بعد 7 ساعات فى البنزينه قرررت احول للغاز ايه رايكم

[Sh_sunsea]

للأسف ما حصلش في اي عربية انها تلفت من الغاز بالتحديد... دي فتوى من الميكانيكية عشان ما بيعرفوش يصينوه

كلام سليم - مع الوضع في الاعتبار الاستخدام السليم - المشكلة في الغاز نسبة الكبريت الي بتؤدي لاضرار بالماتور او ما يسمى بتسليخ الماتور "بدون الدخول في تفاصيلها" - فمع ممراعاة نقط بسيطة في الاستخدام مش بيبقى فيه أي ضرر على الماتور

في جهاز جديد للغاز
بيضخ غاز وبنزين مع بعض
جاري سائق تاكسي لسه مسقط موتور لانسر 2000 سي سي
لعربيته الاسبر انزا
الجهاز الجديد ميزته ان بيضخ بنزبن وغاز وبالتالي تاثيره علي الموتور طبيعي
الراجل بيشكر في الجهاز الجديد
مع العلم ان العربيه كان فيها اسطوانه غاز من النظام القديم

ده يبقى رائع لو فيه حاجة كده - الكلام ده من امتى او من أي محطة علشان كل محطة ليها جهاز مختلف - ياريت الافادة

معترض طبعا
اولا انت الماني يعني الماتور تقيل و الغاز اشتعالة مش زي البنزين
ثانيا انت 2000 سي سي يعني الغاز هيخلي العربية في غيبوبة
ثالثا مساحة من الشنطة هتختفي
رابعا مدي توافر محطات الغاز في القاهرة علي الاقل

اولا: مش هافتي في الفارق بين تشغيل المواتير على الغاز - بس انا شوفت عربيات BM وجديدة بتركب غاز أثناء ما كنت بركبه عندي - وكنت هاتشل الصراحة
ثانيا - 2000 سي سي - ده هايخلي احساسه بفارق تركيب الغاز في العزم أقل
ثالثا - صحيح الفيرنا ضيعتلي الشنطة تقريبا - اللوجان كان الوضع أفضل بمراحل - مع الاسطوانة كنت بحط عربية الاطفال طبيعي
رابعا - للاسف محطات الغاز متوفرة في القاهرة الكبرى فقط - خارج القاهرة الموضوع سئ جدا - بعض المحافظات فيها محطة واحدة والباقي مافيش اساسا

[m7med_dola]

عموما انا هسأل في التوكيل علي موضوع الغاز وتاثيرو علي الموتور
بس موضوع توافر المحطات ده زي الزفت
ولو ممكن حد يقول التكلفة بالمرة

[Sh_sunsea]

عموما انا هسأل في التوكيل علي موضوع الغاز وتاثيرو علي الموتور
بس موضوع توافر المحطات ده زي الزفت
ولو ممكن حد يقول التكلفة بالمرة

للعلم بس - كل محطات الغاز بيبقى فيها اماكن مخصصة للعربيات الملاكي - علشان محدش يتخدع بطوابير التاكسي ويقول انا مش هاقف في الطوابير دي

التكلفة 6500 جنيه - راجع الموضوع لاي معلومات بخصوص التركيب والاستخدام لو سمحت

http://www.nilemotors.net/Nile/345118-a.html

[tarekzein]

متابع جدا

[sword00]

ان شاء الله استقريت على التحويل للغاز باقى مشكله واحده بس
هل وزن الاسطوانه هياثر على العفشه خصوصا انى كتير بيكون معايا العائله كامله فى العربيه

[sword00]

انا شاكر جدا لكل الاعضاء اللى تفاعلوا معايا فى الموضوع ده
فى ناس دلوقتى بتسترى الاسطوانه مستعمله فى حدود 2000 جنيه وبتروح الشركه تركبها ايه رايكم الحركه دى هتوفر من التكلفه؟

[m7med_dola]

طب لية متشتري الكل جديد احسن ويبقي بضمان الشركة بدل ميكون فيها حاجة لاقدر الله

[Sh_sunsea]

طب لية متشتري الكل جديد احسن ويبقي بضمان الشركة بدل ميكون فيها حاجة لاقدر الله

بالضبط - الاسطوانة بتوفر مبلغ معين من مصاريف التركيب - مش فاكره لكن لا يتجاوز 2000 جنيه - فانت كده مش كسبان حاجة



وبالنسبة للوزن هي وزنها كأنك معاك فرد دائم في الشنطة - انت وعفشتك تتحمل ولا لآ ... !!

[exact]

ان شاء الله استقريت على التحويل للغاز باقى مشكله واحده بس
هل وزن الاسطوانه هياثر على العفشه خصوصا انى كتير بيكون معايا العائله كامله فى العربيه

انا مركب علايه 2 او 3 سنتي في الفيرنا وبييييييييييييييس زي الفل
بخصوص الجهاز الجديد... هو مش بيخلط بنزين على غاز... لأن ده صعب جدا عمليا.... هو بيجبرك لو العربية باردة انها لااااااازم تبقى بنزين واول ما تسخن بيقلب غاز لوحده

[sword00]

ان شاء الله الاسبوع القادم هركب الغاز فى غازتك فى طنطا واحد صاحبى شكر لى فيهم جداااااا
وربنا يسهل

[sword00]

انا مركب علايه 2 او 3 سنتي في الفيرنا وبييييييييييييييس زي الفل
بخصوص الجهاز الجديد... هو مش بيخلط بنزين على غاز... لأن ده صعب جدا عمليا.... هو بيجبرك لو العربية باردة انها لااااااازم تبقى بنزين واول ما تسخن بيقلب غاز لوحده

انا العربيه عندى عاليه عن الفيرنا ومكنتش عايز العب فى نظام التعليق بتاع العربيه وكنت مفكر ان وزن الاسطوانه من 150 الى 200 لكن سالت فى الشركه قالوا انها بالكتير 70 الى 100 فده مش هياثر اووى وبعد كده هشوف التاثير ايه واحاول اظبطه

[4fun14]

متاخدش قرار بسبب ازمه ان شاء الله مش هتطول
بس معلوماتى من اللى جربوا الغاز انه مفهوش اى مشاكل ومش بيأثر على الموتور لو استخدمته صح
بمعنى انك اول لما تدور الموتور تمشى على البنزين لمده 5 كم مثلا وبعدين تقلب غاز ولما تخلص مشوارك قبل ما تبطلها ترجعها بنزين تانى
لازم تاخد بالك انك عشان تستفيد من اسعار الغاز مش اقل من 5 سنين استخدام فهل انت مش ناوى تبيع عربيتك قبل 5 سنين؟
---
فى العموم موتور 2000 سى سى وغالبا مش هيتطبق عليه الدعم فى حاله ترشيد الدعم من الحكومه هيكون التجويل للغاز هو الحل فعلا

[Sh_sunsea]

متاخدش قرار بسبب ازمه ان شاء الله مش هتطول
بس معلوماتى من اللى جربوا الغاز انه مفهوش اى مشاكل ومش بيأثر على الموتور لو استخدمته صح
بمعنى انك اول لما تدور الموتور تمشى على البنزين لمده 5 كم مثلا وبعدين تقلب غاز ولما تخلص مشوارك قبل ما تبطلها ترجعها بنزين تانى
لازم تاخد بالك انك عشان تستفيد من اسعار الغاز مش اقل من 5 سنين استخدام فهل انت مش ناوى تبيع عربيتك قبل 5 سنين؟
---
فى العموم موتور 2000 سى سى وغالبا مش هيتطبق عليه الدعم فى حاله ترشيد الدعم من الحكومه هيكون التجويل للغاز هو الحل فعلا

كلام سليم تماما واسمحلي أصلح معلومة صغيرة - حضرتك هاتسترد سعر تركيب الغاز خلال مسافة مش مدة - فنقدر نقول انك هاتسترد سعر التركيب خلال 20 - 30 الف كيلو حسب استهلاك العربية للوقود - بالنسبة للعربية 2000 سي سي يبقى الاقرب 20 الف كيلو للحساب

الي يحب يحسبها يشوف بيصرف كام بنزين في الشهر وتقديريا كده بكفائة الغاز وانك بتسهلك بنزين أول المشوار وآخره - هاتوفر شهريا 70% - انت راجل بتصرف 200 جنيه بنزين هاتوفر 140 جنيه - مش هاتجيب فلوس التركيب ولا في 5 سنين

واحد تاني استهلاكه الحالي 400 -500 جنيه - في سنة ونص هايكون جاب ثمن التركيب ويبدأ بعدها يشعر بالتوفير

[Dent86]

متابع

[amr elsisi]

توكل علي الله وحول لو ناوي العربية تفضل معاك