استفسار فني مهم جدا بخصوص اوبل استرا كوزمو

[haygen]

السلام عليكم

معلش يا جماعه انا عندي استفسار بسيط بخصوص اوبل استرا الجديده

لما بكون راكن العربية وهيا دايره ومخليها علي البارك p ومفعل فرامل اليد الإلكتروني

لو جيت اضغط علي الفرامل من الدواسه بسمع صوت "تكة" في الفتيس

وكمان لو حطيت ايدي علي الفتيس بحس بالتكه دي لما بضغط علي دواسة الفرامل في حالة اني واخد بارك ومفعل فرامل اليد الإلكترونية

هل الموضوع ده طبيعي وعند كل الناس ولا انا بس ؟

لإن لسه قدامي 2000 كم واروح اعمل صيانة ال 5000

بإنتظار ردكم

تحياتي

[janagabr]

اولا الف مبروك يا باشا علي العربية
يعني معاك العربية وعاملة 3000 كيلو
ومفكرتش تعمل تقرير عن العربية عشان تفيد غيرك
لان كان في ناس هنا محتاجة اراء ملاك العربية ومحتارين
ووقت لما اتزنقت طلبت افادة الناس
المهم يا زعيم
لو انت بتركن علي ارض مايلة خلي الفتيس علي r وشد فرامل اليد الاول وبعدين عشق
لان لو انت بتجيب الفتيس علي P الاول التروس بتعشق وفي حالة الارض المايلة بتضغط علي بعض فلما تفك التعشيق تحس بتكة او صوت في الفتيس كأن العربية كانت مكتومة واستريحت
اما لو الصوت ده في كل مرة يبقي مش عارف
والحوار ده في اي عربية اوتوماتيك
عموما انا مسمعتش عن التكة ده في الاسترا الجديدة
ربنا يديك خيرها ويكفيك شرها

[haygen]

اولا الف مبروك يا باشا علي العربية
يعني معاك العربية وعاملة 3000 كيلو
ومفكرتش تعمل تقرير عن العربية عشان تفيد غيرك
لان كان في ناس هنا محتاجة اراء ملاك العربية ومحتارين
ووقت لما اتزنقت طلبت افادة الناس
المهم يا زعيم
لو انت بتركن علي ارض مايلة خلي الفتيس علي r وشد فرامل اليد الاول وبعدين عشق
لان لو انت بتجيب الفتيس علي p الاول التروس بتعشق وفي حالة الارض المايلة بتضغط علي بعض فلما تفك التعشيق تحس بتكة او صوت في الفتيس كأن العربية كانت مكتومة واستريحت
اما لو الصوت ده في كل مرة يبقي مش عارف
والحوار ده في اي عربية اوتوماتيك
عموما انا مسمعتش عن التكة ده في الاسترا الجديدة
ربنا يديك خيرها ويكفيك شرها

التقرير ناوي اعمله بكره مصور

العربية عاملة الف كيلو بس .. انا بعمل الصيانة قبل معادها كالمعتاد

بالنسبة للعربية .. العربية في جراج خاص ومش مائل ولا حاجة

الموضوع وما فيه محتاج تجربه من حد معاه نفس العربية عشان نشوف دا امر عادي ولا مشكله

في انتظار رد الإخوه اللي معاهم الأسترا 2013

تحياتي

[ashourashour]

!

انت بتسمع تكه في العصايه مش في الجير بوكس

دا اللوك بتاع العصايه و متصل مع فرامل الرجل

زي سولينويد او زي كتاوت .. مش كتاوت طبعا لكن ملف بيشد لوك حديد

عشان مينفعش نفك العصايه من ال p من غير متدوس فرامل

لما بتدوس فرامل الكويل ده بيشد اللوك اللي بتحس بيه و بتسمع صوته في عصايه الفتيس عشان يسمحلك تحركها

و لو البطاريه فاضيه و عايز تفك ال p وتجيب n بتفك اللوك دا مانيوال من جنب العصايه

كل الاوتوماتك كدا على فكره

مع احترامي للرأي اللي سبقني

انا مش عارف المعلومات دي منين !

اركن عادي خالص ولا تحط في دماغك

متروحش بالعصايه لل r او ال p والعربيه لسه بتتحرك لازم تكون وقفت تماما بس كدا