ازاى افتح الاسترا والبطارية مش راكبة

[catakeet]

اولا الجمد لله على كل شىء ,انهاردة اليوم كان غريب من اولة المهم اول منزلت الصبح جيت ادور العربية مردتش تدور لقيت البطارية نايمة ,سبنتها ومشيت ,ولما رجعت خدت بطارية واحد صحبى دورت بيها شوية وراحت مبطله لوحدها المهم صحبى قالى احنا ناخد البطارية نشحنها قلت ماشى
المشكلة بقى انى قبل ماشيل البطارية قفلت العربية وبعد كدة شلنا البطارية وقفلنا الكبوت
ودلوقتى العربية مش عايزة تفتح خالص لانها بصمة وملهاش مفتاح لازم تكون البطارية راكبة علشان تفتح
ارجو افادتى بالحل ومتاسف للاطالة

[فادى محمد]

الحمد لله علي كل شيء
انت محتاج لص سيارات
يعرف يفتح الكبود !!!
عربيتك موديل كام؟؟؟
لو ينفع تكسر الشبكه الاماميه
علشان تطول عصفوره الكبود
وتفتحه بايدك ,ايه رايك؟؟؟

[catakeet]

هى استرا موديل 2007
حاولت فى حكاية الكبوت دى بس منفعش صعب يتفتح
هو التوكيل ممكن يعمل حاجة؟

[hilal]

اعمل فتحة صغيرة في حجم الجنيه الحديد في الاكصدام الامامي
وقم بإدخال سيخ من الحديد في هذه الفتحة ، وسوف تفتح الكبوت بسهولة
بعد كده ممكن تلحم الفتحة بعد حل المشكلة ، او تغطيها وتسيبها على سبيل الاحتياط

[hagagatc]

فعلا مشكله سوال الاكصدام نفسه مش ممكن يتحل من بره او ممكن مثلا ترفع العربيه بعد متحل العجله وتفك الكرتيره وتحاول توصل لاطراف البطريه وتعمل توصيله خارجيه طويله وتوصلها ببطاريه اقتراح مش عارف جدواه

[hilal]

هناك طريقة لا يعرفها سوى اللصوص او الكهربائي الشاطر
وهي ان تفك العجلة الشمال جهة السائق
ثم تفك الغطاء الواقي من الاتربة اسفل الرفرف للوصول الى سلوك السنتر
توصل لها كهربا من البطارية هيفتح السنتر في ثواني

[hagagatc]

هناك طريقة لا يعرفها سوى اللصوص او الكهربائي الشاطر
وهي ان تفك العجلة الشمال جهة السائق
ثم تفك الغطاء الواقي من الاتربة اسفل الرفرف للوصول الى سلوك السنتر
توصل لها كهربا من البطارية هيفتح السنتر في ثواني

يعني فكره مشابه لفكرتي بس السوال لو هو فك الكرتيره يقدر يوصل لاطراف البطاريه لو دي حصلت مش حيحتاج كهربائي او حتي لص سيارات

[catakeet]

فى البداية احب اشكر الساده المحترمين اصحاب الردود على الموضوع
والحمدلله المشكلة اتحلت بالاتى جبت كوريك تمساح من واحد صحبى ورفعت العربية من ناحية البطارية وحاولت اجيب الاوطاش السالب كان سهل لكن الموجب بهدلنى المهم وصلت سلكتين ببطارية خارجية والحمد لله اتفتحت .

[hilal]

الف مبروك ، وتحية للاستاذ عبد الرحمن حجاج صاحب الفكرة

[فادى محمد]

:1000 مبروووووك

[temeey]

ريموت الاسترا ٢٠٠٨ البصمه به مفتاح طوارىء بداخله يستخدم فى هذه الحالات

[hagagatc]

الف مبروك ، وتحية للاستاذ عبد الرحمن حجاج صاحب الفكرة

الله يحيك يا استاذ هلال احنا هنا كلنا في خدمه بعض والف مبروك لصاحب الموضوع لانه قدر يحلها

[hagagatc]

ريموت الاسترا ٢٠٠٨ البصمه به مفتاح طوارىء بداخله يستخدم فى هذه الحالات

طيب سوال الباب نفسه في مدخل للمفتاح انا شفت استرا 2007 لاكن مختش بالي

[catakeet]

الله يبارك للجميع على الاستفادة الكبيرة منهم و للمنتدى الجميل اللى الواحد بيحس فية اننا راجل واحد .
بالنسبة للمفتاح هو فية فتحة فى الباب بس هل فلا فى مفتاح داخل الريموت؟

[hagagatc]

انتالي تقدر تجاوب علي السوال ده شوف الريموت الي معاك وحاول تفكه وتتاكد