سوال بخصوص قواعد الموتور وصفاره مع التكييف

[hagagatc]

انا عندي رعشه لما ادوس فرامل والعربيه علي ال d او r خلاف كده مفيش حتي لما اديها غيار بتنتش هل دي فعلا من القواعد ولا شدادت مع اني مغير الشداد العلوي جديد
تاني حاجه لما اشغل التكييف والعربيه لسه بارده بسمع زي صوت صفاره جاي من ناحيه سير الدينامو
وهل القواعد لو بايظه تعمل مشاكل في العفشه تنشف العربيه في المطبات ترزيع في الطبلوه

[esam_ayad]

متابع لأني عندي نفس الحاجه بالظبط

[MohammedAladel]

قواعد الموتور ملهاش دعوى نهائى بالعفشة

[lorance50]

انا عندي رعشه لما ادوس فرامل والعربيه علي ال d او r خلاف كده مفيش حتي لما اديها غيار بتنتش هل دي فعلا من القواعد ولا شدادت مع اني مغير الشداد العلوي جديد
تاني حاجه لما اشغل التكييف والعربيه لسه بارده بسمع زي صوت صفاره جاي من ناحيه سير الدينامو
وهل القواعد لو بايظه تعمل مشاكل في العفشه تنشف العربيه في المطبات ترزيع في الطبلوه

نفس مشكلتى
عايز اعرف أية الشداد إلى انت غيرتة
بالنسبة للسفارة اعتقد أن دة سير التكييف لازم يتغير

[hagagatc]

شداد موتور علوي بيبقي ظاهر فوق بيتغير سهل

[aldesha989]

شد على سير التكيف شويه

بس المفروض لو قواعد الماتور بايظه العربيه ترجرج على السلانسيه كمان مش بس كده

لكن الاعراض دى ممكن تبقى حاجه تانيه ممكن عيب تنضيف بوابه او رشاشات او بوجيهات جابت اخرها ليه حاجات كتير

[هيثم الدسوقى]

هى رعشة ولا رجة . يعنى لو رجة واضحه وانت على الاول او على الراجع دى تقريبا ديسك واسطوانة محتاجين يتظبطوا او يتغيروا

[ayman hamdy]

هى رعشة ولا رجة . يعنى لو رجة واضحه وانت على الاول او على الراجع دى تقريبا ديسك واسطوانة محتاجين يتظبطوا او يتغيروا

عربية الاخ عبد الرحمن 2000سي سي ايكوتك اوتوماتيك مش مانيوال دى اكيد قواعد موتور

[hagagatc]

انا غيرت شداد الدينامو استيراد 65 جنيه
عشان الصفاره وراحت من عند العايدي
وغيرت قعدت الفتيس الخلفيه من عند اولاد عبدالشافي ثمنها 150 جنيه والرعشه اختفت بقت حاجه بسيطه خالص ممكن تكون تحميل عادي بص غير الاول تماما

[ayman hamdy]

الف مبروك يا استاذ عبد الرحمن انك وصلت للسبب والحمد لله انها ظبطت

[hagagatc]

الله يبارك فيك يا استاذ ايمن