نقل تجربتي للأفاده

[sherif moneer]

سلام عليكم :)
ازيكو عاملين ايه؟ :) يارب تكونو كلكو كويسين بعد سماع خطاب الرئيس
اللي حصل ان العربيه فجأه بدأت تقطع ف المشي وتنتش كده وبعدين بقت بتطول اوي في الدواره سواء بارده او سخنه وكانت مقرفه اوي
ف طبعا اول حاجه شكيت فيها بنزين عليه ميه مثلا (80 بس اللي لقيته بقي)
المهم قلت افك طرمبة البنزين وانضفها (وطبعا مقدرش انسى تعليمات استاذ فادي في الحكايه دي)
المهم فكيت الطرمبه لقيت خرطوم من الاتنين فيه قطع ف الجمب مكان الايفيز اللي رابطه كده قلت جايز ده السبب و طلع هو فعلا السبب
المهم قطعت الحته البايظه وظبطها تاني و قلت بالمره طالما فاتحت انضف طرمبة البنزين مع انها مبقالهاش 5 شهور مثلا (طرمبة بنزين بتاع 2000 سي سي)
نضفتها وعكست الاقطاب وشوية البنزين اللي نضفت بيهم بقى فيهم طينه والله ومكنتش متوقع كده
المهم الحمدلله بعد ما عملت الموضوع ده العربيه اتظبطت ومعتش تقطيع والدواره اتظبطت تاني زي الاول

[hilal]

شكرا على الافادة والتجربة
ويبدو أننا سنلجأ لفك الطلمبة كثيرا هذه الايام لرداءة البنزين وعلينا أن نتدرب على ذلك
وأهم فائدة من التجربة هي أن نبدأ دائما بأسهل وأرخص الحلول قبل أن نتورط في حلول أصعب وأكثر تكلفة
تحياتي لك أستاذ شريف

[sherif moneer]

شكرا على الافادة والتجربة
ويبدو أننا سنلجأ لفك الطلمبة كثيرا هذه الايام لرداءة البنزين وعلينا أن نتدرب على ذلك
وأهم فائدة من التجربة هي أن نبدأ دائما بأسهل وأرخص الحلول قبل أن نتورط في حلول أصعب وأكثر تكلفة
تحياتي لك أستاذ شريف

ربنا يخليك يا استاذ هلال شكرا :)
وفعلا الواحد هيحتاج ينضف دورة البنزين كلها مش بس الطرمبه
انا ببص ف التانك لقيت في رواسب كتيره جدا مع اني لسه غاسل التانك قبل ما اركب الطرمبه
ربنا يستر ويعدي الايام علي خير

[amr elsisi]

تسلم وعليك باستمرار بمنظف الدورة ابرو الاسود

[ULTRA]

ممكن الرابط بتاع تنظيف طلمبة البنزين انا العربية معايا بقالها سنة و ما نظفتش الطلمبة

[أحمد جودة]

الله ينور عليك عملت الصح

واشكرك على نقل التجربة

[sunsonson]

الله ينور عليك . طيب يا جماعه مفيش حل للموضوع ده زي فلتر يتحط في زور التنك مثلا او حتت سفنجه تمنع الرواسب لحسن ده بقيت حاجه مستفذه انا مره لقيت بلاستك متكسر في التانك افتكرت العوامه اتكسرت اقلب شمال و يمين كلو تمام و البلاستك اسود و العوامه ابيض ولحد دلوقتي مش عارف جه منين

[mido_Gandor]

ممكن رابط تنظيف طلمبة البنزين و ياريت عاوز اعرف شكل الابرو الاسود ده او اجيبه منين و بكام و ده بينظف الدورة ازاي

[فادى محمد]

- ع البركه يا شريف ..
-اللي يفك طرمبه البنزين بغرض التنظيف او التغيير لازم
يفصل البطاريه ضروري قبل الشغل لان لا قدر الله اي شرز في المنطقه دي
معناه كارثه . فيشه الرداخ جنبها خرطومين بنزين تغذيه وراجع...
ده موضوع مشابه لموضوعي عن تنظيف رداخ الطرمبه للاسف مش لاقي موضوعي لاخونا العزيز م محمد سيد لسيارته الابيزا

http://www.nilemotors.net/Nile/277395-a.html#post3874173610

بس عندنا مش هنخرج الكوز كله ..هنشد الرداخ بس لفوق وهو ده اللي هننظفه ونرجعه تاني.

[subzero772]

معاش كنت عاوز اسالك انتا عربيتك 1.6 اكو تك لو كد جبت الطرمبة استيراد ولا جديد و بكام عشان انا عاوز اجيب
واحد تكون كويسة لائني شاكك في اليوش كلة الي في السوق وكمان اما دورت في النت لقيت ان ضغط الطرمبة
الاصلي 3.8 والي في السوق شكلة مش كدة

[m7med_dola]

مبارك عليك

[sherif moneer]

ألف شكر يا جماعه ع التشجيع :) وانا اسف والله معرفتش اصور الشغل لأني كنت بعمل لوحدي وبليل ومجاش ف بالي اصور

[mido_Gandor]

معاش كنت عاوز اسالك انتا عربيتك 1.6 اكو تك لو كد جبت الطرمبة استيراد ولا جديد و بكام عشان انا عاوز اجيب
واحد تكون كويسة لائني شاكك في اليوش كلة الي في السوق وكمان اما دورت في النت لقيت ان ضغط الطرمبة
الاصلي 3.8 والي في السوق شكلة مش كدة

باشا انا عربيتي 2000 بس عاوز اقولك الطلمبة الاصلي مش هتلاقيها غير عند المتحدة في التوفيقية وسط البلد او عند الصيرفي بعد كوبري غمرة الاتنين دول طول عمري مش بجيب من عندهم غير الحاجة الاصلي النظيفة علما بان الطلمبة استيراد مش مضمون عمرها يعني انت و حظك اينعم بنزين بره نظيف بس منعرفش نظامها ايه من الركنة او هي فعلا جاية من برا ولا لا

[tarekzein]

نصيحه أخيره
حاول متخليش مؤشر البنزين ينزل عن الربع
حفاظا على الطرمبه من الرواسب
بس ده طبعا لو لقينا....بنزين

[sherif moneer]

يا باشا والله مش بسيب مؤشر البنزين ينزل عن ال 30 لتر :d