صابر الميكانيكى ... رأيكوا فيه وعنوانه

[م/محمد صلاح]

رجاله كنت عايز اعرف رأيكوا فى صابر اوبل اللى فى رابعه العدويه

وياريت عنوانه ورقم تليفونه عشان اظبط معاه معاد لان العربيه هاجيبهاله على ونش من الاسماعيليه

[lada2010]

بص ياباشا فى واحد اسمة محمد فى صقرقريش عفريت فى الاوبل لو تحب

[tarekzein]

بص ياباشا فى واحد اسمة محمد فى صقرقريش عفريت فى الاوبل لو تحب

محمد راضى والا حد غيره

[medosalah]

حضرتك امشي في طريق النصر كانك رايج المنصه وميدان الساعه .. افضل ماشي احد ما تلاقي مبني ازازه اخضر علي يمينك تبع المخابرات ادخل يمين علطول وانت كده تبقي ماشي في اول شارع الطيران وهتلقي شمالك مسجد رابعه ثم ادخل يمين اللي جاي علطول (ده شارع فرعي ) وامشي بتاع 200 او 300 متر هتلاقي ساحه كبيره بين العمارات تقربيا مساحتها 1500 متر وليها صور صغير ومليانه عربيات اوبل كتيره..ولو ما وصلتش اسال هناك عن صابر اوبل هتلاقي ميت الف مين يدلك.... طبعا هيقولك حطها هنا وابقي عدي عليا بكره . تروح تقوله علطول انك جاي من رحله سفر وانك من عرفته من منتدي نايل موتورز ومن طرف المهندس اللي كان جايبلك العربيه اللوط بتاع المزاد اللي لونها اخضر . علي العموم انا كان عندي عربيه فيكترا بي جبتها من مزاد علي الونش علشان كان ناقص فيها مرش ومراوح وشفره وكونتاكت وتيل وشغل كهربه والحمد لله.. بس لازم تكوله يظبطلك السعر وفي النهايه هيديك فاتوره حاول تقلل منها بتاع 300 او 400 جنيه

[م/محمد صلاح]

يا ماشاء الله .... ساحه 1500 متر ومليانه عربيات اوبل وكمان يقولى حطها هنا وعدى علينا بكره ؟؟؟؟

ده ايه الحلاوه دى ؟؟ ماهو انا كمان هاوديله العربيه على ونش من الاسماعيليه ... يعنى هانزلها من على الونش وارجع وافضل رايح جى من الاسماعيليه للقاهره ؟؟؟







طيب ايه اخبار محمد عبد الراضي بتاع صقر قريش فى المعادى ؟؟؟؟
عنوانع وتليفونه واخبار شغله ايه ؟؟

[medosalah]

`والله انا قولتلك كل الللي اعرفه علشان تبقي علي نور من الاول.. وعلي فكره في واحد اسمه الشيخ هيثم في الحرفيين اعتقد انه هيبقي اقربلك كتييير وكمان هتبقي في الحرفيين علشان لو احتجت اي قطع غيار ...
وعلي العموم انا كلامي لم يكن به اي مبالغه او اي داعي للاندهاش ده كله ..شكرا

[م/محمد صلاح]

`والله انا قولتلك كل الللي اعرفه علشان تبقي علي نور من الاول.. وعلي فكره في واحد اسمه الشيخ هيثم في الحرفيين اعتقد انه هيبقي اقربلك كتييير وكمان هتبقي في الحرفيين علشان لو احتجت اي قطع غيار ...
وعلي العموم انا كلامي لم يكن به اي مبالغه او اي داعي للاندهاش ده كله ..شكرا

العفو يا ميدو والله انا ماقصد انك بتبالغ ... بس انا الناس قالولى عن صابر انه زحمه وماتخيلتش انها تبقى زحمه للدرجادى ... انا لا اقصد اى تريقه ولا اهانه لحضرتك

انا كل الحكايه انى مقيم فى الاسماعيليه ومش عايز افضل رايح جى عليه ... هاتبقى بهدله ... وكمان بسبب ظروف شغلى ماينفعش ارمى العربيه عنده وقت طويل

على العموم اسف لو وصلك كلامى غلط او وصلك حاجه انا ماقصدهاش

[medosalah]

العفو يا ميدو والله انا ماقصد انك بتبالغ ... بس انا الناس قالولى عن صابر انه زحمه وماتخيلتش انها تبقى زحمه للدرجادى ... انا لا اقصد اى تريقه ولا اهانه لحضرتك

انا كل الحكايه انى مقيم فى الاسماعيليه ومش عايز افضل رايح جى عليه ... هاتبقى بهدله ... وكمان بسبب ظروف شغلى ماينفعش ارمى العربيه عنده وقت طويل

على العموم اسف لو وصلك كلامى غلط او وصلك حاجه انا ماقصدهاش

علي العموم حصل خير حضرتك.. بس فعلا صابر بيبقي عنده زحمه جدا وعلي فكره دي مشكله شائعه عند اي حد متخصص في اصلاح اوبل فقط . وعلشان ظروف اقامه حضرتك اعتقد ان افضل حل هو انك تاخد نمره الشيخ هيثم في الحرفيين او نمره اي ميكانيكي هتنوي تروحله هنا في القاهره وتتصل بيه قبل ماتيجي وتقوله علي ظروفك وتاكد عليه انك هتيجي في اليوم الفلاني الصبح بدري علشان تخلص العربيه وتروح في نفس اليوم. وبكده اول ما تروحله وتفكره بالمكالمه هيسيب اللي في ايده ويخلصلك العربيه ان شاء الله خاصه لو قلت للواد اللي هيشتغل في العربيه انك هتكرمه وتبقي تديله اي حاجه... ربنا معاك

[medosalah]

نمره عبد الراضي في صقر قريش (01003486261 )
نمره الشيخ هيثم في الحرفيين مدينه السلام(اهي ياباشا
0166220004
ودي نمره المركز
01123134255
__________________

[م/محمد صلاح]

الف شكر ياباشا وجزاك الله خير

[احمد فهمى]

انا بفضل صابر امين فى التعامل وتقريبآ كل الفيكترا سى اللى فمصر وغيرو بتتصلح عندو وفى مهندسين فى منصور شغالين هناك معاه وعندو اكتر من مهندس مش صنايعى روح هناك وقولو انك من طرف احمد فهمى بس ولا كلمه تانى وهو هيقوم بأكتر من الواجب وملحوظه تتصل بى قبلها وتحدد ميعاد بدرى بسبب ظروفك ﻷن صعب تروح وتدخل تخلص فى ساعه فى ناس بتبقى حاجزه

[kiroo85]

انا كنت بتعامل مع عبد الراضي في الاول امين ما يفرقش عن صابر في حاجة الاتنين بيفهموا كويس في الاوبل (متخصص) بس لقلة العمالة عند عبد الراضي وعشان كنت بروح اول اليوم وامشي اخره ممكن علي حاجات بسيطة زي تيل فرامل او مروحة فقررت اتعامل مع صابر وهو عنده عمالة عددها اكبر من عبد الراضي و أحمد فهمي مشهور هناك (تأكيد) ويمكن انا كمان d: ....حكيت لصابر علي المنتدي بتاعنا ده وان اي شغل بتعمله عنده بيسمع هنا سواء حلو او وحش والراجل كان مبسوط وكان ليا تجربة كبيرة عند صابر من السي والبي 2 والبي1 كمان طولت عليكم بس قولت يمكن افيد ... كريم

[Astra Lovers]

صابر معندوش غير احمد ودا مش مهندس قوي يعني وشغال فمنصور الطيران وتخصصه فالكشف بالكمبيوتر لا اكثر ولا اقل الكويسيين عند صابر ٣ صنيعيه بالعدد وهما اللي بيعملوا الصح منهم واحد فالجيش يعني اتنين بس اللي موجودين دكش واحمد طبعا سيد معروف عنه انه مهمل ممكن يكون صنيعي بس مهمل والتكييف عندهم المسؤل عنه محمد اخو صابر ومش قد كده بلاش تكييف عند صابر لانه مفتي فالناحيه دي والباقي كله عند صابر تحت مستوي لعماله الهاربه الوقفه عنده تزهق لازم تزن عليه عشان يفضيلك حد او تستني حتي لو حاجه هايفه
الميزه عنده انه يعرف هاني العايدي وبيجبلك اللي انت عاوزه ان احتاج الامر بس اسأل عن السعر عشان سعات بيعلي - امين نوعا ما - ملوش فالهرتله بس احيانا لما يحب يملص من حاجه يهولك الامور والعكس لازم يتظبط فالتعامل من اول مره
نفس مستوي احمد ومحمد عبد الراضي بتوع المعادي بس صابر يرجح عنهم فالشغل التقيل خليك مع صابر بس متسبش العربيه

[elmtr mohamed]

انا بفضل صابر امين فى التعامل وتقريبآ كل الفيكترا سى اللى فمصر وغيرو بتتصلح عندو وفى مهندسين فى منصور شغالين هناك معاه وعندو اكتر من مهندس مش صنايعى روح هناك وقولو انك من طرف احمد فهمى بس ولا كلمه تانى وهو هيقوم بأكتر من الواجب وملحوظه تتصل بى قبلها وتحدد ميعاد بدرى بسبب ظروفك ﻷن صعب تروح وتدخل تخلص فى ساعه فى ناس بتبقى حاجزه

وانا من راى احمد بالظبط ..

قوله انك من طرف احمد فهمى ولو حبيت كمان تقوله والمتر محمد .. ساعتها بقى بعد كل دول هيتعملك فررررح يا معلم :))))

وفى عنده واحد اسمه محمود مهندس فى جى ام ومسئول عن الكشف بالكمبيوتر بس والله عبقرررررى وارشحلك للشغل فى العربية مصطفى ( دوكش ) واد جدع ومن الاخر

وفعلا كلمه فى التليفون الاول واتفق معاه

وبالتوفيق ان شاء الله