أفيدونى لو سمحتوا أسترا 2000 ولا كليو 2003

[wolverine_egy]

يا ريت يا رجالة حد يفيدنى فى الموضوع ده أنا محتار بين الأسترا موديل 2000 أو2001 و بين الرينو كليو 2002 أو 2003 و تقريبا الأتنين فى نفس السعر حوالى 40000 بس مش عارف أننهو الأحسن
فى ناس تقول اللأوبل ألمانى و عربية محترمة بس عيبها الماتور الضعيف بالذات لما يكون التكييف شغال بتبقى بطة و فيها سينسورات كتيرة بتبوظ
و على الكليو يقولو برضو عربية فرنساوى و محترمة بس ضيقة جدا من الكنبة اللى ورا و تكييفها أى كلام فى الحر وطرمبة البنزين بتبوظ كتير
فأنا خلاص مش عارف أعمل أيه و بصراحة شايف أن دول أحسن عربيتين فى حدود الفلوس اللى معايا
ياريت حد يريحنى و يقولى بس ميبقاش بيفتى و خلاص
أسف على الإطالة

[تامر.محمد]

رأيي أسترا

[wolverine_egy]

ياريت يا باشا تقولى ليه و شكراً على ردك

[medo111]

بص هو الي انا اعرفو والي بحسو ان الالماني مبيتاسرش بالتكيف دا معايا في 1600 بس في 1200 مش عارف

[sherif moneer]

الاسترا ممتازه
فضلت معانا سنتين 1200 سي سي وكانت محتاجه ماس اير فضلت ماشيه سنتين وهو بايظ
تخيل لما تمشي سنتين بحساس بايظ يبقى ايه؟!
الحمدلله ف السنتين دول متغيرش فيها حساس واحد والتكييف كان حلو جدا بعد ما شيلنا الفلتر
العربيه عزمها بيقل شويه لما التكييف يشتغل بس مش زي ما انته فاهم برده هتلاقيها بسيطه
الاسترا من جوا اوسع من الكليو
الاسترا ثباتها كويس جدا وعربيه عائليه ومحترمه وشيك
وقطع غيار الالماني معمره ف مش بتحتاج تغير نفس الحاجه مرتين
المهم دور علي عربيه نضيفه عشان تريحك سواء كليو او استرا

[hilal]

أهم شيء حالة العربية ، اللي تلاقيها حالتها افضل اشتريها وانت مغمض
أي واحدة فيهم لو حالتها تعبانة هتبهدلك
لو تساوت الحالتين يبقى الاسترا

[wolverine_egy]

متشكر جداً يا جماعة على الردود

[wolverine_egy]

بس انا عندى سؤال كمان . هل 40000 ألف تقدر تجيبلى عربية أوبل أسترا كويسة ؟؟

[sherif moneer]

هيجيبو عربيه ممكن مكنه وعفشه سليمه بس البويه مش اد كده وفيها حكات
ممكن يجيبو حاجه راشه ف الدواخل ودي ترجعلك انته
ولو زودت 3000 كده ف الرينج بتاعك هتضمن انك تلاقي حاجه حلوه
ومتستعجلش ف الشرا عشان العربيات عايزه صبر
اتقل تاخد حاجه نضيفه :d

[mexmarine]

انا معايا استرا 2000 و لو هاموت مش بايعها بـ اربعين الف ابدا .. الاسترا الكويسه من 46 الف الى 50 ألف و اعتقد ان اقل من كده بتكون معيوبه .. و على فكره انا من يومين ركب معايا 4 اشخاص و انا الخامس و كان حر جدا و شغلت التكييف و فعلا العربيه كانت مجهده لكن ما قلتش اى حاجه و عملت المشوار فى الزحمه و الحر و رجعنا زى الفل بدون الحمد لله مشاكل و لو مسافر بيها و مشغل التكييق و معايا شخصين مثلا بتوصل سرعتا 160 - 165 و لو لوحدى بتوصل 170- 175 كيلو / ساعه

[محمد الباشا]

انا معايا استرا 2000 و لو هاموت مش بايعها بـ اربعين الف ابدا .. الاسترا الكويسه من 46 الف الى 50 ألف و اعتقد ان اقل من كده بتكون معيوبه .. و على فكره انا من يومين ركب معايا 4 اشخاص و انا الخامس و كان حر جدا و شغلت التكييف و فعلا العربيه كانت مجهده لكن ما قلتش اى حاجه و عملت المشوار فى الزحمه و الحر و رجعنا زى الفل بدون الحمد لله مشاكل و لو مسافر بيها و مشغل التكييق و معايا شخصين مثلا بتوصل سرعتا 160 - 165 و لو لوحدى بتوصل 170- 175 كيلو / ساعه

انا معايا استرا 2000 برضه العربيه دى ممتازه جدا وثابته على الطريق وسافرت بيها وكويسه هو التكييف بس الى مشكله لانه شديد فبيحمل على الموتور جامد بس فى الطرق السريعه بيبقى عادى كويس وقطع غيارها متهيالى بتبقى ارخص من الفرنساوى شويه

[إبراهيم المصرى]

بقالها معايا اكتر من سنتين وخدتها من اخويا كان جايبها زيرو بصراحه عربية ممتازه وفى اعتقادى ان الاسترا 1200 افضل من 1600 لانها من الاخر المانى جبت بيها لحد 180 وثابته جداً