سؤال بخصوص استرا 2013

[janagabr]

مش المفروض ان لمبة الانذار اللي موجودة في نصف التابلوة قدام تنور بعد ما تقفل العربية
اصلها مبتنورش
مش عارف دة في كله ولا عندي بس

مكتوب في الكتالوج اقفل اللوك مرة بتاع العربية من الريموت وانتظر 15 ثانية ودوس مرة اخري علي اللوك فيتفعل نظام الانذار وتنور اللمبة بعد الدوسة التانية 30 ثانية

[Ahmed_Adham]

حتى لو بتنور كلامك ده مش معقول. يعني عشان أشغل الانذار أقفل اللوك من الريموت وأفضل واقف جنبها 15 ثانيه (وأعدهم) وبعدين أقفله مره تانيه لتفعيل الانذار وبعدين أستنى 30 ثانيه عشان أتأكد انه هيشتغل؟ يعني كل مره أقفل فيها العربيه أقف جنبها دقيقه حداد؟ أكيد فيه حاجه مش مظبوطه في الكلام ده ولا انا اللي فهمت الكلام غلط؟

[janagabr]

حتى لو بتنور كلامك ده مش معقول. يعني عشان أشغل الانذار أقفل اللوك من الريموت وأفضل واقف جنبها 15 ثانيه (وأعدهم) وبعدين أقفله مره تانيه لتفعيل الانذار وبعدين أستنى 30 ثانيه عشان أتأكد انه هيشتغل؟ يعني كل مره أقفل فيها العربيه أقف جنبها دقيقه حداد؟ أكيد فيه حاجه مش مظبوطه في الكلام ده ولا انا اللي فهمت الكلام غلط؟

ما هو انا مستغرب بس دة اللي لقيتة مكتوب في الكتالوج صفحة 24

[احمد فهمى]

لو بتتكلم على فيكترا سى اللى فى النص مش لمبه ده حساس الحراره بتاع التكيف والانزار بتاعها بيتبرمج لوحدو وبيبقى كلكس العربيه بيشتغل لو الباب اتفتح

[janagabr]

لو بتتكلم على فيكترا سى اللى فى النص مش لمبه ده حساس الحراره بتاع التكيف والانزار بتاعها بيتبرمج لوحدو وبيبقى كلكس العربيه بيشتغل لو الباب اتفتح

معلش نسيت اوضح نوع العربية
قصدي استرا 2013

[NarCtX]

على كلامك عمرها ماهتنور لسببين, أول حاجة إن حضرتك فهمت الكلام غلط, علشان تشغل الانذار لازم تتك على الزرار مرتين في خلال 15 ثانية مش زي ماحضرتك كاتب.
تاني حاجة وده الاهم إن العربية مفهاش جهاز انذار!:D .. يعني هي مجهزة بيه, بس منصور جايبها من غيره, زي زراير البلوتوث موجودة لكن مفيش وحدة بلوتوث.
بس العربية فيها Immobiliser يعني مش هتشتغل غير بـمفتاحها لكن الفكرة لو مثلا لا قدر الله حد كسر إزاز مثلا أو حاجة, مش هتعمل صوت.
خلي بالك بقى فيه ملحوظة اخيرة إن أما تضغط مرتين برضه بتشغل ال Deadlock اللي هو حتى لو فيه حد جوه العربية مش هيعرف يفتح الأبواب وينزل حتى لو داس على زرار ال Unlock اللي في التابلوه, وده نظام موجود في العربية اللي هو "Anti-theft Lock system" لكن اللي مش موجود هو "Anti-theft Alarm system" اللي هو الانذار أو إن عربية تعمل صوت لما حد يقرب لها.