إعـــــــلان

Collapse

.

,
See more
See less

مواصفات واسعار اوبل استرا سيدان 2013

Collapse
X
 
  • Filter
  • الوقت
  • Show
Clear All
new posts

  • مواصفات واسعار اوبل استرا سيدان 2013

    مواصفات اوبل استرا سيدان كوزمو 2013 :


    188000 جنية في الوكيل منصور واقل الف او الفين في المعارض


    الاسعار هتزيد بنسبة 5 % ابتداء من الاول من مايو 2013



    1- ماتور 1600 سي سي نوعه ايكوتك 115 حصان عزم 155


    2- تنك البنزين 56 لتر


    3- اوتوماتيك 6 سرعات


    4- ABS – ESP


    5- 4 اير باج


    6- عجلة القيادة قابلة للامالة والانضغاط


    7- مسند ذراع وتحتة صندوق حفظ الادوات


    8- المرايا كهربائة الطي بزار من جوة تقفل المرايا لزوم الشوارع الضيقة الالمان دول فهمنا


    9- فرامل اليد بالكهرباء يعني تدوس علي زرار الفرامل تشتغل خلاص مفيش حوار العصاية اللي بتشدها دة


    10- باركينج سنسور


    11- USB – AUX - CD


    12- المفتاح نفسة فية الريموت كنترول وفية زرار في المفتاح يقفل زجاج الشبابيك ويفتحة لوحدة ( وحدة رفع الزجاج )


    13- Immobilizer مانع السرقة بس الحرامية عندنا مشين بقاعدة لا يئس مع الايمو ولا ايمو مع الياس الاصرار حلو مفيش كلام ( ربنا يحمي مصر ويرزقنا الاستقرار والامن والامان )


    14- التحكم في الراديو من عجلة القيادة ومثبت للسرعة ومانع لزيادة السرعة


    15- سنتر لوك


    16- جنوط 17


    17- تكيف هواء اوتوماتيك مزدوج يعني السائق يشغل التكيف بتاعة علي درجة معينة واللي جنبة يشغل التكيف بتاعة علي درجة تانية منتهي الديمقراطية بس اللي يقعد قدام يدفع اجرة زيادة


    18- مقابض الابواب والشبابيك والفوجات بالكروم


    19- المرايا الداخلية حساسة للضوء عشان لما يجي نجم يضرب العالي فيك تمتص الضوء وما اكثر النجوم عندنا


    20- حساسات للمطر


    21- مصابيح ضباب


    22- كمبيوتر في لوحة القيادة


    23- شاشة بيانات جرافيك لزوم المنظرة والحركات عشان نبقا شباب ديجيتال


    اجمد لون البتنجاني عشان الصبح يديك لون وباليل يديك لون تاني ويليه اللون الفراني الغامق



    اوبل استرا انجوي سيدان 2013 173000 جنية


    اوبل استرا كوزمو سيدان 2013 188000 جنية


    اوبل استرا تيربو سيدان 2013 228000 جنية


    التيربو ماتور 1600 سي سي 180 حصان عزم 230 فتحة سقف


  • #2
    مشكوررر علي مجهودك ..

    Comment


    • #3
      تسلم الايادى على التقرير ...بصراحة العربية دى تخطف العين و القلب ربنا يبارك لملاكها

      Comment


      • #4
        تقرير مختصر وجميل ، بس ياريت شوية صور للسيارة يكون رائع
        ومشكور على كل حال
        وداعا

        Comment


        • #5


          فيها Parking Sensor?????

          Comment


          • #6
            تقرير ممتاز والعربية ممتازة
            لو تسمحلي بس أضيف كام نقطة ع السريع بما اني قضيت فترة بادرس العربية دي واقارنها بغيرها في نفس الفئة

            1- عرض العربية 181.4 سنتيمتر ...يعني أعرض من الأوكتافيا اللي بتبقا 176.9 سنتيمتر (وقاعدة العجل كمان أكبر 268.5 سنتيمتر مقارنة بالاوكتافيا 257.8 سنتيمتر) - الأبعاد دي من كتالوجات العربيتين

            2- فتيس الأسترا أوتوماتيك عادي (مع خاصية ستيبترونيك )...يعني مش إيزي ترونيك ولا dsg ولا شركات تجرب فينا...يعني نبعد عن الشر و نغنيله. على فكره الفتيس الـ 6 سرعات ده (7 نقلات بحساب الخلفي) بيخلي العربية هادية جدا واستهلاك البنزين أقل ما يكون (على سرعة 100كم/ساعة ومع التكييف بيبقا عدد لفات الموتور (rpm) حوالي 2300 لفه/ الدقيقة بس )

            3- نسبة الإنضغاط في الموتور 10.8 وده معناه ان البنزين الـ 92 هو أنسب بنزين للعربية (فوق الـ 11 بيبقا بنزين 95)

            4- سعة شنطة العربية ممتازة 460 لتر (الفوكاس الجديدة 374 لتر )

            5- فرش العربية قماش على جلد ...العربية فيها كمان حساس إضاءة لإضاءة الفوانيس بشكل تلقائي

            يعني دي صراحة المعلومات اللي حسيت كتير من الناس ممكن تفرق معاهم في تقييم العربية واتخاذ قرار الشراء مقارنة بغيرها في نفس الفئة
            [CENTER]---------------
            Hisham
            [/CENTER]

            Comment


            • #7
              شكرا علي التقارير الممتازة.... والعربية بسم الله ما شاء الله ممتازة بس للاسف لسة مخدتش حظها في السوق المصري بالشكل اللي يناسب امكانيات العربية ...مش عارف ده بسبب سوء الدعاية والاعﻻن من الوكيل وﻻ ايه
              ياريت اصحاب التقارير الممتازة دي يضيفوها علي رابطة مالكي استرا j ﻻنه موضوع مثبت وهيفضل مدة طويلة علي الموقع وبالتالي الاستفادة هتكون اكتر للاعضاء والزائرين علي المدد الطويلة

              Comment


              • #8
                هو ازي يا جماعة برفع الصور هنا كل مرفع صور يقولي فشل في الرفع

                وبردوا ازاي بعمل اقتباس عشان لو عايز ارد علي حد معين

                Comment


                • #9
                  المشاركة الأصلية كتبت بواسطة janagabr مشاهدة المشاركة
                  هو ازي يا جماعة برفع الصور هنا كل مرفع صور يقولي فشل في الرفع

                  وبردوا ازاي بعمل اقتباس عشان لو عايز ارد علي حد معين
                  حضرتك ده موضوع فى شرح طريقة رفع الصور

                  http://www.nilemotors.net/Nile/197651-a.html
                  والاقتباس حضرتك هتدوس هنا هتلاقيها فى اسفل يسار كل مشاركة

                  موضوع مميز تسلم ايدك
                  [CENTER][URL]https://www.facebook.com/NMTechShop/[/URL] [/CENTER]

                  Comment


                  • #10
                    وكيل اوبل هو منصور والاسم التجاري لمنصور هو ( منصور شيفورلية )

                    ويتم استيراد السيارات الاوبل من الخارج لصالح شركة منترا

                    Comment

                    Working...
                    X