قبل ما اشتري الفيكترا وابقى زميل معاكم

[awwam2000]

اعضاء المنتدى الكرام
انا كنت عايز اشتري عربية ومعايا 52000 الف
وبعد طول تفكير وسماع كلام من الناس انا حاسس اني ميال للفيكترا من 98 الى 2000 ؤوتكون اتوماتيك
على الرغم من ان ناس كتير نصحوني بالكرستالة لكن الالماني فخامة برده
كنت عايز اعرف كذا حاجة وياريت اللي يجاوب يجاوب على كل الاسئلة الله يخليكم

1- بسمع ان في فيكترا ِa و b وانا مش فاهم ايه الفرق ولا ايه الموديلات دي؟
2- ايهم افضل 97 -98 -99 - 2000 ؟
3-الاتوماتيك احسن ولا المانيوال؟ وليه؟
4- لما اشوف عربية: اكشف عليها فين ؟ وبكام؟
5- ايه الحاجات اللي اخلي بالي منها وانا بشتريها؟
6- هل العربية دي بتسخن؟ اقصد ان الالماني كله معروف عنه مشكلة الحرارة.
7- اسعار قطع الغيار حالتها ايه؟ وهل في صنايعية كويسين ولا صعب تلاقي حد بيفهم فيها؟

ياريت تسعدوني في الاجابات دي لاني القرار النهائي هيكون بعد مشورتكم طبعا

[فادى محمد]

اهلا بيك ياباشا
اختيار موفق
راجع المواضيع المثبته
اعلي الصفحه هتلاقي اللي انت عاوز تعرفه واكتر

[Driver101]

اعضاء المنتدى الكرام
انا كنت عايز اشتري عربية ومعايا 52000 الف
وبعد طول تفكير وسماع كلام من الناس انا حاسس اني ميال للفيكترا من 98 الى 2000 ؤوتكون اتوماتيك
على الرغم من ان ناس كتير نصحوني بالكرستالة لكن الالماني فخامة برده
كنت عايز اعرف كذا حاجة وياريت اللي يجاوب يجاوب على كل الاسئلة الله يخليكم

1- بسمع ان في فيكترا ِa و b وانا مش فاهم ايه الفرق ولا ايه الموديلات دي؟

الفيكترا A بدأ إنتاجها من 1988 حتى 1995، بداية من 1996 الفيكترا B وإذا كنت عايز تعرف الفرق في الشكل، يمكنك استخدام جوجل للبحث للتعرف على شكل كل موديل.
2- ايهم افضل 97 -98 -99 - 2000 ؟
أهم حاجة الحالة النضيفة، إذا لم توفق في العثور على حالة نظيفة فانصحك بالتفكير في سيارة أخرى. لا توجد فروق بين السنوات التي ذكرتها لأنها كلها B1 من بعد 2000 موجود B2.
3-الاتوماتيك احسن ولا المانيوال؟ وليه؟
أمر يرجع لطريقة قيادتك وطبيعة استخدامك للسيارة وهل أنت تجد راحتك في قيادة المانيوال أم لا. بالإضافة إلى طبيعة الطرق في مصر تجعل من الأوتوماتيك هو الاختيار الأفضل.
4- لما اشوف عربية: اكشف عليها فين ؟ وبكام؟
مقار أو أوتوماستر، في حدود 400 جنيه تقريبا كشف شامل لكني غير متأكد من المبلغ الصراحة. لكن الكشف بيعطيك كل تفصيل من تفاصيل العربية يعني بيديك تاريخها بالكامل.
5- ايه الحاجات اللي اخلي بالي منها وانا بشتريها؟
التكييف يكون شغال كويس ووحدة ABS في الفيكترا B
6- هل العربية دي بتسخن؟ اقصد ان الالماني كله معروف عنه مشكلة الحرارة.
إذا كانت دورة التبريد مظبوطة لن تعاني من مشكلة في السخونية، والعربية درجة السخونة الطبيعية بتاعتها 92.
7- اسعار قطع الغيار حالتها ايه؟ وهل في صنايعية كويسين ولا صعب تلاقي حد بيفهم فيها؟
اسعار قطع الغيار معقولة في مقابل العمر الافتراضي لها، هي بالتأكيد أغلى من قطع الدايو والهيونداي القديم لكنها معمرة أكثر. في صنايعية كويسين، بس المهم تحاول تتفادي النصابين والفتايين.
ياريت تسعدوني في الاجابات دي لاني القرار النهائي هيكون بعد مشورتكم طبعا
يا رب تكون الإجابات مفيدة لك، وأنصحك بعدم التسرع والتأني في الاختيار والكشف جيدا على السيارة قبل شرائها.

[awwam2000]

كتر الف خيرك
وفي انتظار مزيد من الردود

[mifs]

لو مش بتعشق وجع القلب
خليك في الياباني احسن

طبعا بهزر يا جماعة اوعوا حد يضرب ...... ههههههههههه

[amr elsisi]

من وجة نظري هات فيكترا بي 2 1600 كامة واحدة
او هات اوبل كورسا 2005
صيانتهم سهلة ومش معقدة