عربيات استرا انجوى رخيصة على كونتاكت عادى ولا فى حاجة غلط؟؟

[newman]

كنت بدور بقالى فترة على عربية استرا انجوى بس لقيت النهاردة حاجة غريبة
شوية عربيات من 45 ل 70 الف جنيه وماشيين من 50 ل 70 الف كيلو ومكتوب فابريكة وصيانة بالتوكيل
مش عارف بقى هو دا فعلا سعرهم ولا فى حاجة غلط؟؟؟

[أشرف العدوي]

انا كنت عايز اعمل نفس الموضوع
انا فعلاً مستغرب جداً مس سعرهم
خصوصاً ان فيهم واحدة ايزيترونك بـ 55000
و النظيفة بـ 64000
و كلهم كيلو متر اقل من 70000 كم
ايه الموضوع ده

[ashourashour]

كونتاكت مرتع التجار السفله النصابين

[emad_2020]

شوف يا كبير الكلام كتير المهم حالة العربية ومعظم الناس دى تجار يعنى من الاخر مش هتعرف تضحك عليهم وبيكونو اصحاب معارض هى بس مجرد جر رجل اوك

[shalaboka]

يا جماعه الموضوع بسيط لما واحد عاوز يلعب فى سعر عربيه اما بالزياده او بالنقصان يروح ببساطه منزل 5 او 6 اعلانات باسعار اى حاجه و بعدين يقول للزبون ادخل حضرتك على النت شوف تعمل كام يدخل الراجل البسيط يلاقى السعر كده و هكذا

[Amrgamal1]

خدت بالي من الموضوع دا من فترة كبيرة في الاسترا بالزات و في كام مركه بردو مش فاكرهم بس ماهتمتش اني اعمل موضوع لان الحوار باين انه نصب
المهم ...
خش علي Google و search علي رقم تليفون صاحب الاعلان وانت هتفهم

[newman]

الغريب ان كلهم نزلو فى نفس الوقت امبارح بالليل وماشيين قريبين من بعض والسعر قريب من بعض
بس من مدن مختلفة
معقول فى الاخر يبقى كله عربيات وهمية واشتغالة تجار

[hamaka]

يا جماعه الموضوع بسيط لما واحد عاوز يلعب فى سعر عربيه اما بالزياده او بالنقصان يروح ببساطه منزل 5 او 6 اعلانات باسعار اى حاجه و بعدين يقول للزبون ادخل حضرتك على النت شوف تعمل كام يدخل الراجل البسيط يلاقى السعر كده و هكذا

بالظبط كده ، ده حوار بيتعمل فى الأوبل بالذات كل شوية على كونتاكت ، شكله نفس الشخص بيعمله كل مره...

[emad_2020]

الغريب ان كلهم نزلو فى نفس الوقت امبارح بالليل وماشيين قريبين من بعض والسعر قريب من بعض
بس من مدن مختلفة
معقول فى الاخر يبقى كله عربيات وهمية واشتغالة تجار

مش كله انتا اما تخش علشان تبيع عربيتك بتشوف الاسعار الاول لقيت كله كدا غصب عنك انتا كمان بتكتب سعر قريب منهم علشان غير كدا محدش هيخش على اعلانك معظم الناس بتخش اكتر على اقل سعر وهى دى لعبة التجار زى سوق السيارت بظبط كله لعب واشتغالات

[beshoyyy]

يا جماعه الموضوع بسيط لما واحد عاوز يلعب فى سعر عربيه اما بالزياده او بالنقصان يروح ببساطه منزل 5 او 6 اعلانات باسعار اى حاجه و بعدين يقول للزبون ادخل حضرتك على النت شوف تعمل كام يدخل الراجل البسيط يلاقى السعر كده و هكذا

معلومة ممتازة بجد
شكرا و تحياتي

[احمد فهمى]

جرب اتصل بنمر التليفونات هتفهم كل حاجه لوحدك

[Maghraby1987]

أنا بقالي شهر بدور علي العربيه دي وكل السعار اللي شفتها لا تقل عن ٧٨ الف جنيه و من الواضح ان دي اشتغاله لضرب سعر العربيه لان كلهم نزلو في نفس اليوم و ارقامهم وهميه!

[Maghraby1987]

بقالي شهر بدور علي العربيه دي وكل السعار اللي شفتها لا تقل عن ٧٨ الف جنيه و من الواضح ان دي اشتغاله لضرب سعر العربيه لان كلهم نزلو في نفس اليوم و ارقامهم وهميه

[mohamed07]

الاسعار دة وهمية شغل تجار
انا اتصلت بجميع النمر كلهم غير متاح وعلى فكرة انامتابع كونتكت والصور بتاعة العربيات كانت موجدة قبل كدة وفى عربيات كانت من اسكندرية وحطينها على مكان حتة تانية خالص من الاخر شغل تجار