صنايعية اوبل وتجارب الاعضاء

[TIM.CENRO.GS]

يا ريت تقولنا على العنوان ولو عندة كهربائى يبقى تمام

[m7med_dola]

عارف الطوابق فيصل كعبيش الشارع اللي علي ناصيتة داري خش فية هتلاقي عم احمد علي ايديك اليمين و بعدية علي طول اخوة عم رضا الكهربائي و علي اول الشارع ابن عمهم الاسطي ابراهيم بتاع الشكمان

[hzyn]

الكلام دع من شخص محترم من موضوع سابق ونقلته لكم للافادة
(بالنسبة لتجار قطع الغيار الجديد :
رقم واحد فى الاسكندرية خميس رويدا نهاية صلاح الدين قبل شريط الترام اخر شارع شمال قبل شارع الخديوى من ناحية صلاح الدين ...
اهم ما يمتاز به هذا الرجل الصدق والامانة وعدم الجشع عنده يبقى عنده وسعر واحد ولازم اقل من السوق كلة ويوضح ان كانت قطعة الغيار اصلى ولا تيوانى ولا صينى ولا ..... صادق ومجربة اكثر من 15 20 مرة ..
بالنسبة لتجار الاستيراد :
احسن واحد عنده بضاعة كتيرة على لادا فى بحرى عند باب واحد شغال معاه واحد مشاركة اسمة رضا وهم يعتبروا احسن من غيرهم فى الاسعار وقطع الغيار بس لازم فصال كتير معاهم ...
وفى عباس اوبل فى السيوف كويس اسمع انه معقول فى اسعارة بس لم اتعامل معاه .
وفى احمد الشيخة واخوه حوده الشيخة اسعار غير عادية لو تحب ترجع حاجة مش نافعه مفيش ترجيع تاخد بيهم بضاعة ..
اما بالنسبة للمكانيكا:
محمد ابو الحمد فى المطار قبل البنزينه بشارعين 15 سنه خبره فى توكيل مقار فى العربيات الاوبل وهو ماشاء الله عليه فاهم كويس جدآ فى الاوبل بالذات وبيرفض الشغل فى اى عربية غير الاوبل ولما بسأله ليه بترفض قال الاوبل عربيتى وتخصصى ليه اسيب اللى انا بارع وممتاز فيه بعدين انا بحب العربيات الاوبل بشتغل فيها بمزاج ...
وهو ميكانيكى وبتاع عفشة برضوا للأوبل بس ومعملته محترمة جدآ جدآ وممكن يسيب ورشته لو الواحد عطلان فى مصر او الطريق الصحراوى وحصل معايا وجالى لغاية مكانى بعربتة ومعاه قطع غيار لغاية ما العربية دارت ...
اسعاره اقل من ناس كتير شغل السرفيس كله غيار زيت وفلتر وفلتر بنزين وفلتر هوا وتغير سير الدينمو وسير الكاتينه 25 جنيه ..فهو احسن من تعاملت معاهم
واهم من كل ده الامانه اللى شايفه فى العربية بيقول عليه خالى بالك فى كذا ممكن يمشى معاك قد كده بس لازم تغيره ..ربنا يكتر من امثاله ..
اما كهربائى السيارات :
فى اتنين فى اسكندرية ابراهيم خليل فى الازريطة امام بتاع الورد من ناحية مساكن سوتر ... وفى نبيل صبرى فى شارع الازالة الوكالة ..
والاتنين تخصص اوبل وافهمانين كويس فى الاوبل واسعارهم كويسه مش عالى ..
وفى سكر فى صلاح الدين بس دايمآ زاحمه وشغل بعد اربع خمس ساعات انتظار ..



دى تجاربى مع الاوبل من يوم ما اشتريتها من سنتين اتمنى ان اكون افدتكم بالذات الاخوه اللى فى اسكندرية )

[m7med_dola]

عايزين ننشط الموضوع شوية لانو مهم جدااااا

[hotboja]

الاخ اللى عايز الكتالوج اتفضل بسورد لو طلب منك pdftown.com

https://rapidshare.com/#!download|892p1|369504836|pdftown.com_opel_vectra_88-95.rar|59992|0|0|1|referer-85CBF927FD91D3928A035E38CAABA5F1

[جوكر المصرى]

تجربتى مع محمود اوبل
محمود كنت بروح لية لما محمد علام كان بيبوظ حاجة
المهم عندة واد اسمة يوسف حافظ الاوبل كهربائى عشرة على عشرة
بس عيب محمود اولا علشان تعمل حاجة يا تكون اول واحد فى الورشة يا اما هتقعد معاه لحد تانى يوم الظهر
بمعنى انة بطئ جدا جدا
و العيب التانى مصنعيتة غالية جدا
و عملت عندة التكيف مرتين فى الاسترا و بيسرب برضة و القبرة اللى بيشحن منها
و هو محمود فى المجمال اللى عايز يروح عندة يبقى علشان كهربة فقط

ممكن اعرف قين الهربائى محمود

[ahmedfouad]

موضوع ممتاز بس ولا رقم ولا عنوان مستوى التعاون منخفض بصراحة :)
ولا مفيش حد كويس .....

[bebo12]

انا كان عندي ال rpm عالي اوي..كان فوق الثلاثه بيوصل..
رحت ل محمد عبد الراضي الي في صقر قريش..ده تخصص اوبل وشوفرليه بس...
الراجل ذوق جداا...وامين ...وفعلا بيفهم...بيشخص الخلل من اول مره..ولازم يتابع الحاجه بنفسه ويطلع يجربها ...
الحوار كلفني 80 جنيه..بس الراجل ظبطلي الار بي ام
ده رقم موبايله:01003486261

[temeey]

[QUOTE=temeey;3875344362 التكييف يعمل على سرعة واحدة فقط رحت مقار وقالى العيب فى مقاومة المروحة واخد ١٠٠ جنيه كشف ومصلحش العيب وقال ان قطعة الغيار مش موجوده عندهم ، للاسف توكيل مقار سىء جدا جدا واخد منى فاتورة باجمالى ٢٨٠ جنيه ومصلحش اى عيب فى السيارة وكل قطع الغيار مش موجودة عندهم ، طب هما خدوا فلوس ليه الله اعلم.[/QUOTE]

[organic_magic]

http://www.nilemotors.net/Nile/403015-a.html

[sanderos89]

الكلام دع من شخص محترم من موضوع سابق ونقلته لكم للافادة
(بالنسبة لتجار قطع الغيار الجديد :
رقم واحد فى الاسكندرية خميس رويدا نهاية صلاح الدين قبل شريط الترام اخر شارع شمال قبل شارع الخديوى من ناحية صلاح الدين ...
اهم ما يمتاز به هذا الرجل الصدق والامانة وعدم الجشع عنده يبقى عنده وسعر واحد ولازم اقل من السوق كلة ويوضح ان كانت قطعة الغيار اصلى ولا تيوانى ولا صينى ولا ..... صادق ومجربة اكثر من 15 20 مرة ..
بالنسبة لتجار الاستيراد :
احسن واحد عنده بضاعة كتيرة على لادا فى بحرى عند باب واحد شغال معاه واحد مشاركة اسمة رضا وهم يعتبروا احسن من غيرهم فى الاسعار وقطع الغيار بس لازم فصال كتير معاهم ...
وفى عباس اوبل فى السيوف كويس اسمع انه معقول فى اسعارة بس لم اتعامل معاه .
وفى احمد الشيخة واخوه حوده الشيخة اسعار غير عادية لو تحب ترجع حاجة مش نافعه مفيش ترجيع تاخد بيهم بضاعة ..
اما بالنسبة للمكانيكا:
محمد ابو الحمد فى المطار قبل البنزينه بشارعين 15 سنه خبره فى توكيل مقار فى العربيات الاوبل وهو ماشاء الله عليه فاهم كويس جدآ فى الاوبل بالذات وبيرفض الشغل فى اى عربية غير الاوبل ولما بسأله ليه بترفض قال الاوبل عربيتى وتخصصى ليه اسيب اللى انا بارع وممتاز فيه بعدين انا بحب العربيات الاوبل بشتغل فيها بمزاج ...
وهو ميكانيكى وبتاع عفشة برضوا للأوبل بس ومعملته محترمة جدآ جدآ وممكن يسيب ورشته لو الواحد عطلان فى مصر او الطريق الصحراوى وحصل معايا وجالى لغاية مكانى بعربتة ومعاه قطع غيار لغاية ما العربية دارت ...
اسعاره اقل من ناس كتير شغل السرفيس كله غيار زيت وفلتر وفلتر بنزين وفلتر هوا وتغير سير الدينمو وسير الكاتينه 25 جنيه ..فهو احسن من تعاملت معاهم
واهم من كل ده الامانه اللى شايفه فى العربية بيقول عليه خالى بالك فى كذا ممكن يمشى معاك قد كده بس لازم تغيره ..ربنا يكتر من امثاله ..
اما كهربائى السيارات :
فى اتنين فى اسكندرية ابراهيم خليل فى الازريطة امام بتاع الورد من ناحية مساكن سوتر ... وفى نبيل صبرى فى شارع الازالة الوكالة ..
والاتنين تخصص اوبل وافهمانين كويس فى الاوبل واسعارهم كويسه مش عالى ..
وفى سكر فى صلاح الدين بس دايمآ زاحمه وشغل بعد اربع خمس ساعات انتظار ..



دى تجاربى مع الاوبل من يوم ما اشتريتها من سنتين اتمنى ان اكون افدتكم بالذات الاخوه اللى فى اسكندرية )

شكرا ياباشا علي معلوماتك، انا كنت عاوز اخد واحد من يجي معايل يكشف علي العربيه اللي بتفرج عليها عشان معنديش خبرة خالص مثلا "محمد ابو الحمد فى المطار قبل البنزينه" ....ده عنوانة اية بالضبط...او تليفونة

[tamer okasha]

السلام عليكم ورحمه الله وبركاته انا عندى مشكله انا مش هطول عليكم عند اوبل فيكترا بى 98 2000 cc
2 كامه غيرت موتور بفتيسه والحمد لله تمام وفجأه ظهر عيب فى الكهربا كان فيوز يضرب كل اللمبات تنور وبما فيهم لمبه الفتيس كنت اغيره تمشى شويه ويضرب تانى وبعدها بقى يضرب بمجرد ما يركب رحت واحد ظبط الضفيره وبعدها 48 ساعه تمام وبعدها كنت شادد فرمله اليد وحل خناقه فى الشارع جريت بيها وهى مشدوده وسمعت صوت تقتقه ومن بعدها الفتيس نقلاته غير طبيعيه لو فى مطلع حركتها من الثبات صعبه جدااا مع انى غيرت علبه البلوف مااااااذا تفعل لو كنت مكانى وجزاكم الله خيراا ولكم جزيل الشكر

[abomazenelgen]

السلام عليكم
أنا بصدد شراء عربية جديده
بقارن بين الاسترا والكورولا ٢٠١٤
مش عارف اختار ايه ومحتار ياريت حد يفيدني
وهل يا تري الاسترا فيها مشاكل
وممكن أعرف أسعار الأسترا من الوكيل كام دلوقت
وهل فيه تأخير في التسليم ؟
والألوان اللي متوفرة ايه ، وشكرا

[thussein]

تجربتي مع سمارت اوتو سيرفيس الي عند مسجد السلام بمدينه نصر

السلام عليكم
انا لسه شاري اوبل استرا جي تي سي موديل 2008 ماشيه 70 الف كيلو, قولت اكشف عليها في سمارت اوتو سيرفيس علشان كنت سامع انهم مركز محترم. بالفعل روحت كشفت و جالي البشمهندس احمد و قالي العربيه دي A1 و زي الفل اشتريها, كل المحتاجاه طقم دبرياج و دا كمان 10 الاف كم و بارات دركسيون و و تيل و طنابير. اشتريت العربيه و كنت مقتنع بيها جدا بس كنت متضايق من الدبرياج فقولت اروح اغيره ا اغير البارات بالمره خليني اخلص.
اشتريت من نوار عشم نوار الاسطوانه و الديسك و تياش الميزان و البارات داخلي و خارجي و بلف المنافول.
روحت سمارت اوتو سيرفيس عشان اركب القطع الجديده, كنت هناك حوالي الساعه 02:30 PM خلصت العربيه حوالي الساعه 10:30 PM.
المشكله تتلخص في الأتي:
1- العربيه فيها تخبيط فظيع من قدام مع كل نقله او حفره, رحت البنزينا اضبط زوايا راح قاللي يا باشا البارات الداخلي دي سايبه و الي مركبها مركبها وحش. روحت الورشه تاني (سمارت اوتو سيرفيس ) الصنايعي اللي يا باشا دا علبه الدركسيون مبوشه فا هي الي عمله البوش في البارات, و لمه زنقته في الكلام انه ليه مقاليش كده و انا شاري العربيه عن طريقهم راح قالي استني دا مسامير عاوزه تتربط. بالفعل التخبيط راح لاكن مازال في زنن من قدام.
2-بالصدفه اكتشفت ان الي قام بفك عمه الهواء اثناء تغير بلف المنافول لم يقم بوضعها في المكان الصحيح( حط مسمار العمه و مربطوش اصلن) نتج عن كده الطخبيط الي في الكبوت و ان القواعد البلاستيك بتاعت العمه اتكسرت كلها.
3-من ساعتها و ال RPM عمال بيلعب و مش ثابت خالص ( قالولي محتاجه reprograming)
4- الفتيس بقي بيحرق علي النقله الثالثه و بينقل رابع و خامس بدري جدااااا و دا مدايقني اوي.

انا اتضايقت جداا من التعامل مع مركز الصيانه ده ف قولت احكي تجربتي علشان الكل يستفيد منها.

[mexmarine]

السلام عليكم ..(الاسكندريه) بالنسبه للميكانيكيه عن تجربه على اوبل السيوف عند دادى بتاع الفطير المشهور , أدخل الشارع بتاعه و إسأل عليه .. فيه واحد تانى بجانبه عليه زحمه برضه إسمه على ما أعتقد مجدى و الاتنين كانوا شغالين مع بعض .. على و أحمد بيشتغلوا فى الاوبل و اخوات و بيشتغلوا فى الاسكودا و اللانوس برضه و اخر احترام و حرفنه .. كهربائى :- حسنى بايونير ( محترف تكييف ) و بيطور نفسه فى شغل الكمبيوتر و معاه صنايعيه كويسيين قوى و مفيش مره رحت له و كسفنى مع اى حد .. و فيه محمد عاطف عند مبرة العصافره و هو كويس و غير لى دينامو و شغله نضيف . بس حسنى اجمد منه . عفشجى فى المندره قبلى شارع السيد حسين اسمه فتح الله غلبان و محترم و مابيتكلمش كتير و تحس انه صاحب العربيه و مصنعيته بسيطه مقارنه بالاخرين .