صوت خبط جامد

[Mostafa.Ismail]

السلام عليكم ورحمة الله وبركاته ...

عندى صوت خبط فى من تحت جهة العجل الامامى اليمين.

1- الصوت بدا بصوت بسيط عبارة عن طقطقة.
2- بيظهر فقط فى الطرق الغير ممهدة والمطبات على السرعات العالية والبطيئة.
3- مش بسمعة تماما فى الطرق السريعة لو مفيش مطبات.
4- روحت لمقار وكانت حالة المساعد الامامى سيئة وتم التغير والصوت لسة موجود.
5- بداء يزيد بشكل كبير بعد حوالى 5 كيلو واصبح صوت خبط وهبد جامد جدا ومسموع ومقلق ... هو صوت خبط حديد فى حديد او حاجة حديد بتلق جوة حاجة حديد برضو :)
6- رحت تانى بعد 10 الاف كيلو من ظهور الصوت قالولى فى "بوش" فى بيض العجل وقطمة الدريكسيون ومحتاج تغير صرة العجل اليمين وبارات بس هنربط عفشة ونشوف.
7- بعد تربيط العفشة فقط بدون تغير اى حاجة ... الصوت لسة موجود.

السؤال, 1)هل كلام مقار مظبوط فى تغيير الحاجات المذكورة؟
2) فى مقار قالولى بالنص "مفيش مشكلة انك تمشى بيها لو الصوت مش مضايقك ... ونغير بعدين", هل الكلام دة صح؟ وامان انى امشى بيها ولا لا؟
3) لو المشكلة دى حلها عند بتاع عفشة عايز عفشجى شاطر وبيفهم وبيراعى ربنا ويكون قريب من فيصل او الهرم.

[tananybasha]

روح ليحيى امين
فى شارع المدبح
و قول لمصطفى او ممدوح انا من طرف طنانى
و يكشفوا عليها
و كلمنى لو فيه حاجة
01003222021
01119995031

[Mostafa.Ismail]

طيب دة فين بالظبط يا طنانى فى شارع المدبح؟ من ناحية الجيزة ولا البحر الاعظم؟
واكيد هكلمك حتى لو مش عاوز حاجة :)

[cayman69300]

افتح الكبوت و اتاكد من حاجة
هز فلتر الهوا و شوف الاخبار اية
لانه ممسوك بجلدتين
و بسبب التحتانية غيرت مساعدين قدام و غيرت كل الجلب فى العفشة قدام و دافع فى المرة الاولى 1000 جنية و المرة التانية 1200 جنية
و فى الاخر طلعت جلدة بتمسك علبة فلتر الهوا مش موجودة و علبة الفلتر بتخبط فى جسم العربية

[Mostafa.Ismail]

اتاكدت منها ومن مواسير التكييبف ومن المصفحة ومن الردياتير .... حتى قواعد الموتور :)
بس الصوت خبط حديد فى حديد!

[Mostafa.Ismail]

ممكن لينك لموضوع بيشرح مكونات العفشة بالصور والتفصيل الممل؟
كل اللى لقيتة لحد دلوقتى فى المنتدى مش موضحين الموضوع قوى او مش كامل.

[mrastra]

ممكن يكون تيل الفرامل بيلق فى مكانة

[amr elsisi]

قواعد الموتور عبارة عن كباية جزء ثابت وجزء بيتحرك مع الموتور
لو الكوتش الداخلي للكباية اتاكل حيعمل معاك نفس الصوت
انظر الي ورشة اوبل
طيب لو انت طالع بالعربية وبتحود يمين وشمال بتسمع الصوت ولا لا
وفي حاجة تانية افتح الكبوت واسند بايدك علي البطاحة الي من ناحيتها الصوت
وحط اصبعك مابينها وبين فخدة العجل
ودوس علي العربية جامد وسبها مع التقرار لو الخلوص واسع حتكون بطاحة

[Mostafa.Ismail]

قواعد الموتور عبارة عن كباية جزء ثابت وجزء بيتحرك مع الموتور
لو الكوتش الداخلي للكباية اتاكل حيعمل معاك نفس الصوت
القواعد متغيرة وعاملة 30 الف بس هشوفها برضوا
انظر الي ورشة اوبل
طيب لو انت طالع بالعربية وبتحود يمين وشمال بتسمع الصوت ولا لا
لا الصوت فى المطبات بس
وفي حاجة تانية افتح الكبوت واسند بايدك علي البطاحة الي من ناحيتها الصوت
وحط اصبعك مابينها وبين فخدة العجل
ودوس علي العربية جامد وسبها مع التقرار لو الخلوص واسع حتكون بطاحة

هعمل كدة واقولك ...

[Mostafa.Ismail]

بسم الله الرحمن الرحيم ....

الحمد لله المشكلة اتحلت!

روحت لعفشجى شاف العربية وسمع الصوت وقالى علبة الدركسيون ملهاش دعوة و هفك ونشوف ... بعد الفك لقى الاتى: (انا مش فاكر الاسماء قوى)

1- جلب المقصات متاكلة شوية وضعفت.
2- بيض المقصات ضايع زى المية والكوتشات مقطعة.
3- تيش الميزان رايح فى داهية هو كمان.
4- وحاجة تانية اسمها بارات كانت برضوا زى المية والكوتشات بتاعتها مهربدة.

المهم هو قالى ممكن نغير الجلب والبيض للمقصات ونكبس بس مش حلو ... قولنا نجيب جديد, روحت عند سرور فى شامبليون جبت مقصين امامى والتيش والبارات وحاجة كدة اسمها بيض داخلى ... الموضوع كلة 1000 جنية بالظبط (500 مقصين والباقى 170 * 180 * 170) وسابلى 20 جنية :) ... الحاجات كلها قالى انها تركى وانواع غريبة كدة مش gm بس شغالة شكلها نضيف.

رجعت وركبنا وربط عفشة ورا كمان (مكنش فيها حاجة) وجربنا والدنيا تمام التمام ... والعربية فرقت كمان عن الاول بغض النظر عن صوت الخبط ... حسيت انها قبل كدة كانت سايبة كتييييير.

المهم الحساب كام ... 180 (مش عارف كدة حلو ولا اية؟!)

المهم الحمد لله المشكلة اتحلت والدنيا تمام.

[khaledahmedfouad]

بسم الله الرحمن الرحيم ....

الحمد لله المشكلة اتحلت!

روحت لعفشجى شاف العربية وسمع الصوت وقالى علبة الدركسيون ملهاش دعوة و هفك ونشوف ... بعد الفك لقى الاتى: (انا مش فاكر الاسماء قوى)

1- جلب المقصات متاكلة شوية وضعفت.
2- بيض المقصات ضايع زى المية والكوتشات مقطعة.
3- تيش الميزان رايح فى داهية هو كمان.
4- وحاجة تانية اسمها بارات كانت برضوا زى المية والكوتشات بتاعتها مهربدة.

المهم هو قالى ممكن نغير الجلب والبيض للمقصات ونكبس بس مش حلو ... قولنا نجيب جديد, روحت عند سرور فى شامبليون جبت مقصين امامى والتيش والبارات وحاجة كدة اسمها بيض داخلى ... الموضوع كلة 1000 جنية بالظبط (500 مقصين والباقى 170 * 180 * 170) وسابلى 20 جنية :) ... الحاجات كلها قالى انها تركى وانواع غريبة كدة مش gm بس شغالة شكلها نضيف.

رجعت وركبنا وربط عفشة ورا كمان (مكنش فيها حاجة) وجربنا والدنيا تمام التمام ... والعربية فرقت كمان عن الاول بغض النظر عن صوت الخبط ... حسيت انها قبل كدة كانت سايبة كتييييير.

المهم الحساب كام ... 180 (مش عارف كدة حلو ولا اية؟!)

المهم الحمد لله المشكلة اتحلت والدنيا تمام.

الحمد لله ان مشكلتك اتحلت بس ياريت تقولي عنوان العفشجي ده فين

[Mostafa.Ismail]

الحمد لله ان مشكلتك اتحلت بس ياريت تقولي عنوان العفشجي ده فين

العفشجى اسمة محمد وشهرتة "حنكش" موجود فى عين الصيرة. هو شاب صغير سننا وحجما :) بس انا شايف انة شاطر ... متهيالى العفشة مش محتاجة تجربة كتير, صح؟

العنوان هحاول اشرحهولك وانت رايح السيدة عائشة من عند فم الخليج ... فى فتحه يمين فى مجرى العيون بتدخلك عين الصيرة ادام السيدة نفيسة وقبل الاشارة بشوية وقصاد محطة اتوبيس ... هتدخل الفتحة اليمين (هتلاقى مركز شباب عين الصيرة) تمشى حوالى 200 متر وتدخل اول يمين فى اول شمال هتلاقى مغسلة ادامك على طول هو جمبها.

[hagagatc]

الحمد لله انها اتحلت بس في سوال المقصين الي انت جبتهم كاملين بالجلب والبيض بتعهم والبيض متبرشم ولا بمسمار وصاموله

[Mostafa.Ismail]

الحمد لله انها اتحلت بس في سوال المقصين الي انت جبتهم كاملين بالجلب والبيض بتعهم والبيض متبرشم ولا بمسمار وصاموله

كاملين والجلب والبيض متبرشمين .... مفيش مسامير خالص.

[hagagatc]

كاملين والجلب والبيض متبرشمين .... مفيش مسامير خالص.

والله السعر كويس 500 الواحد يعمل 250 انا عملتلهم عامره يعني غيرت الجلب والبيض بس الجلب جي ام والبيض نوع الماني مش فاكره اوي عاملوا 340 جنيه