شحن الدينامو ضعيف

[MaaM]

السلام عليكم ازيكم يارجالة عاملين ايه؟
بقالي 3 ساعات واقف في طابور مكون من خمس صفوف في بنزينة التعاون - المطار . بس يارب الاقي حبة لما يجي دوري :(
المهم امبارح اشتريت بطارية جديدة والراجل قاس شحن الدينامو فلاقى المؤشر واقف على النص وانا مشغل النور العالي والتكييف فقالي كان المفروض يوصل لغاية 14 وكدا يبقى شحنه ضعيف

ايه العمل في الموضوع ده
فيكترا بي2 1600 - 2003

سعر البطارية للافادة
ديلكور 74 امبير ب550 جنيه بالقديمة من محل الكمال اللي في البطل احمد عبدالعزيز
بطارية كويسة كنت جربتها في الاسترا وبقالها سنة تقريبا وبتنزل في السوناتا على فكرة

سؤال لولبلي
ايه اللي يخلي فوانيس الشبورة الزينون ماتنورش مع البطارية القديمة اللي كانت بتودع
هي اشتغلت دلوقتي اول ماركبت البطارية الجديدة
مش المفروض ان الكهرباء بتحمل على الدينامو ؟

Sent from my HTC

[ashrafnoby]

ممكن يكون الكتاوت الداخلى باظ ممكن اى كهربائى كويس يفك الدينمو ويبص على الكتاوت وهو بيتغير لا الشربون مش بيتغير

[romiobasha]

السلام عليكم ازيكم يارجالة عاملين ايه؟
بقالي 3 ساعات واقف في طابور مكون من خمس صفوف في بنزينة التعاون - المطار . بس يارب الاقي حبة لما يجي دوري :(
المهم امبارح اشتريت بطارية جديدة والراجل قاس شحن الدينامو فلاقى المؤشر واقف على النص وانا مشغل النور العالي والتكييف فقالي كان المفروض يوصل لغاية 14 وكدا يبقى شحنه ضعيف

ايه العمل في الموضوع ده
فيكترا بي2 1600 - 2003

سعر البطارية للافادة
ديلكور 74 امبير ب550 جنيه بالقديمة من محل الكمال اللي في البطل احمد عبدالعزيز
بطارية كويسة كنت جربتها في الاسترا وبقالها سنة تقريبا وبتنزل في السوناتا على فكرة

سؤال لولبلي
ايه اللي يخلي فوانيس الشبورة الزينون ماتنورش مع البطارية القديمة اللي كانت بتودع
هي اشتغلت دلوقتي اول ماركبت البطارية الجديدة
مش المفروض ان الكهرباء بتحمل على الدينامو ؟

Sent from my HTC

بالنسبة للدينامو لو اتأكدت انه فعلا شحنه ضعيف هاته استيراد لا انصح بالتصليح تماما و بالذات فى الدينامو لأنه ممكن يبوظ حاجات كتير "بطارية او كنترول او يقطع شحن فجأة على طريق صفر او ...."
هو استيراد بيعمل من 300 ل 350 و بتاع الفكترا b المكنة الكامه الواحدة 70 امبير و الأيكوتيك 100 امبير و ال 2000 cc زى الأسترا البرازيلى بيبقوا 120 امبير


بالنسبه لفوانيس الشبوره الزينون انا هجوبك اجابه لولبيه اتأكد منها لو صح قولى
الزينون عندك متوصل على كتاوت تغذيه واخد كهربه direct من البطاريه "من عند القطاش"
ولما فكيت و ركبت البطاريه الجديده المسامير و السلوك بتاعت البطارية اتحررأ عليها و ده هو السبب انها اشتغلت معاك و الله اعلم

[MaaM]

اتحررأ عليها

يعني ايه

الدينامو: اغيره حتى لو كتاوت زي ما قال الاخ الفاضل اشرف

Sent from my HTC

[romiobasha]

يعنى اتربط عليها
سعر الكتاوت جديد فى حدود 200 ل 250 جنيه و مش المانى
يبقى الدينامو استيراد افضل

[MaaM]

بالنسبه لفوانيس الشبوره الزينون انا هجوبك اجابه لولبيه اتأكد منها لو صح قولى
الزينون عندك متوصل على كتاوت تغذيه واخد كهربه direct من البطاريه "من عند القطاش"
ولما فكيت و ركبت البطاريه الجديده المسامير و السلوك بتاعت البطارية اتحررأ عليها و ده هو السبب انها اشتغلت معاك و الله اعلم

هو اجابة منطقية نوعا ما لكن بصيت على القطاش مشوفتش سلك غريب فيه ، وممكن تلقي نظرة باردوا عليه في موضوع اسئلة متنوعة

إن شاء الله لما يجي البنزين اروح اظبط الكلام ده كله ، لكن اديني باستفاد منكم

[ayman hamdy]

الطبيعى ان البطارية لوضعيفة عمرها ما تقوم الزينون اى تشغله يعنى لازم تكون البطارية قوية علشان يشتغل واوعى تشغل الزينون والعربية مبطلة هيفضى البطارية على طول وتحياتى

[MaaM]

قست شحت الدينامو عند محمود اوبل ولاقاه ضعيف تقريبا كان 12 وشوية ولما جرب يقوي الأرضي وصل لـ 13.02 مع التكييف والنور العالي
فقالي اشتري ضفيرة مارش وروحت جبتها من اسلام عبدالشافي بـ 150 جنيه
الصنايعيي للي عنده (محمود اوبل) فك الضفيرة وأخد منها كابلين بس ، واشتريت 2 اكوسيه 13 وشريط لحام حراري
كابل وصله بالقطاش السالب (الأرضي) والطرف التاني في جسم الموتور
والكابل التاني وصله بالقطاش الموجب (الكهرباء) والطرف التاني في الدينامو
هو كدا كدا الكابلين كانوا موجودين بس هو زود عليهم كابلين كمان ( على حسب كلامه عشان يقوي الارضي ويقوي شحن الكهرباء)
وبعد التركيب قاس بالجهاز وصل لـ 13.98 مع التكييف والنور العالي ومن غير الحمل كان 13.02
هو محمود قالي طالما عدى الـ 13 مع الحمل العالي يبقى كدا تمام أهم حاجة انه مايقلش عن 12.5

[obai]

السلام عليكم

بالنسبة لدينامو الفيكترا 2000 سي سي انواعه كتير والنصيحة لو الدينامو اقل من 120 امبير يستحسن شراء واحد استيراد .
أما لو كان 120 امبير سعره هيبقى غالى حوالى 300 جنيه استيراد ويفضل فى الحالة دى تغيير الشيربون.