عزيزتي أوبل ، ارتاحي الآن

[hilal]

قررت ألا أذهب للعمل لحين توافر البنزين
أنا لا أستطيع الوقوف في طوابير البنزين
يبدو أن المشكلة صعبة ، بلد في حالة انهيار اقتصادي
المفروض يمسك الحكومة واحد بيفهم في الاقتصاد
مش واحد مهندس ري ومش بيفهم حتى في تخصصه
انا معتصم بالمنزل لحين توافر البنزين
ولتنعم اوبل بالراحة

[ahmed_gamal]

روح يا باشا مون من امارات مصر قبل البوابات بتاعة اسكندرية مش هتقف اكتر من ربع ساعة و حضرتك ساكن في اكتوبر فالمكان قريب منك

[ayman hamdy]

والله قرارصائب يا دكتور فالتأخذ viki قسط من الراحة لحين زوال الازمة وربنا يسترها يوم 30/6

[hilal]

روح يا باشا مون من امارات مصر قبل البوابات بتاعة اسكندرية مش هتقف اكتر من ربع ساعة و حضرتك ساكن في اكتوبر فالمكان قريب منك

أحاول بالليل يمكن أعرف
وشكرا على النصيحة أخي الكريم

[hilal]

والله قرارصائب يا دكتور فالتأخذ viki قسط من الراحة لحين زوال الازمة وربنا يسترها يوم 30/6

والله يا أستاذ أيمن لفيت كل بنزينات أكتوبر ، وطريق الواحات لحد دريم لاند وميدان جهينة وغيرهم
شيء لا يصدق
هل توجد في البلد حكومة ، أشك
مفيش حد عاوز يحل المشكلة أصلا

[M I D O]

لا اتفق معا حضرتك لو كل واحد قال مش نازل غير لما يتوفر البنزين انت كدة بتدمر البلد اكتر واكتر البلد مش ناقصة

[hilal]

لا اتفق معا حضرتك لو كل واحد قال مش نازل غير لما يتوفر البنزين انت كدة بتدمر البلد اكتر واكتر البلد مش ناقصة

احترم وجهة نظرك اخي الكريم
ولكن عذري اني حاولت الاخذ بالاسباب ولم اوفق

[ashourashour]

مفيش حكومه ولا فيه بلد ولا بنيأدمين اصلا

[الهواء]

هههههههه عندك حق والله انا راكنت عربيات يومين اهى على الاقل العربيه تستريح شويه البلد حالها بقى صعب لك الله يامصر مرسى الرئيس تايهه بين قياده البلد وجماعه الاخوان المسلمين والمعارضه اللى ناس كتير مندسيين فيها للمصالح الشخصيه اللهم ارحم مصر وجعلها فى امانك وضمانك ولا تأخذنا بما كسبت ايدينا قال تعالى (وَتِلْكَ الْقُرَى أَهْلَكْنَاهُمْ لَمَّا ظَلَمُوا وَجَعَلْنَا لِمَهْلِكِهِمْ مَوْعِدًا).

[ayman hamdy]

كان الله فى العون يا دكتور بس فعلا حرام اوى اللى بيحصل لنا دة دة كتير اوى وان شاء الله كل الاوضاع هتتغير بعد 30/6 لان الادارة فعلا فن وعلم ومش اى حد ينفع يكون مدير الحكومة بالكامل لازم تتغير ما عدا وزير التموين لان فكره متطور جدا ويصلح ان يكون وزىر اما الباقى فهم وزراء الروتين لا تطوير ولا ابداع محلك سر بل للاسوء ولابد ان الرئيس يختار وزرائه بناء على الخبرة والعلم وفن الادارة وليس على عنصر الثقة فهذه الحكومة فاشلة لان اساس الاختيار بدون اساس فلا يمكن ان اختار وزير يتحمل مسولية 90 مليون مواطن على اساس ان انا واثق فيه دى مهزلة ولابد من التغيير دول 90 مليون نفس يا عالم يا هوه مين يسمع ومين يرى لعلها فضفضة تأتى بشئ من التغيير لصالح شعبنا المسكىن الصبور دة لك الله يا شعب مصر فأنتم فى رباط الى يوم الدين

[hilal]

مفيش حكومه ولا فيه بلد ولا بنيأدمين اصلا

يا أستاذ أحمد
بلدنا فيه كفاءات كتير
بس الطمع في السلطة والجشع يعمل أكتر من كده
لو حطينا على رأس كل مؤسسة أو هيئة أو مصلحة أكفأ العناصر بغض النظر عن الدين أو الانتماء السياسي كانت بلدنا تبقى جنة
عموما خير ، كان لازم نخوض التجربة عشان محدش يكون عنده حجة
كده الاخوان أخذوا الفرصة كاملة ، وقضوا على أنفسهم بأنفسهم

[ashourashour]

يا أستاذ أحمد
بلدنا فيه كفاءات كتير
بس الطمع في السلطة والجشع يعمل أكتر من كده
لو حطينا على رأس كل مؤسسة أو هيئة أو مصلحة أكفأ العناصر بغض النظر عن الدين أو الانتماء السياسي كانت بلدنا تبقى جنة
عموما خير ، كان لازم نخوض التجربة عشان محدش يكون عنده حجة
كده الاخوان أخذوا الفرصة كاملة ، وقضوا على أنفسهم بأنفسهم

على فكره انا سقط شفيق واديت صوتي لمرسي و اقنعت ناس كتير يعملوا كدا

لكن الوضع اللي وصلناله !!!

واكتر حاجه عملالي ذهول هي حاله الالتراس من الطرفين اقصى اليمين و اقصى اليسار

تعصب اعمى يفوق الوصف والخيال

يعني في ناس لو الاخوان عملو اي حاجه ايا كانت ينقدها وشايف انها منتهى التخلف و العكس عالطرف الاخر تبريرات او تمجيد واشاده و منتهي الحنكه


دا غير بقى اللي بيقولك اللي احنا فيه حرب على الاسلام دا معنديش كلام اوصفه بيه بصراحه

[hilal]

بالله عليكم شوفوا المقطع ده ، وانتوا هتعرفوا السبب في الوكسة اللي احنا فيها
‫الفيدو الذى حذفته الجزيرة لمحى الدين عضو مجلس الشورى‬‎ - YouTube

[ayman hamdy]

بالله عليكم شوفوا المقطع ده ، وانتوا هتعرفوا السبب في الوكسة اللي احنا فيها
‫الفيدو الذى حذفته الجزيرة لمحى الدين عضو مجلس الشورى‬‎ - YouTube

لاحول ولاقوة الابالله والله فكرنى بمقطع فكاهى من فيلم كوميدى ‫مقطع من فيلم اللمبى - محمد سعد‬‎ - YouTube

[hilal]

هو برضه فكرني بالاعلان ده ، ومش عارف ليه
‫إعلان رسالة 2013‬‎ - YouTube