محتاج مساعده فى فيكترا b-1

[tofy0123]

السلام عليكم
انا عربيتى فكترا 97 1600 سى سى مانوال الموتور السود
المهم فى حاجه غريبه فى مؤشر البنزين
الاول لما كنت بملا تنك البنزين على الاخر كان المؤشر مش بيجيب للاخر قبل الفل بشرطه كده
غيرت العوامه بقت لما بملا العربيه بنزين للاخر الؤشر بيجيب لعلامة الفل تمام
لكن المشكله فى ايه بقى انى لما بكون مالى العربيه بنزبن وامشى بيها شويه الاقى المؤشر بينزل بالتدريج عادى لحد مثلا لما يبقى عند العلامه اللى بتقول انى استهلكت 20 لتر والعربيه فيها 40 لتر ( عشان التنك 60 )
لو روحت فولت والمؤشر على العلامه ال40 لتر المفروض تاخد 20 الاقيها خدت 14 او 15
اللى عاوز اقوله انه فى 5 لتر مش بيبقوا ظاهرين فى الؤشر
علما باننى لما لاقيت كده رحت غيرت العوامه بواحده تانى وتالته ومفيش فايده هوه هوه
ه انا كمان برضوا بدلت لوحد العدادات بواحده استيراد مؤشرتها اصفر
وبرضوا مفيش تغير فى 5 لتر مش بيبانو فى المؤشر
هل من مساعده فى الموضوع ده
ملحوظه التنك سليم وراكب مكانه مش مخبوط ولا مفعص

[فادى محمد]

وعليكم السلام ورحمه الله وبركاته..
مفيش مشكله ياباشا ..عود نفسك عليها كده..
انا عندي نفس الوضع وبلاحظه لاني بسافر كتير وبفول قبل السفر
وفر فلوس

[فادى محمد]

وعليكم السلام ورحمه الله وبركاته
عندي نفس الوضع ,,
مفيش اي مشاكل
اتعود عليها كده
ووفر فلوسك ووقتك

[sunsonson]

أنا أعرف ان تنك الفكترا بياخد بتاع 5 .6 لتر زياده في زور التنك ممكن يكون قصدق كده هما دول الي ملخبطينك . انشاء الله بسيطه و أستنا راي الناس بردو

[tofy0123]

وعليكم السلام ورحمه الله وبركاته
عندي نفس الوضع ,,
مفيش اي مشاكل
اتعود عليها كده
ووفر فلوسك ووقتك

تسلم يا فادى ربنا يبارك فيك طول عمرك جدع وخدوم ومش بتتأخر عن المساعده
الف شكرررررر

[tofy0123]

أنا أعرف ان تنك الفكترا بياخد بتاع 5 .6 لتر زياده في زور التنك ممكن يكون قصدق كده هما دول الي ملخبطينك . إن شاء الله بسيطه و أستنا راي الناس بردو

لا انا فى جميع الاحوال بفول لحد ما يتملى على الزور ولو هما دول اللى فى الزور كانوا يبقوا زياده مش نقص يعنى كانت العربيه تاخد 25 مش 15 لتر هيا بتاخد اققل من اللى هييا محتجاه عشات تتملى وفق مؤشر البنزين
فهمتنى

[abdelaziz-waleed]

مافيش اي مشكلة يا باشا. انا برضو عندي نفس الوضع تقريبا
والمؤشر بيركن شوية عن ال 40 وعند ال 20
الارقام اللي في العداد تقريبية وليست دقيقة تماما

[sunsonson]

لا انا فى جميع الاحوال بفول لحد ما يتملى على الزور ولو هما دول اللى فى الزور كانوا يبقوا زياده مش نقص يعنى كانت العربيه تاخد 25 مش 15 لتر هيا بتاخد اققل من اللى هييا محتجاه عشات تتملى وفق مؤشر البنزين
فهمتنى

امممم فهمتك . انا عندي العكس بقي يعني لما افول علي الاخر المؤشر بيبقي علي 50 لتر بس وحاولت ازبطه اكتر من مره عند مكانيكي ابدا حاولت انا بنفسي ابدا بردو اتخنقت وسبتها كده واتعودت عليها فحاول تتعود عليها كده وخلاص ذي ما استاذ فادي قالك

[hilal]

فك العوامة واعدل السلكة بتاعتها لفوق سنة ، زي نظرية العوامة بتاعة صندوق طرد الصرف الصحي

[MaaM]

المؤشر وصل عندي لغاية 60 أول مرة فولت فيها وتنتني ماشي حوالي 500 كيلوا
وقولت وانا ماشي ميزة العربية ديه انها موفرة جدا في البنزين مافيش نص ساعة والاقي العربية وقفت مني ، ادور مافيش ،،، ادور مافيش
ميكانيكي معرفة قابلته فوقتله قالي ياطرمبة يا بنزين بس حط 5 لتر كدا وجرب قولتله ازاي دا المؤشر شغال وعلى عشرين لتر كمان ، قالي لا تقريبا بنزين جرب بس وقولي
حطيت 5 لتر والعربية دارات !
فدورت في المنتدى شوية لاقيتها مع كذا واحد ، فده تقريبا عيب من العيوب اللي نسيت اذكرها يا فادي :)

[sunsonson]

بس انتا بتقول انك غيرت كذا عوامه وكذلك العدادات . طيب جرب كده عوامه عربيه ثانيه تتوفق عليها لو ينفع تكون قرايتها ادق ممكن يكون حل

[tofy0123]

يا جماعه افهمونى الموضوع مش انى اعدل سلك العوامه شويه لان العوامه الاخيره جى ام بكيسها
يعنى مش بايظه ولا مستعمله
ولا انى اجيب عوامه عربيه تانى واوفقها عليها مش هتركب اصلا عشان ليها مكان مينفعشى يتغير ولازم العوامه الاصليه عشان ينزل فيه
انا وصلت لحاجه من تعليقاتكم هيا ان الشركه نفسها قاصده يكون كده عشان يبقى فى 5 لتر موجودين فى التنك لكنهم مش ظاهرين فى العداد اللى هما احتياطى للعربيه
لو مكنش كدا يبقى العداد الاستيراداللى ركبته بايظ
وبردوا احب اشوف رأيكم
متابع باهتمام

[ehabahmed0]

انا عندي نفس المشكله بتهيألي متهتمش بيها لانها مش مهمه اوي
كبر دماغك ووفر فلوسك

[Driver101]

يا جماعه افهمونى الموضوع مش انى اعدل سلك العوامه شويه لان العوامه الاخيره جى ام بكيسها
يعنى مش بايظه ولا مستعمله
ولا انى اجيب عوامه عربيه تانى واوفقها عليها مش هتركب اصلا عشان ليها مكان مينفعشى يتغير ولازم العوامه الاصليه عشان ينزل فيه
انا وصلت لحاجه من تعليقاتكم هيا ان الشركه نفسها قاصده يكون كده عشان يبقى فى 5 لتر موجودين فى التنك لكنهم مش ظاهرين فى العداد اللى هما احتياطى للعربيه
لو مكنش كدا يبقى العداد الاستيراداللى ركبته بايظ
وبردوا احب اشوف رأيكم
متابع باهتمام

هل من الممكن أعرف سعر العوامة الجي إم الجديدة كان كام واشتريتها امتى؟ ومشكور مقدما

[tofy0123]

هل من الممكن أعرف سعر العوامة الجي إم الجديدة كان كام واشتريتها امتى؟ ومشكور مقدما

العوامه الجى ام الاستيراد ب100 جنيه والجديده ب400 جنيه اشترتها من 15 بوم
بس انا رأى هات الاستيراد لانى جبت الجديده فى مشكله معينه ولولا كده مكنتش هاجبها
بس الاستيراد يفضل تكون واقف جنى الراجل وهوه بيطلعها من التنك عشان تتاكد ان السلك بتعها متعوجش منه وهوه بيطلعها عشان تكون القراه بتاعتها صح لو السلك اتعوج هتبقى شغاله بس قرأتها غلط (زياده او نفص )