رجاااء من الأخوة الأعضاء للمرايات الأوبل فيكتر 2000

[gemygoldn]

السلام عليكم ورحمة الله وبركاته
أحبائي الأعضاء كان لي أستفسار بخصوص المرايات فيكترا 2000
معي عربية اوبل فيكترا موديل 2000 المرايات فيها كهربا بمعني أنك تقدر تظبط
اتجاهات المرايا بزرار من داخل العربية .. عاوز أعمل المرايات ضم بحيث أنها تتقفل
أستأذن حضارتكم هل هي فعلا تنفع تكون ضم و لو حالة شرائي مرايات ضم هل تركيبها فعلا بيكون صعب وزي ما بيقولو التابلو يتفك والحاجات ديه كلها بصراحة انا مش عاوز ألعب في العربية
فا ياريت ألقي الحل عند أهل الخبرة وياتري هاتكلفني كام . والله المستعان
لكم كل الشكر

[Lifz_Good]

متابع للأهمية

[haitham2011]

تابلوه بيتفك علشان مرايا راكبه في الباب !!!!

[فادى محمد]

السلام عليكم ورحمة الله وبركاته
أحبائي الأعضاء كان لي أستفسار بخصوص المرايات فيكترا 2000
معي عربية اوبل فيكترا موديل 2000 المرايات فيها كهربا بمعني أنك تقدر تظبط
اتجاهات المرايا بزرار من داخل العربية .. عاوز أعمل المرايات ضم بحيث أنها تتقفل
أستأذن حضارتكم هل هي فعلا تنفع تكون ضم و لو حالة شرائي مرايات ضم هل تركيبها فعلا بيكون صعب وزي ما بيقولو التابلو يتفك والحاجات ديه كلها بصراحة انا مش عاوز ألعب في العربية
فا ياريت ألقي الحل عند أهل الخبرة وياتري هاتكلفني كام :c_laugh[1]: . والله المستعان
لكم كل الشكر:b4_095:

وعليكم السلام ورحمه الله وبركاته..
هتشتري جوز مرايات ضم + كهربا طبعا ,هيعملوا حوالي 500ج
هتحتاج زرار تاني للتحكم في اتجاه المرايات + الضم بيبيعوه ب100ج !!!!
هتحتاج ريلاي للمرايات بيبيعوه ب100ج برده
التركيب مؤرف بس مش صعب ومش بتفك التابلوه, الشغل كله في بابك والريلاي برده بيتثبت في بابك , اصعب حاجه هو تمرير سلك من ناحيه الباب اليمين للشمال وده بيتمرر من تحت الدواسات ومن ورا الكونسول الاوسط من تحت وبعد كده بيدخل علي فيشه الباب الشمال المدوره السوده علشان يتجمع في الباب .
تكلفه التركيب 50ج
لو وصلت الضم علي السنتر ,ده كويس جدا بس هتحتاج تتعود في الاول ان المرايات هتقفل لو حبيت تقفل السنتر عليك وانت سايق ,وقتها هتفتحها بالزرار اللي في بابك .

[hilal]

اتخيل لو اشتريت بابين كاملين ومجهزين بالمرايات والزراير يكون افضل
والراي الاخير لاصحاب العلم والخبرة

[gemygoldn]

مرايات

وعليكم السلام ورحمه الله وبركاته..

هتشتري جوز مرايات ضم + كهربا طبعا ,هيعملوا حوالي 500ج
هتحتاج زرار تاني للتحكم في اتجاه المرايات + الضم بيبيعوه ب100ج !!!!
هتحتاج ريلاي للمرايات بيبيعوه ب100ج برده
التركيب مؤرف بس مش صعب ومش بتفك التابلوه, الشغل كله في بابك والريلاي برده بيتثبت في بابك , اصعب حاجه هو تمرير سلك من ناحيه الباب اليمين للشمال وده بيتمرر من تحت الدواسات ومن ورا الكونسول الاوسط من تحت وبعد كده بيدخل علي فيشه الباب الشمال المدوره السوده علشان يتجمع في الباب .
تكلفه التركيب 50ج
لو وصلت الضم علي السنتر ,ده كويس جدا بس هتحتاج تتعود في الاول ان المرايات هتقفل لو حبيت تقفل السنتر عليك وانت سايق ,وقتها هتفتحها بالزرار اللي في بابك .

أ / فادي أنا مش عارف أشكرك حضرتك أزااي علي تعبك معيا في التوضيح لك كل الشكر والتقدير
كان لي ملحوظة أنا بالفعل عندي زرار للتحكم في المرايات بالتالي مش هاحتاجه كده ممكن بس أحتاج زرار الضم من الداخل وده مش عارف مكانه هايكون فين بصراحة داخل العربية
ومش عارف يعني أيه ( ريلاي) للمريات معلش أخوك لسة جليب العربية جديد ومش فاهم بصراحة
وفعلا انا نفسي أعملها تكون مع السنتر لوك بس طبعا بقفل السنتر وانا ماشي وبالتالي مش عاوزها تقفل هيا كمان ياتري لو عملتها مع السنتر هاتكون نفس طريقة التوصيل اللي حضرتك شرحتها ان السلوك هاتعدي من تحت الدواسة أنا يهمني ميكنش في لعب كتير في العربية وميظهرش اي وصلات انت عارف الكهربائية لما بيفتحو بيبوظو الدنيا اخر حاجة لو تعرف هما بيباعو فين .. أسف علي الأطالة وأشكرك علي أهتمامك وردك ع الموضوع أخوك أحمد

[magdyelshikh]

المرايات الضم انا مركبها عندى هى فعلا مقرفة فى التركيب :
بتحتاج مريتين ضم بالفيشة بتعتها لان الموجودة فى الضفيرة مختلفة عن بتاعت الضم ولازم المراتين كاملين بمعنى كل مراية فيها متورين واحد لتحريك المراية والثانى لضمها وحاول الكهربائى يوفق من المرايات القديمه ولكن لم تنفع المحاوله المهم علشان ترتاح مراتين كاملين بالفيش بتاعتها ومعهم كتاوت مرايات الاصلى علشان يعيش مدة طويله فى ناس بتركب كتاوت الخاصة بالاريال ولكن بيبوظ بسرعة والزرار القديم زى ما هو مش بيتغير المهم الليلة دى 800 جنيه غير المصنعية وربنا معاك بقى لما تركن فى ماكن يجليك الفضولين وبيصوا ازاى المرايه مقفوله كده ويرجعها غصب عنها للشكل الطبيعى مرة بعد مرة يبويظ ترس الموتور الضم وتعانى من مشكلة جديده انا اعانى من المشكلة دى علشان كده لازم اركن فى جراج او العربية تبقى قدامى

[فادى محمد]

أ / فادي أنا مش عارف أشكرك حضرتك أزااي علي تعبك معيا في التوضيح لك كل الشكر والتقدير
كان لي ملحوظة أنا بالفعل عندي زرار للتحكم في المرايات بالتالي مش هاحتاجه كده ممكن بس أحتاج زرار الضم من الداخل وده مش عارف مكانه هايكون فين بصراحة داخل العربية
ومش عارف يعني أيه ( ريلاي) للمريات معلش أخوك لسة جليب العربية جديد ومش فاهم بصراحة
وفعلا انا نفسي أعملها تكون مع السنتر لوك بس طبعا بقفل السنتر وانا ماشي وبالتالي مش عاوزها تقفل هيا كمان ياتري لو عملتها مع السنتر هاتكون نفس طريقة التوصيل اللي حضرتك شرحتها ان السلوك هاتعدي من تحت الدواسة أنا يهمني ميكنش في لعب كتير في العربية وميظهرش اي وصلات انت عارف الكهربائية لما بيفتحو بيبوظو الدنيا اخر حاجة لو تعرف هما بيباعو فين .. أسف علي الأطالة وأشكرك علي أهتمامك وردك ع الموضوع أخوك أحمد

الشكر لله..
هو نفس الزرار اللي في بابك اللي بيحرك بنوره المرايات بيبقي في زرار زيه بالضبط بس زياده
فيه زرار صغير جدا بارز علشان قلاب المرايات
لما تعملها مع السنتر هتتعود عليها ,لذيذه مش وحشه

[gemygoldn]

المرايات الضم انا مركبها عندى هى فعلا مقرفة فى التركيب :
بتحتاج مريتين ضم بالفيشة بتعتها لان الموجودة فى الضفيرة مختلفة عن بتاعت الضم ولازم المراتين كاملين بمعنى كل مراية فيها متورين واحد لتحريك المراية والثانى لضمها وحاول الكهربائى يوفق من المرايات القديمه ولكن لم تنفع المحاوله المهم علشان ترتاح مراتين كاملين بالفيش بتاعتها ومعهم كتاوت مرايات الاصلى علشان يعيش مدة طويله فى ناس بتركب كتاوت الخاصة بالاريال ولكن بيبوظ بسرعة والزرار القديم زى ما هو مش بيتغير المهم الليلة دى 800 جنيه غير المصنعية وربنا معاك بقى لما تركن فى ماكن يجليك الفضولين وبيصوا ازاى المرايه مقفوله كده ويرجعها غصب عنها للشكل الطبيعى مرة بعد مرة يبويظ ترس الموتور الضم وتعانى من مشكلة جديده انا اعانى من المشكلة دى علشان كده لازم اركن فى جراج او العربية تبقى قدامى

أ / مجدي شاكر ليك جدااااااااا ع المعلومات ديه بس حضرتك تقدر تدلني أجبهم من فين ويكونو كاملين علشان محدش يضحك عليا وتبقي فيها أي نواقص .. ولو ها تقل ع حضرتك التوصيلات من الباب الشمال للباب اليمين تقدر تقولي عملها أزااي عندك أ / فادي كتر خيره قالي علي طريقة ياتري في طريقة تانة .. شكرا ليك جداا وأسف ع الاطالة أخوك أحمد

[gemygoldn]

الشكر لله..
هو نفس الزرار اللي في بابك اللي بيحرك بنوره المرايات بيبقي في زرار زيه بالضبط بس زياده
فيه زرار صغير جدا بارز علشان قلاب المرايات
لما تعملها مع السنتر هتتعود عليها ,لذيذه مش وحشه

أن شاء الله هاعملها مع اسنتر ما أدام رايك انت كده أكيد انت هادلني ع الصح شكراا اوووي ليك
وياريت لو توضح ليا أجبهم من فين شكرا ا / فادي

[magdyelshikh]

أ / مجدي شاكر ليك جدااااااااا ع المعلومات ديه بس حضرتك تقدر تدلني أجبهم من فين ويكونو كاملين علشان محدش يضحك عليا وتبقي فيها أي نواقص .. ولو ها تقل ع حضرتك التوصيلات من الباب الشمال للباب اليمين تقدر تقولي عملها أزااي عندك أ / فادي كتر خيره قالي علي طريقة ياتري في طريقة تانة .. شكرا ليك جداا وأسف ع الاطالة أخوك أحمد

المرايات الضم اول حاجة الفيش بتعتها سواء اما غير الضم بتبقى بيضا ولما بتخدهم بتقول على التجربة وبتخدهم كاملة لان المرايه مكونه من الجسم الداخلى اللى موجود فيه الموترين وراكب فيها كف المراية اللى هى حته الزجاج والاصليه عليها علامة السخان وفيها خط بطول المراية من الحرف البيضاوى بتعها دى الكف الاصلى والمرايه راكب عليها قطتعتين الفبر واحدة على داير الزجاج والتانيه فى اول جسم المرايه من ناحية الزجاج بتاع بربيز العربية وتتأكد من انهم ثابتين جامد تهزهم كويس علشان بيثبتوا بمشابك فى جسم المراية لو متكسرين تلاقى الكفر ده بيتحرك وضرورى زى ما قلت لحضرتك معم الكتاوت الاصلى اما السلك الكهربائى بيعمل طرفين سلك بيعدهم من فيشة الباب اليمن ثم من تحت الطبلون لغاية علبة الفيوزات اللى تحت الدريسكيون من جهة الشمال بيدخلوا على الكتاوت اللى جاى مع المرايات ولازم بتجب منه فيشة الكتوات كمان كل ده بيتوصل مع الضفيرة بتاعت الطبلون وبيخرج طرفين سلك على الباب اليمن مع الفيشه السوا اللى فى الباب على المرايات بعد كل ده تشتغل المرايات ضم وفتح مع السنتر ومع فتح وقفل الباب باالمفتاح ايضا ومع الريموت لو مركب جهاز انذار وعلى فكرة احسن كهربائى فى الموضوع ده سكر موجود فى صلاح الدين مكانه جنب احمد الشيخة بتاع استعمال الاوبل لو رحت له قوله مجدى الشيخ اللى بعاعتنى ليك بتاع العجمى هو صديق لى وشاب محترم وحريف اوبل وكمان تليفونى اهو لو احتاجت حاجة 01200632526 واسأل عليهم عند الشيخة جنب سكر الكهربائى او سكر يتصل بعباس اوبل يشوفهم عنده وبكام واخر واحد هو رضا باب 10 فى بحرى بس للأسف هو اللى دايما عنده علشان بيجب بضاعة كتيرة ...... معلش طولت عليك وانا تحت امرك اتصل بى فى اى وقت

[فادى محمد]

انا جبتهم من بورسعيد من الشيخ محمد

[فادى محمد]

المرايات الضم اول حاجة الفيش بتعتها سواء اما غير الضم بتبقى بيضا ولما بتخدهم بتقول على التجربة وبتخدهم كاملة لان المرايه مكونه من الجسم الداخلى اللى موجود فيه الموترين وراكب فيها كف المراية اللى هى حته الزجاج والاصليه عليها علامة السخان وفيها خط بطول المراية من الحرف البضاوى بتعها دى الكف الاصلى والرايه راكب عليها قطتعتين الفبر واحدة على داير الزجاج والتانيه فى اول جسم المرايه من ناحية الزجاج بتاع بربيز العربية وتتأكد من انهم ثابتين جامد تهزهم كويس علشان بيثبتوا بمشابك فى جسم المراية لو متكسرين تلاقى الكفر ده بيتحرك وضرورى زى ما قلت لحضرتك معمى الكتاوت الاصلى اما السلك الكهربائى بيعمل طرفين سلك بيعدهم من فيشة الباب اليمن ثم من تحت الطبلون لغاية علبة الفيوزات اللى تحت الدريسكيون من جهة الشمال بيدخلوا على الكتاوت اللى جاى مع المرايات ولازم بتجب منه فيشة الكتوات كمان كل ده بتوصل مع الضفيرة بتاعت الطبلون وبيخرج طرفين سلك على الباب اليمن مع الفيشه السوا اللى فى الباب على المرايات بعد كل ده تشتغل المرايت ضم وفتح مع السنتر ومع فتح وقفل الباب باالمفتاح ايضا ومع الريموت لو مركب جهاز انذار وعلى فكرة احسن كهربائى فى الموضوع ده سكر موجود فى صلاح الدين مكانه جنب احمد الشيخة بتاع استعمال الاوبل لو رحت له قوله مجدى الشيخ اللى بعاعتنى ليك بتاع العجمى هو صديق لى وشاب محترم وحريف اوبل وكمان تليفونى اهو لو احتاجت حاجة 01200632526 واسأل عليهم عند الشيخة جنب سكر الكهربائى او سكر يتصل بعباس اوبل يشوفهم عنده وبكام واخر واحد هو رضا باب 10 فى بحرى بس للأسف هو اللى دايما عنده علشان بيجب بضاعة كتيرة ...... معلش طولت عليك وانا تحت امرك اتصل بى فى اى وقت

استاذنا ..
هو الخط الحراري اللي في المرايا اليمين شغال عندك ؟؟ اصلي ماعرفتش اشغله ازاي؟؟
خدت بالك ان الجزء اللي في المرايا اليمين اللي قبل الخط الحراري تقعيرته مختلفه عن باقي المرايا !! علشان يجيب المنطقه العميا (dead zone ) !!!

[magdyelshikh]

:018a1d~146::018a1d~146:
استاذنا ..
هو الخط الحراري اللي في المرايا اليمين شغال عندك ؟؟ اصلي ماعرفتش اشغله ازاي؟؟
خدت بالك ان الجزء اللي في المرايا اليمين اللي قبل الخط الحراري تقعيرته مختلفه عن باقي المرايا !! علشان يجيب المنطقه العميا (dead zone ) !!!

هلا فادى باشا عامل ايه اتمنى انك وكل الاسرة تكون فى احسن حال
بالنسبة للخط الحراى شغال بس له توصيله مع زرار التسخين اللى الموجود فى الطبلون جنب التكيف وكمان الزرار بتاع المريات يكون فيه لمبه صغيرة صفرة معها زرار ضغط وكل ده بيشغله كتاوت المرايات الاصلى من غيرة كل المنظومه دى مش بتعمل مع بعضها بس الكهربائى نصحنى بعدم تشغيله الا مع الصقيع الشديد لان تسخين المراية فى درجة حرارة بلدنا ممكن يفرقع المراية فضرورى الحرص على ذلك

[فادى محمد]

تمام ياباشا ..
انا عندي الزرار من غير لمبه البيان الصفرا بس فيها طبعا زرار القلاب