إعـــــــلان

Collapse

.

,
See more
See less

شوية شغل مكلفين بس حلوين

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    شوية شغل مكلفين بس حلوين

    السلام عليكم

    كان حصل شوية مشاكل فى العربية عندى لكن الحمد لله ظبطها .

    هى كلفتنى صحيح شوية حلوين فى الايام الغبرة دى لكن الحمد لله على كل شيئ

    فحبيت انى اشارك حضراتكم كل اللى عملته يمكن يكون فيها فايدة باذن الله

    وخاصة ان الاخ العزيز عمرو جمال كان معايا فى بعض الحاجات دى وعلى فكرة هو انسان ذوق ومحترم واخلاق جدا ربنا يبارك فيه

    بدا الموضوع بانى لقيت الفرامل حجرت مرة واحدة تحت رجلى يعنى لازم ادوس جامد عشان تهدى العربية ولازم ادوس اجمد جدا عشان تقف وطبعا ده كان خطر جدا لان العربية كانت تقريبا بتهدى مش بتقف وتاخد وقت عشان تقف والفرامل ناشفة جدا

    ثانيا الحرارة كان بقالها 3 شهور مستقرة لكنها بدأت تستعبط كانت مش بتعدى ال 89 لكنها بقت تطلع لحد ال 92 واول ما حصل ده عرفت انها رايحة فى سكة اللى يروح ما يرجعش
    وفعلا بعدها بكام يوم بقت توصل 98 ومروحة الريداتير تشتغل لوحدها عالسرعة الاخيرة وتنزل تانى وتطلع وهكذا
    طبعا انا شكيت وش ان السويتش بدا يهيس تانى وخاصة ان مروحة التكييف بقت مش بتشتغل او بتشتغل وتقطع ودى اعراض اتعودت عليها قبل كده

    رحت من نفسى غيرت تيل امامى وجبته sk ب110 جنيه من دمشق وركبته مفيش فايدة لسة محجرة قلت مش مشكلة كده كده التيل القديم كان انتهى

    رحت لصابر وخليت الدكش كشف عليها قالى ده السيرفو

    قلت اتاكد وقلتله هجيلك تانى

    هنا بقى كلمت ولاول مرة اخى الفاضل " فادى " وقلتله مشكلة الفرامل فكان رايه انى اشوف واحد واتنين وتلاتة واتاكد وده كان راييى بردو

    واتفقنا انى هروح للمهندس فادى فى المعادى لانى لقيت الناس بتشكر فيه واتفقنا انى هكلم عمرو جمال لانه يعرفه كويس

    وفعلا كلمت عمرو وطلع انسان ذوق ومحترم جدا واتفقنا اننا نتقابل تانى يوم ونروح لفادى وحصل فعلا
    وبصراحة بردو المهندس فادى راجل فاهم وذوق ومحترم اوى
    كشف تقريبا على كذا حاجة وقالى لو خراطيم بلف السيرفو سليمة يبقى السيرفو فيه المشكلة جرب بخراطيم تانية ولو نفس المشكبة يبقى غير سيرفو
    وكشف على المروحة الامامية وقالى ان المروحة بايظة وتقيلة وبتعمل شرز وانا فعلا كنت عارف انها شبه بايظة لان السرعة الاولى فيها كانت بايظة وكنت ممشيها بكوبرى مع المروحة الداخلية

    ........................

    توكلت على الله ورحت الحرفيين اجيب سيرفو ومروحة
    وافتكرت كلام اخونا العزيز ربنا يصلح احواله ويكرمه طنانى بان اسلام عبد الشافى اسعاره حلوة
    كلمته وقلتله انى من طرف طنانى وموقع نايل موتورز ده بعد اذن طنانى طبعا ومرضيتش اقلقه باتصالى لانى عارف ظروفه ربنا يعينه

    اسلام هو اللى رد عليا ولما قلتله انى من طرف طنانى والموقع بصراحة رحب بيا جدا سالته على السيرفو قالى ليك هيبقى 200 جنيه
    المفاجأة بقى انى سالت بره لقيت سعره عند ناس تانية 400 جنيه فطبعا سعر هايل الحمد لله

    ولما رحت كتبت قائمة بالحاجات اللى محتاجها عشان اعرف سعرها واقولها لحضراتكم يمكن تنفع

    اشتريت منه السيرفو 200 جنيه

    ومروحة امامى نزلتها معاه من 400 الى 350 جنيه وده سعر حلو جدا بالقميص

    وسالته على

    جوز مساعدين امامى 400 جنيه

    جوز كبالن 500 جنيه

    جوز مساعدين خلفى 350 جنيه

    جوز مرايات عادى كهرباء 500 جنيه

    جوز مرايات ضم 600 جنيه

    قواعد موتور الثلاثة 350 جنيه

    عداد بدون 250 جنيه بدون شاشة معلومات او ساعة يعنى عداد بس

    وبصراحة انا شايف انه اقل من ناس كتير بره بنسبة تتراوح من 50 الى 100 جنيه فى بعض الحاجات

    .................................................. .

    فكلى السيرفو من نص عنده وجابلى المروحة من المخزن

    رحت لصابر وقلت لدكش اشتغل بقى

    ركب السيرفو الجديد والحمد لله تمام

    وجه دور منصور الكهربائى الفنان المحترم الجامد اوى

    ركب المروحة وجربناها تمام الحمد لله جربنا الحرارة لقينا بردو الحرارة عالية وفى الاخر وصلنا ان السويتش راح فى خبر كان وملقيتش عنده السويتش اللى بفضله وهو 85 / 89 نوعه توبران

    وكان عمرو جمال الله يباركله قالى انه مركب السيوتش الاصفر فرنساوى بيشتغل 83 /87 وشكر فيه
    قلت لمنصور خلينا بكرة بقى اجيب السويتش ونركبه

    واتفقت مع عمرو انى هقابله تانى يوم فى المعادى عالكورنيش بعربيته لانه فى حاجات كان عايز كهربائى كويس يعملها واتفقنا انه هيروح لمنصور
    فرتبنا اننا نتقابل نجيب السويتش من المعادى ونروح سوا لصابر
    وفعلا اتقابلنا تانى يوم ورحنا لصابر وركبت السويتش والحمد لله تمام جدا
    السويتش تمنه 125 جنيه من ربيع اللى فى المعادى

    وخليت منصور فك الفوانيش الخلفية واتغسلوا وغيرت اللمبات المحروقة ورجعوا الحمد لله تمام

    وفى نفس الوقت عمرو ربنا يباركله بدا شغل فى عربيته بس انا هسيبه هو بقى يحكى ان شاء الله عمل ايه عشان نستفيد كلنا

    اسف للاطالة ولكن احب اوجه الشكر لله فى الاول طبعا

    ثم لطنانى باشا اللى ربنا بيكرمنا وينفعنا بيه فى وجوده وغيابه

    ولفادى باشا الراجل الذوق المؤدب الاخلاق المحترم

    ولعمرو جمال واخوه احمد ناس ولاد ناس جدا ومحترمين واخلاق عالية جدا

    وقضينا يوم شقى بس حلو مع بعض ..

    والحمد لله رب العلمين
    (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ) [B][/B]
    الكلمات الدلالية (Tags): بس, حلوين, شغل, شوية, مكلفين
  • #2
    الف مبروك عقبالى ان شاء الله .. انا عامل ليستة كدة مش بتخلص اصلا .. ربنا يستر ههههه
    بسم الله ما شاء الله و لا حول ولا قوة الا بالله [rmade][url=http://nileup.com/up/][img]http://nileup.com/up/uploads/nilemotors_13689759171.jpg[/img][/url][/rmade]

    Comment

    • #3
      انا مش عارف يعنى ايه بلف السيرفو ممكن الافاده

      Comment

      • #4
        فى بين الانجيكشن والسيرفو كورة صغيرة متوصل فيها 3 خراطيم صغيرين على يمين الموتور فوق هى دى البلف ولو فى مشكلة او منفس بياثر على اداء الفرامل
        (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ) [B][/B]

        Comment

        • #5
          مبروك

          Comment

          • #6
            مبروك وياريت رقم اسلام الي في الحرفيين
            [SIGPIC][/SIGPIC]
            (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ)

            Comment

            • #7
              مبروك يا استاذ محمد ...
              تسلم ايدك ع التقرير
              اخوكم /فادي محمد عيد ..من مواضيعي المصوره للفيكترا بي ....

              [URL]http://www.nilemotors.net/Nile/97671-b.html#post3872017889[/URL] تغيير اويل سايل اسبراتير
              [URL]http://www.nilemotors.net/Nile/130445-b.html#post3872432932[/URL]تنظيف الايديال كونترول
              [URL]http://www.nilemotors.net/Nile/150353-b.html#post3872669019[/URL]تعديل في اضاءه التابلوه
              [URL="http://www.nilemotors.net/Nile/143705-b.html#post3872580355"]http://www.nilemotors.net/Nile/143705-b.html#post3872580355تغيير فرش السقف للفيكترا[/URL]
              [URL="http://www.nilemotors.net/Nile/181441-a.html#post3873046581%D8%AA%D8%BA%D9%8A%D9%8A%D8%B1"]http://www.nilemotors.net/Nile/181441-a.html#post3873046581تغيير[/URL] جوان وش التاكيهات

              hellboy سابقا

              Comment

              • #8
                مبروك يا متر والف شكر على الافادة وربنا يجعلها اخر المصاريف وتتمتع بها ان شاء الله
                [SIGPIC][/SIGPIC]{رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ}

                Comment

                • #9
                  هي الاسعار دي استيراد ولا جديد؟؟؟
                  [RIGHT][SIZE=3][B][FONT=Palatino Linotype]الشيئان اللذان ليس لهما حدود هما :حدود الكون وغباء الأنسان مع أني لست متأكد بخصوص الكون[/FONT] (ألبرت أينشتين)
                  [/B][/SIZE] [/RIGHT]

                  Comment

                  • #10
                    ايه الكلام الكبير دا يا متر :)
                    ربنا يخليك يا باشا دانا اللي عايز اشكرك والله ,انت شخصيه محترمه و راجل جدع ربنا يباركلك و يبارك في الحته الفيكترا بتاعتك :)

                    المشكله اللي كانت عندي يا جماعه كانت في ضفيرة الموتور و كنت ماشي وانا فاصل فيشه الايدل عشان لما بركبها ال rbm بيفضل يطلع وينزل بشكل منتظم و طبعا ظابطاني بنزين و ريحه البنزين باينه في الصالون كله عشان بتاكل بنزين جامد ,ومهندس فادي كان كشف عليها و قالي لازم تغير الضفيرة
                    وبالصدفه احمد اخويا قال يروح يتأكد عند ( عبد الراضي منه لله ) قاله عايزة كنترول ب 1200 جنيه !!! ولما قولت لمهندس فادي قالي لأ طبعا دي مشكله ضفيرة .. خدت كلامه عن ثقه طبعا بس ماعرفتش اجيب الضفيرة و اخويا كان عنده امتحانات و بياخد العربيه فـ نفضت للحوار

                    لحد ما المتر وداني لمنصور اللي عند صابر كشف و اتأكد ان المشكله في الضفيرة و سألنا صابر بكام قال ب 1500 بس هيحسبها ب 1300 جنيه عشان المتر محمد و بعد كدا المتر نزل معاه 100 كمان..بس بردو كتير جدا بصراحه 1200 جنيه في ضفيرة غير المصناعيه و غير اي حاجه هتقابلني في السكة
                    راح محمد بيه الكبير اوي موصي منصور انه يعيش حياته في الضفيرة بتاعتي يرمها و يصلحها .. وفعلا منصور خاد الضفيرة بتاعتي ع المشرحة و مشغل اللمبه فوقيها و قاعد ع الكرسي زي الدكاترة و سهر فيها ل تاني يوم الصبح و الحمدلله ركبها وظهر علي الكمبيوتر ان الحساس اللي قبل الماف بايظ غيرتة و لمبه الاعطال طفت و كله تمام
                    و اخيرا المشكلة اتحلت بفضل ربنا وعلي إيد المتر و منصور كهربائي الجيل :)
                    [SIGPIC][/SIGPIC]
                    Amr Gamal
                    [COLOR=Blue][COLOR=Orange]Opel[/COLOR] [COLOR=Black]:[/COLOR] wir leben autos[/COLOR]

                    Comment

                    • #11
                      الف مبروك يا رجاله ع شويه الشغل دول ربنا يعوض عليكو
                      سبحانك اللهم وبحمدك ، أشهد أن لا إله إلا أنت أستغفرك وأتوب إليك
                      Ahmad Zarzora

                      Comment

                      • #12
                        المشاركة الأصلية كتبت بواسطة muahmmad honda مشاهدة المشاركة
                        الف مبروك عقبالى ان شاء الله .. انا عامل ليستة كدة مش بتخلص اصلا .. ربنا يستر ههههه
                        ياباشا الله يبارك فيك .. هههه وهى من امتى كانت اللستة بتخلص ماهى مخلصة جيوبنا اول باول
                        (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ) [B][/B]

                        Comment

                        • #13
                          المشاركة الأصلية كتبت بواسطة s o p h o s مشاهدة المشاركة
                          مبروك
                          الله يبارك فيك تسلم
                          (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ) [B][/B]

                          Comment

                          • #14
                            المشاركة الأصلية كتبت بواسطة amr elsisi مشاهدة المشاركة
                            مبروك وياريت رقم اسلام الي في الحرفيين
                            الله يبارك فيك
                            وده رقم اسلام 01003016660

                            بس ياريت اللى يكلمه يقوله انه من طرف طنانى والموقع عشان يهتم وكمان عشان يعرف ان الموقع مهم ليه فيظبط الاسعار مع اعضاؤه
                            (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ) [B][/B]

                            Comment

                            • #15
                              المشاركة الأصلية كتبت بواسطة فادى محمد مشاهدة المشاركة
                              مبروك يا استاذ محمد ...
                              تسلم ايدك ع التقرير

                              فادى باشا الله يبارك فيك واشكرك جدا على ذوقك واخلاقك العالية وسعة صدرك معانا تسلم دائما
                              (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ) [B][/B]

                              Comment

                              السابق 1 2 template التالي
                              Working...
                              X