تغيير سماعات الفيكترا

[MaaM]

السلام عليكم
من فترة وانا عايز اغير السماعات عشان صوتها وحش (الله يمسيكي بالخير يا أسترا) والنهاردة فؤجئت ان السماعات الأمامية مش شغالة فقولت مصلحة يبقى هاغيرهم هاغيرهم
طبعا هاستبدل فقط يعني هاجيب سماعات نفس المقاس بالظبط
المهم بعد بحثي في المنتدى لاقيت كلام مهم جدا للمهندس أحمد

المشكلة بقى اللى لاحظتها لما غيرت السماعتين اللى قدام عندى "jpl ماليزى" السماعات مش راكب عليها الغطا الاصلى بتاعها لأن مش هينفع بركب تحت الغطا الاصلى بتاع العربية اللى فى الفرش
الغطا الاصلى بتاع السماعات بيبقى قافل على حرف الرق من عند الجسم المعدن للسماعة وبالتالى حاكم الرق انة ميفصلش من الجسم المعدن لأنة ملزوق , وبالتالى مع ال base والوقت حرف الرق بيفصل من الجسم المعدن ويعمل صوت زن مع ال base

ايه رأي الإخوة في الكلام ده ، هل الناس اللي غيروا السماعات سواء الأمامي او الخلفي حسوا بالمشكلة ديه ؟
انا ممكن ماحسش بيها لفترة كبيرة لأني مابشغلش اغاني خالص فبالتالي مافيش بيز ، لكن خايف بعد فترة احس بالزنة ديه

[Salamonti]

ماتخفش الكلام ده مش هايحصل معاك خالص بإذن الله..

حتى لو عليت الكاسيت عالآخر فأولا وأخيرا عمره ما هايوصل لأقصى قدرة السماعة تقدر تستحملها..

الكلام ده وارد لو انت مركب أمبليفاير أو جي إم على سماعات ضعيفة

[sherif moneer]

بص يا باشا انا غيرت السماعات اللي قدام عندي
وانا بركب واجهتني المشكله دي
رحت جايب فلين من اللي السماعات جايه فيه وحاطط حتتين او تلاته بين السماعه وصاج الباب
عشان ميبقاش فيه مجال انها تزن

[tananybasha]

هات السونى 190 وات 16 سم
انا مركبها عندى و زى الفل
بس مش هتركب زى الفابريكا
بس شغاله

[MaaM]

عارف ياطناني انك مركب سماعات سوني وغاطس قليل كمان :)
بس هدفي ان اللي اركبها تبقى مجرد شيل وحط بدون أي تعديل وفي نفس الوقت لما اشيل الغطاء بتاع السماعات الجديدة واركبها ماتعملش الزنة اللي قال عليها Eng/ِAhmed

لـ sherif moneer
هاجرب موضوع الفل ده ، بس انت متأكد انه هايحل محل الغطاء بتاعها ؟

إن شاء الله ناوي اني اجيب الكينوود 140 وات ، عايز الصوت يكون نقى وكويس وشكرا على كدا ، لا بتاع سكسكة ولا بيز :)

[sherif moneer]

انا برده مركب كينوود بس والله مش فاكر كام وات
كانو جايين من الكويت
هيا مش هتحل محل القاعده مش هتكون زي الاصليه يعني
بس المهم ان مش هيكون فيه اي زنه لأن الفل ده هيمتص اي صدمات او اهتزازات

[MaaM]

كنت ناوي على الكينوود بس اشتريت السوني ، اصلي كسلت أدور وكمان الراجل أكدت عليه انه هايعرف يركبها مكان القديمة وتدخل في نفس القاعدة القديمة
سماعات سوني مقاس 16 بـ 250 جنيه ، 260 وات




وده منظر السماعات من غير الغطاء بتاعها




فرغ محتويات القاعدة (قطع السماعة القديمة وساب الفبر اللي على الاطراف عشان يربط فيها السامير9)
وركب السماعة السوني مكانها وثبتها بمسامير سن صاج 1 سم ، لاحظ 5 مسامير في الصورة




وده منظرها من الخلف





وده صورتها بعد تركيبها في الباب ، وبالنسبة لفيشتها ، الراجل عرى السلكين اللي قبل فيشة الفبريكة وركب عليهم سلكتين السماعة




وده صورتها من الجنب ، واضح انها مش لامسة الزجاج الكهرباء خالص



والنتيجة
- السماعات ركبت في نفس القاعدة وبالتالي مافيش أي اضافات حصلت في الصاج ولو باظت فيما بعد أشيل واحط مكانها وشكرا
- الصوت اتحسن نوعا ما كتير عن الأول لكن يبقى الصوت مش نقي حبتين بس ده بسبب الراديو (أصلي مشغل الفلاشة عن طريق الولاعة فالبتالي شغالة راديو والرايو بتاع العربية تعبان اصلا
- فصلت التويترات اللي قدام ، عملة سقسقة ومبوظة الصوت
- فصلت السماعات اللي في الابواب الخلفية من الكاسيت عشان بيغلوشوا على نقاء الصوت
- السماعات القديمة اللي في الأبواب الأمامية كانت شغالة على فكرة وانا معرفش :) والراجل بتاع الكاسيت هو اللي شغلها لما لف زرار السماعات من الكاسيت على النصف ، بس انا كدا كدا كنت ناوي اغيرهم واخلص فقولتله يغيرهم

الخطة القادمة إن شاء الله اني اجيب كاسيت كينوود بيدعم usb وابقى خلصت من الحوار ده

لـ sherif moneer
انا مش شايف أي مكان للفل هنا ، هل تقصد انك ركبتهم بين الصاج والسماعات ؟

[sherif moneer]

اه بالظبط يا باشا بين السماعه وصاج الباب

[MaaM]

يبقى انت كدا ماركبتش القاعدة الأصلية ، صح ؟

[sherif moneer]

ﻷ يا باشا مركبتش القاعده الاصليه

[MaaM]

يبقى انا كدا في الجون يا معلم :)

[sherif moneer]

هههههههه مبروكين عليك يا باشا :)
انا اللي كنت بركب بنفسي ف قلت كده كده ملهاش لزمه القعده يعني

[subzero772]

طب معلش سؤال هو السماعات الي فوق الكبيرة حضرتك وديتها فين
و هل في زيها كين وود او بيونيير تركب وكانها

[MaaM]

يعني ايه ( الي فوق الكبيرة ) ؟

[subzero772]

الباب الامامي في السماعة التوبترات والسماعة 16 وفوق ال 16 الي حضرتك مغيرها في واحدة اصغر منهااا شوية
اصدي علي دي