللي ورا البكره بعد ماتشيل الوش
كان بيحصل معايا ان زرار الزجاج بيعلق ونضفته بالمنظف ده
وتقبل تحياتي

[ghamry]

أعتقد إن ده relay بتاع المروحه بيشغل المروحه بسرعات مختلفه مثل بتاع مروحه التبريد وده عباره عن كونتكات داخل relay ممكن تنظيفها أو تغير الريلاى بس بتاع مروحه التبريد سرعتين فقط أى إتنين كونتاكت ودى إن شاء الله تتعرف عند كهربائى بيفهم

[MohammedAladel]

نظف فلتر التكييف

أما عن السرعة الرابعة اللى مش شغالة ... ملهاش دعوى بفلتر التكييف بتاتا (حلوة بتاتا دى )

ممكن يكون ريلاى فعلا عايز يتغير

[Moabany]

كان عندي نفس موضوع السرعات وطلعت مقاومة مروحة البلاور
عايزة تتغير
ضعف الهوا يا اما مروحة البلاور ضعيفة
او ممكن زرار الريسايكل بيعلق
او الفلتر مسدود زي ما الاخوة الافاضل افادوا

[kahk2008]

بص يا باشا .. لازم تغير فلتر التكييف وده بيعمل حوالي 60 جنيه
انا كان التكييف عندي مخنوق وبييطلع ريحه كمكمه وتراب لما باشغله علي مود ان الهوا يجي من بره .. ولما غيرت الفلتر اتظبط . وعل فكره الفلتر كان تقريبا تايلاندي وانا اللي ركبته لان سهل جدا بيركب في مكانه قريب من المساحات

الف شكر ياباشا على الرد وفعلا فكرة كويسة فكرة تغيير الفلتر اعتقد انها هاتحسن الاداء بس هو كهربائى ولا واحد بتاع تكييف اللى بيغيره

[kahk2008]

بالنسبه لضعف الهوا ممكن يكون الفلتر او ممكن تكون الهوايات فيها حاجه سداها لو بتعرف تفك الفلتر وبكمبروسور هوا ونضفه وبص ف الهوايات كويس
بالنسبه للسرعات بصراحه معرفش بس حاول تجيب منظف الكترونيان ب 15 جنيه وترش ع الموصلات اللي ورا البكره بعد ماتشيل الوش
كان بيحصل معايا ان زرار الزجاج بيعلق ونضفته بالمنظف ده
وتقبل تحياتي

نا فعلا كده ناوى اغير الفلتر ده وممكن تكون الهوايات برده هى كمان عايزة تتغير ....... وانا جربت انى انظف البكرة بتاعت السرعات دى من جوه ب wd40 بس للاسف برده مفيش جديد

[kahk2008]

أعتقد إن ده relay بتاع المروحه بيشغل المروحه بسرعات مختلفه مثل بتاع مروحه التبريد وده عباره عن كونتكات داخل relay ممكن تنظيفها أو تغير الريلاى بس بتاع مروحه التبريد سرعتين فقط أى إتنين كونتاكت ودى إن شاء الله تتعرف عند كهربائى بيفهم

نظف فلتر التكييف

أما عن السرعة الرابعة اللى مش شغالة ... ملهاش دعوى بفلتر التكييف بتاتا (حلوة بتاتا دى )

ممكن يكون ريلاى فعلا عايز يتغير

هو ايه هو ال ريلاى ده ( سورى يا جماعة انا ابيض فى المواضيع دى )

مكانه فين ووظيفته ؟؟ وتغيره سهل ولا حكاية

[kahk2008]

كان عندي نفس موضوع السرعات وطلعت مقاومة مروحة البلاور
عايزة تتغير
ضعف الهوا يا اما مروحة البلاور ضعيفة
او ممكن زرار الريسايكل بيعلق
او الفلتر مسدود زي ما الاخوة الافاضل افادوا

مروحة البلاور اللى هى مروحة التكييف ؟؟

وايه هو الريسايكل ؟؟؟

[Moabany]

مروحة البلاور اللى هى مروحة التكييف ؟؟

وايه هو الريسايكل ؟؟؟

مروحة البلاور هي المسؤلة عن دخول الهواء الساقع او السخن للسيارة
الريسايكل هو زرار يجيب هواء من خارج او داخل السيارة للتكييف

[MohammedAladel]

بالنسبة للريسايكل ... لو عندك تكييف بكر مثلا فيه بكرة بتلفها على اليمين مثلا بتخلى الهواء يتدور جوا العربية بمعنى إن المروحة بتسحب الهواء اللى جوا العربية وتدفعه عليك تانى

النظام التانى لما تلف البكرة الناحية الشمال مثلا يعنى ..... بيخلى العربية تسحب هواء من برا تدخله جوا العربية

طيب أمتى تستخدم نظام تدوير الهواء جوا العربية ؟؟

لما تكون فى منطقة غبار أو فيه دخان أو فيه تراب غير كدا المفروض تشغل نظام سحب الهواء من الخارج عشان تخفف الحمل على المروحة

خد بالك فى الحر دا قبل ما تشغل التكييف طبعا هتفتح الزجاج وتمشى بالعربية شوية كدا تتهوى وتغير الهواء اللى جواها

بعدين تشغل التكييف

خد بالك لو انت عايز توصل لدرجة برودة أعلى فى وقت أقصر

ممكن تشغل التكييف شوية على نظام سحب الهواء من الخارج

بعدين تعكس البكرة على نظام تدوير الهواء

العربية هتسقع بسرعة أكبر بعدين ترجع البكرة تانى للوضع الطبيعى اللى هو سحب الهواء من الخارج للداخل