معلومة غريبة

[cayman69300]

قابلت واحد من حوالى 3 ايام عنده نيو اكسنت 2011
المهم كان من اسبوع بيعمل صيانه الـ 70000 كم
تخيلوا و هو بيعمل تشيك على العربية
المهندس قاله
طب نعمل تشيك على المراوح و نشوف انها هتشتغل على درجة 102 و لا لآ
فهو ساله : هى المروحة عندنا بتشتغل على درجة 102 درجة
فرد علية المهندس و قاله : ايوة على درجة 102 درجة و اللمبة بتنور على درجة 120 درجة
معلومة غريبة جدا
فمكنتش متخل ان فى عربية تانية بتسخن زى الاوبل
بس طبعا حكاية اللمبة مريحاهم اوى من المزاولات اللى احنا فيها

[Karim Ibiza]

كل عربية ليها درجة حرارة تشغيل معينة
مش معنى ان الاوبل او الالمانى عموما دايما امبير الحرارة عى النص يبقى بيسخن وخطر

موضوع اللمبة ده مش حاجة حلوة خالص, بالعكس ده خطر جدا
على الاقل فى عربيتك لما تشوف المؤشر بيتحرك وداخل على الاحمر هتبطل العربية وتستنى لما تبرد وتبص على المياه وتعمل احتياطاتك
لكن اللمبة بمجرد ما نورت يبقى كده شكرا

[Karim Ibiza]

مكرر

[SYD]

انا معاك ان درجة حرارة التشغيل بتختلف من عربية لأخري
وفعلا انتصاف المؤشر مش دليل ابداً علي انك في خطر

واعيب جداً علي الكيا وهيونداي استبدال المؤشر والعداد - بمجرد لمبة تنور عند الخطر
وطبعا مش معني ان اللمبة نورت انك في خطر داهم
بس هي كل ماهو نالك انها بتنور لما درجة الحرارة ترتفع عن الحد المسموح بيه
بس لحد فين ؟؟؟!!! الله وحده اعلم او لو انت معاك كمبيوتر الأعطال تطلعه تكشف بيه علي العربية وتعرف حساس الحرارة قاري درجة حرارة كام
تبقي مصيبة كمان لو كان البرنامج بتاع الصيانة مش بيقول درجة الحرارة كام وطلعلك مثلث أصفر ولا علامة ستوب حمرا

لكن في عربياتنا (الأوربي لحد 2013) موجود مؤشر وعداد بيان بيقولك انت وصلت لحد فين في مرحلة الخطر
طبيعي ان مرحلة الخطر تكون بعد المدي الطبيعي (اللي هو النص بالظبط)
والحمد لله وجوده عندنا - لأن ممكن المؤشر يقولك ان الحرارة مرتفعة بس للظروف اللي انت فيها تضطر تمشي بالعربية وتسايس امورك

احد الأعضاء في قسم سيات رجع بعربيته من اسكندرية للقاهرة بدون طرمبة مياة
وواحد تاني رجع بعربيته من اسيوط للقاهرة بدون ريدياتير او بمعني ادق كان الردياتير مكسور وبيشر مياة
والأتنين اعتمدوا في الأول والأخر علي ستر ربنا أولاً ثم قراءة المؤشر - كل لما تسخن يقف يزود مياة ويبرد العربية ويكمل مشي بيها

الطريف ف الموضوع ان كل حد فيهم كان راجع قارص 100+

كل الشكر للصانع الأوروبي علي دماغه اللي عايزة بوسة 3 مرات في اليوم

[hilal]

لو كانت اللمبة عطلانة او محروقة يبقى كل سنة وانت طيب لانك مش هتعرف انها محروقة
اما لو كان المؤشر عطلان هيكون واضح جدا امامك

[svneleven]

يا جماعة يا ريت ما فيش حد يزعل مني لكن أنتو مزودنها حبتين. صانع أوروبي ايه بس و بتاع ايه؟ أنت بتتكلمو علي مؤشر حرارة مش اختراع يعني. ما كل الكوري نازل بمؤشرات حرارة عادي لما عربية تنزل من غيره. ساعات عربيات بيفتكسو فيها كده و يحطو أفكار غبية. عشان تتكلم علي الأوروبي أتكلم علي ثبات و عمر افتراضي و أمان مش عداد حرارة. و كمان بلاش تحامل من غير مبرر و كل ما نلاقي غلطة في عربية نقعد نقول كوري و أوروبي. و أخر حاجة عاوز أقولها أن طبعا أنا شايف عدم وجود مؤشر حرارة حركة زبالة لكن مش مستاهلة يعني. و مش عاوز حد يزعل مني.

[Karim Ibiza]

يا جماعة يا ريت ما فيش حد يزعل مني لكن أنتو مزودنها حبتين. صانع أوروبي ايه بس و بتاع ايه؟ أنت بتتكلمو علي مؤشر حرارة مش اختراع يعني. ما كل الكوري نازل بمؤشرات حرارة عادي لما عربية تنزل من غيره. ساعات عربيات بيفتكسو فيها كده و يحطو أفكار غبية. عشان تتكلم علي الأوروبي أتكلم علي ثبات و عمر افتراضي و أمان مش عداد حرارة. و كمان بلاش تحامل من غير مبرر و كل ما نلاقي غلطة في عربية نقعد نقول كوري و أوروبي. و أخر حاجة عاوز أقولها أن طبعا أنا شايف عدم وجود مؤشر حرارة حركة زبالة لكن مش مستاهلة يعني. و مش عاوز حد يزعل مني.

أن جيت للحق مينفعش نقول كوري
هنقول الآسيوي أو بعض منه
انا ركبت نيسان تيدا 2007 ومكانش فيها مؤشر
الياريس مفيهاش مؤشر
هيونداي اكسنت 2006 مفيهاش مؤشر
اللي يحيرك أنهم تقريبا فاكرين أن ده تقدم تكنولوجي أو جايز دي ميزة وأحنا مش عارفين قيمتها لان مثلا عربية زي الاكسنت كانت بتنزل في 99 بالمؤشر عادي ومن قبلها الاكسيل وطبعا البوني

[SYD]

يا جماعة يا ريت ما فيش حد يزعل مني لكن أنتو مزودنها حبتين. صانع أوروبي ايه بس و بتاع ايه؟ أنت بتتكلمو علي مؤشر حرارة مش اختراع يعني. ما كل الكوري نازل بمؤشرات حرارة عادي لما عربية تنزل من غيره. ساعات عربيات بيفتكسو فيها كده و يحطو أفكار غبية. عشان تتكلم علي الأوروبي أتكلم علي ثبات و عمر افتراضي و أمان مش عداد حرارة. و كمان بلاش تحامل من غير مبرر و كل ما نلاقي غلطة في عربية نقعد نقول كوري و أوروبي. و أخر حاجة عاوز أقولها أن طبعا أنا شايف عدم وجود مؤشر حرارة حركة زبالة لكن مش مستاهلة يعني. و مش عاوز حد يزعل مني.

لا ماهو عوامل الأمان والثبات والعمر الأفتراضي - دي أمور انتهينا منها
دلوقتي دخلنا في حاجات اهيف من كدة بس للأسف هي أهيف من وجهة نظر الصانع الأسيوي والعميل الأسيوي لأنه بيعتبرها كماليات
لكن مازال الصانع الأوروبي والعميل الأوروبي بيهتم بيها زي مؤشر الحرارة والغماز لأنه بيعتبرها ضروريات للقيادة الأمنة

ومش عايز حد يزعل مني

[svneleven]

لا ماهو عوامل الأمان والثبات والعمر الأفتراضي - دي أمور انتهينا منها
دلوقتي دخلنا في حاجات اهيف من كدة بس للأسف هي أهيف من وجهة نظر الصانع الأسيوي والعميل الأسيوي لأنه بيعتبرها كماليات
لكن مازال الصانع الأوروبي والعميل الأوروبي بيهتم بيها زي مؤشر الحرارة والغماز لأنه بيعتبرها ضروريات للقيادة الأمنة

ومش عايز حد يزعل مني

و اضح أنك فاهمني غلط لما قولت أني مش عاوز حد يزعل مني لكن أنا فعلا كنت نفسي ما حدش يزعل وواضح أنك فعلا ادايقت لأنك بتتريق في الأخر. عامة أنا أسف و شكرا لسيادتك.

[EngAhmedSayed]

كل عربية ليها درجة حرارة تشغيل معينة
مش معنى ان الاوبل او الالمانى عموما دايما امبير الحرارة عى النص يبقى بيسخن وخطر

موضوع اللمبة ده مش حاجة حلوة خالص, بالعكس ده خطر جدا
على الاقل فى عربيتك لما تشوف المؤشر بيتحرك وداخل على الاحمر هتبطل العربية وتستنى لما تبرد وتبص على المياه وتعمل احتياطاتك
لكن اللمبة بمجرد ما نورت يبقى كده شكرا

خد الكلام من على لسانى فعلا كلامك مظبوط
ربك المستعان