مشكله غريبه فى يد الفتيس

[amir_ezzat]

عندى مشكله غريبه كدة ظهرت مؤخرا واتمنى المساعده
اولا السياره اوبل فيكترا 2000 سى سى اتوماتيك
العيب بداء لما العربيه لاقتها مش بتردى تدور خالص وهى على ال p كأن العربيه على غيار
المهم كبرت دماغى وبدات اجبيها على ال n علشان تدور وقعدت فتره زى الفل مفيش اى مشاكل بعد كدة لاقيت فى بوش جامد قوى فى عصايه الفتيس وانا جايب d وسايق عادى جدا بحرك عصايه الفتيس بتححرك عادى جدا بوش كبير قوى لدرجه انها بتوصل لل n لكن العربيع بيفضل فيها الغيار شغال عادى

انا طبعا لازم هروح بيها لميكانيكى بس المشكله انى هنزل بيها شموار كبير قوى 600 كيلو علشان انزل القاهره انا خايف تعملها معايا فى السكه وتكون مشكله كبيره عندى للأن الطريق صحرا جرداء لازرع فيها ولا ماء

ناسف للأطاله وارجو سرعه الرد علشان انا المفروض انزل القاهره بعد يويمن

[ENG\AHMED]

عندى مشكله غريبه كدة ظهرت مؤخرا واتمنى المساعده
اولا السياره اوبل فيكترا 2000 سى سى اتوماتيك
العيب بداء لما العربيه لاقتها مش بتردى تدور خالص وهى على ال p كأن العربيه على غيار
المهم كبرت دماغى وبدات اجبيها على ال n علشان تدور وقعدت فتره زى الفل مفيش اى مشاكل بعد كدة لاقيت فى بوش جامد قوى فى عصايه الفتيس وانا جايب d وسايق عادى جدا بحرك عصايه الفتيس بتححرك عادى جدا بوش كبير قوى لدرجه انها بتوصل لل n لكن العربيع بيفضل فيها الغيار شغال عادى

انا طبعا لازم هروح بيها لميكانيكى بس المشكله انى هنزل بيها شموار كبير قوى 600 كيلو علشان انزل القاهره انا خايف تعملها معايا فى السكه وتكون مشكله كبيره عندى للأن الطريق صحرا جرداء لازرع فيها ولا ماء

ناسف للأطاله وارجو سرعه الرد علشان انا المفروض انزل القاهره بعد يويمن

شوف قواعد الفتيس

[amir_ezzat]

لو انت قصدك قواهد المتور الثلاثه لأنى لا اعرف اى قواعد غيرهم
2-قاعده متور
1- قاعده فتيس

انا لسه مغيرهم ومفيش اى دلائل ان دى قواعد العربيه فى المشى عادى جا مفيش اى رجه ولا اى كلام من ده

[ENG\AHMED]

حصلت معايا قبل كدة فى دايو ريسر نفس موضوع ال P كانت القواعد بايظة لأن الفتيس مكانش فى مكانة مظبوط فالعصاية مش بتوصل لل P علشان اخر المجرى , يعنى العصاية من الصالون انت شايفها على P بس الفتيس معشق R فمكانتش بتدور غير على N
انت لسة بتقول مغير قواعد طيب مترجع للميكانيى تانى خصوصا حسب كلامك المشكلة ظهرت بعد القواعد
ومتنزلش بيها غير لما تعرف السبب 600 كلم مسافة كبيرة لو عملت معاك حاجة فى الطريق هتحتاس بيها

[M.Mokhtar]

انا مع احمد انك لازم تراجع قواعد الاول وشوف هيقولك ايه

[amir_ezzat]

مش عارف بس انا لا اعتقد انها قواعد خالص
لأن انا بحس ان البوش ده فى العصايه بس - انا كلمت محمد بتاع صقر قريش فى التليفون قالى ممكن يكون جراب الفتيس انا مفهمتش يعنى ايه ساتله قالى مش مشكله تعالى بيها ولو وقفت منك فى الشكه هقولك على حاجه بسيطه قوى تملها تكمل معاك المشوار انا قلقان موووووووووووت من الطريق و فى نفس الوقت مش معقوله اقوله ايه بالظبط الموضوع والحل واروح اعمله عند واحد تانى هنا فى شرم

كمان لما بتكون على ال P وتدوس بنزين العربيه مش بتتحرك تبطل وتدور مش بتدور
كمان البوش ده مش موجود غير عند ال d , 1 ,2 ,3
يعنى العربيه وهى على ال r , n . p مفيش اى بوش

[M.Mokhtar]

الفتيس ده ليه سوسته
شغاله معاك؟
المفروض العصاية مش تتحرك من ال P او من ال N لل R الا لو ضغط عليها

[amir_ezzat]

اه السوسته شغاله مفهاش مشاكل خالص

[Ahmad Allawy]

.السلام عليكم..
معلش اسف علي الغيبة الطويلة.. :)
في معلومة عرفتها عشان الموضوع ده كان بيحصل مع سومو في عربيته..
ولما وراها لفادي.. قاله الواير بتاع الفتيس فيه حاجة..
عايز يتربط تقريبا او يتغير.. وده مفيهوش لعب يعني.. سهل يتعمل عندك...
خلي حد يبص عليه.. لو عايز يتربط بس قشطة.. ولو عايز يتغير شوف موجود عندك ولا لأ..
وابقي طمنا يا باشا..

[amir_ezzat]

تسلم يا باشا
فعلا الموضوع كله طلع الوير بتاع الفتيس مش رابط خالص كان فى سموله 8 مش موجوده اصلا الراجل حط واحده وربطها والحمد لله 100 100 من ساعتها

الف شكر يا رجاله
والف الف حمدالله على السلامه يا باشا ليك وحشه والله

[Ahmad Allawy]

ربنا يخليك يا باشا..
وانت كمان والله..
و الف حمد لله علي سلامة العربية..
ربنا يباركلك فيها و يحفظهالك دايما ان شاء الله..