شد الاسترا 2013 مع الليون والاوكتافيا

[janagabr]

الواحد كان رايق كده من كذا يوم ربنا يكتر الروقان في زمن النهضة ويتوب علينا مش محتاج اعرفكوا الروقان اللي كلنا بنعيشوا في زمن النهضة
المهم اتجمعنا وقولنا يلا نشد بالاسترا كوزمو 2013 لوحدنا طلعنا علي الطريق وبالصدفة قابلنا واحد معاه سيات ليون وكان رايق زينا بصينا لبعض عيني في عييناه رجلي علي الدواسة ورجلة علي الدواسة شغلت النور العالي قام مشغل النور العالي قمت ماسك الدركسيون بايدي الاتنين قام ماسك الدركسيون بايده الاتنين شديت الحزام قام شد الحزام
قولت لا بقه ده كتير اوي
فصاحبي قالي الشاب ده لازم يتعلم عليه
قولت لصاحبي المسامح كريم معلش غلط وهيصلح غلطته
قام الشاب ادانا زمرتين
فصاحبي صرخ في وشي قالي متسكتلوووووش
شدينا كده من علي سرعة 20 او 30 لقيتلك الشاب طلع مني وعدانا بمسافة 10 او 15 متر قرصنا علي الماتور ولقيتلك الاسترا جت علي سرعة 90 ونطرت واتعفرتت وطلعت من الليون وابتدت الليون تختفي من المرايات ولقيتلك علي سرعة 140 واحد باوكتافيا داخل بيرعش وماشي جنبنا المهم فضلنا جنب بعض لحد 175 وبعدين خفنا وقمنا مهديين وبتاع الاوكتافيا كان قلبه جاد وشرخ
الخلاصة
الاسترا في بداية سحبها كان بطئ فطلع الليون منها فحسينا بالاحباط وقولنا يا خسارة تعبك وشقاق في فلوس الاسترا يا هريدي لحد ما العربية اتعفرتت وشدت علي 100 ففرحنا اوي
بتاع الاوكتافيا كنت حاسس ان لو كملنا معاه شد كان هيعدي مننا والله اعلم
مش هكلمكوا عن العزل الصوتي والاتزان والكلام ده لانه خلاص انقرض

[hossam_elwani]

نفس الاحساس عندى فى الكروز فى الاول بطئيه وبعد كده وحش

[Ahmod]

مش من المفروض ان لا الاوكتافيا ولا الليون يثبتو معاك !!! ؟ غريبة ؟؟

سواء الاوكتافيا او الليون الاتنين مش بتوع جري خالص !!

[mahmoud_afifi]

بس انت عربيتك اقوى من الاوكتافيا المفروض ؟

[Karim Ibiza]

دلوقتى يجيلك اللى مابيرحمش واللى معلم على الأوكتافيات كلها ويخليك تنزل تبيع الكوزمو وتجيب لانوس 2 كامة هههههه

[Mohab555]

أوكتافيا تطلع منك !!! طب ازاى !! ده انا الاسترا دى حبيبتى !! استحاله
ده انت تعمل معاها كل حاجة بمنتهى السهوله !! انت بس مكنتش فى المود ساعتها ...

[janagabr]

أوكتافيا تطلع منك !!! طب ازاى !! ده انا الاسترا دى حبيبتى !! استحاله
ده انت تعمل معاها كل حاجة بمنتهى السهوله !! انت بس مكنتش فى المود ساعتها ...

هي العربية كانت جديدة فكنا مترددين نشد بيها
هو مطلعش مننا بس احنا اللي هدينا عشان خفنا لان الاوكتافيا كان ف نص الطريق واحنا علي الشمال فخيفين ليطلع الاختراع العجيب بتاعنا اللي اتحفنا بيه العالم وهو U Turn اللي علي الشمال اللي المفروض الشمال ده هو السريع
اصل شفت كذا مره ناس طلعت بعربيتها فوق رصيف U Turn
متفهمش اللي بيعمل الاشارات والارصفة في مصر بيبقي داخل مسابقة كام عربية يقدر يخرشمها في اليوم من الرصيف الجديد اللي هيعمله تحس انه بيلم فلوس علي تكسير العربيات
المصري ام الاجنبي

[Mzeid]

هي الأوكتافيا مطلعتش منه يا شباب .. الراجل هدى و الأوكتافيا كمل على سرعته :)

و الليون أكيد كانت dsg

[Karim Ibiza]

هي الأوكتافيا مطلعتش منه يا شباب .. الراجل هدى و الأوكتافيا كمل على سرعته :)

و الليون أكيد كانت dsg

الليون لو كانت فعلا dsg كانت فشكتهم كلهم
بس من الواضح أنها موديل قديم أو جايز اللي بيسوقها مش بتاع جري اساسا

[Mzeid]

الليون لو كانت فعلا dsg كانت فشكتهم كلهم
بس من الواضح أنها موديل قديم أو جايز اللي بيسوقها مش بتاع جري اساسا

موافقك

[speed_magnum]

دلوقتى يجيلك اللى مابيرحمش واللى معلم على الأوكتافيات كلها ويخليك تنزل تبيع الكوزمو وتجيب لانوس 2 كامة هههههه

انت ما عرفتش اللي حصل
مش الموتور بتاعه جاب صبابات وباظ بسبب سير الكاتينه

اااين انت يا لانوس

[medo111]

انت اكيد تطلع من الفنتازيا انا بطلع منها ب استرا 2004 بس انت قلبك مش جامد وخايف علي العربيه وهتلقيك مكنتش بتقرص اساسا

[monamize4]

انت ما عرفتش اللي حصل
مش الموتور بتاعه جاب صبابات وباظ بسبب سير الكاتينه

اااين انت يا لانوس

ههههههههههههه
زمانه يا باشا متضايق دلوقتى انه مش قادر يجى يعلم على ال 3 عربيات
بس خلى بالك ان الاسد يمرض و لا يموت و اكيد هيسقط للاسد موتور اقوى


الفانتازيا ,,, ممكن اقول فيها شعر فيها للصبح لكن ف التسارع ,,
اقرا المشاركة دى http://www.nilemotors.net/Nile/3875037637-post30.html

الاسترا ,,, بطة تحت ال 100 و معرفش فوق ال 100 ايه ظروفها

الليون ,,, المفروض انها كانت علمت عليهم

[lanos2004]

اسمحلى تقريبا انتوا الاتنين سنه اولى شد علشان اوكتافيا تطلع منكم
انا عربيتى كانت جايبه صبابات وغرفه احتراق كامله مفوته يعنى ماشى 3 سلندر
وكنت راجع من اكتوبر انا واسلام وهوة فى عربيته نوبيرا
وكنا ماشيين عادى من 90 الى 120
لقيت اوكتافيا سودا بتتحرش بالانوس
وعنها هوة داس وانا وراة عند سرعه 150 كنت رميته ورايا وسحبته ورايا لحد 180 وطبعا كان المحور خلص فهديت
يعنى انا اطلع منها 3 سلندر
وهيه تعلم عليكوا وانتوا راكبين ليون واوبل
حرام عليكوا بوظتوا سمعه اوبل وسيات

[mahmoud_afifi]

لقيت اوكتافيا سودا بتتحرش بالانوس

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههههههه
ضحك للصبح