حاجه غريبه ومقلقه فى الفيكترا

[creative_art]

إنهارده كنت رايح بالعربيه عند بتاع الدوكو اخليه يرشلي بعض الاجزاء ويعملي لمعه كامله ..

اثناء و انا رايحله فى السكه توكتوك راح كاسر عليا وخبطني ..

رحت مبطل العربيه ونازل انا وصاحبي الى كان معايا ( الحمدلله ربنا ستر وطلع مفيش حاجه )

دخلت العربيه تانى وجاي احط المفتاح فى الكونتاك .. الكونتاك محجر ومش بيتحرك خالص ..

والاغرب من ده .. الدركسيون مسووووووووجر ّ!!!!

لا بييجي يمين ولا شمال ... احاول معاه بالطريقه التقليديه لفك اللوك ... احرك المفتاح مع حركة الدركسيون مفيش خالص ..

وكل ده كان فى وسط الطريق ... قعدت افتح واقفل اللوك بتاع العربيه على امل ان الكمبيوتر يقري اشاره ان العربيه اتفتحت واحاول معاه مره فى التانيه مع التخبيط راح فاتح ..

اخدت بعضي ومشيت وانا متعكنن جدا


الى اعرفه من اول ما اخدت العربيه دي ان الدركسيون بتاعها مفيهوش مسوجر ... واتاكدت من الكلام ده مليون مره وكانت تبقي العربيه مطفيه واحرك الدركسيون زوايا كبيره ومكنش بيتقفل ..

هل الكلام ده صحيح ولا لأ فيكترا B مانيوال 1600 موديل 1997

وبالتالى انا قلقان ... والقلق زاد اكتر لانى بسافر ... ممكن تخرف منى فى اى لحظه ... وممكن كمان لاقدر الله يكلبش وانا على سرعه ودي تبقي مصيبه بعد الشر علينا جميعا ...

[mem]

هى اى عربيه فيها لوك
بس الواضح ان اللوك عندك كان بايظ
وعلق واشتغل مره
فشوف حد يصلحه او تغييره
لان المشكله ده عندى ساعات يسوجر وساعات كتيير لا

[sherif moneer]

الطبيعي ان اللوك يبقي شغال بعد ما تشيل المفتاح من الكونتاك وتلف الطاره حته صغيره بيقفل لوحده

[abdelaziz-waleed]

انا معايا نفس عربية حضرتك واللوك شغال فيها عادي
المفروض اول ما تحط المفتاح بتلف الدركسيون شوية مع عقارب الساعة وهتلاقي المفتاح لف معاك

[creative_art]

طيب اللوك مش شغال عندي وانا كل ده كنت فاكر انها مفيهش لوك .. العيب منين كده ؟؟؟

[cayman69300]

بص يا باشا
شوية جاز ابيض او شوية سولار بسرنجة و تفضيها فى الكونتاكت و بحاجة خفيفة تخبط على القلب اللى بيدخل فية المفتاح هتلاقى البلى يرجع لمكانة و كله يبقى تمام
و لو علقت و قفلت على الاخر يبقى غصب يا رب تجيب كهربائى يطلع الكونتاكت و تخلية من برة و تروح لبتاع المفاتيح تفصل الكونتاكت من الفيشة و يصلح و انت واقف على دماغة و تركبة بعد التصليح فى الفيشة تانى و ترجع للكهربائى تقفل الكونتاكت
و دمتم

[mifs]

حصل معايا الموضوع ده في فيكترا بي 96
ورشيت dw40 وفك بعد عناء والحل الجذري انك تغير اللوك بواحد استيراد

[Tiar]

السلام عليكم
طيب انا كده قلقت انا كمان انا معايا فيكترا 94 وعمرها ما عملت لوك للدريكسون هل معنا كده انه معلق ولا ممكن تكون نازله من غير لوك اللي اعرفه ان صاحبها السابق لي وهو شاريها زيرو (اول يد) عمره ما لغي حاجه
هل ممكن تكون هي كده من غير لوك ولا معلق؟




طيار

[محمد عرفه]

السلام عليكم
طيب انا كده قلقت انا كمان انا معايا فيكترا 94 وعمرها ما عملت لوك للدريكسون هل معنا كده انه معلق ولا ممكن تكون نازله من غير لوك اللي اعرفه ان صاحبها السابق لي وهو شاريها زيرو (اول يد) عمره ما لغي حاجه
هل ممكن تكون هي كده من غير لوك ولا معلق؟




طيار

انا كمان معايا الاوبل فيكترا 1993 وكمان معنديش لوك لو حد افاد حضرتك ياريت نبقى على اتصال ولو معاك كتالوجها ياريت

[Ahmed_lol2007]

ياباشا لما الكونتاكت يعمل معاك كدة تانى
زق المفتاح ف الكونتاكت ع الاخر هتلاقى قلب الدركسيون إتحرك كله لجوة
و ف الغالب العيب دة بيبقى من سوستة جوة الكونتاكت
الكلام دة من واحد بتاع مفاتيح وأبواب

[a_arazik]

المفروض اي عربية فيها لوك

[a_arazik]

مفيش عربية مفيهاش لوك