تغيير سماعات الفيكترا

[MaaM]

الصورة مش باينة ، لكن فهمت قصدك
ديه مش موجودة أصلا تقريبا بينزل عندنا في مصر 4 سماعات و2 تويتر بس ، اما السماعتين الوسط مش موجودين لكن ليهم مكان في الباب

[MaaM]

والنتيجة
- الصوت اتحسن نوعا ما كتير عن الأول لكن يبقى الصوت مش نقي حبتين بس ده بسبب الراديو (أصلي مشغل الفلاشة عن طريق الولاعة فالبتالي شغالة راديو والرايو بتاع العربية تعبان اصلا

الخطة القادمة إن شاء الله اني اجيب كاسيت كينوود بيدعم usb وابقى خلصت من الحوار ده

اشتريت كاسيت كينوود KDC-U3056 بيدعم usb و aux و cd
تمنه 600 جنيه من فانتازيا اللي في جسر السويس ، وموجود في شارع دمشق بـ 675 جنيه
اخدته من فانتازيا وبعتني على كلاريون عشان اركبه هناك
وفي كلاريون ركبولي فيشة من الكاسيت لـ فيشة العربية وكونفيرتر للراديو بـ 90 جنيه
والصوت بقى جامد جدا ونقي

[Hesham.H]

مبروك الفيكترا يا محمود

[Hesham.H]

مبروك الفيكترا يا محمود بك اولا
ثانيا انا عندى ركبت سماعات بايونير فى الابواب الاماميه ... ولغيت سماعات الابواب الخلفيه ... وركبت سماعات بايونير بيضاوى فى الخلف
طبعا مع كاسيت بايونير بفلاشه وكله اشتريته وركبته فى ادريان وسط البلد .... بصراحه الصوت بقى رووووعه
تحياتى

[MaaM]

الله يبارك فيه يا هشام والحمد لله على رجعوك للمنتدى تاني ، ليك وحشة :)

[ashourashour]

كنت ناوي على الكينوود بس اشتريت السوني ، اصلي كسلت أدور وكمان الراجل أكدت عليه انه هايعرف يركبها مكان القديمة وتدخل في نفس القاعدة القديمة
سماعات سوني مقاس 16 بـ 250 جنيه ، 260 وات




وده منظر السماعات من غير الغطاء بتاعها




فرغ محتويات القاعدة (قطع السماعة القديمة وساب الفبر اللي على الاطراف عشان يربط فيها السامير9)
وركب السماعة السوني مكانها وثبتها بمسامير سن صاج 1 سم ، لاحظ 5 مسامير في الصورة




وده منظرها من الخلف





وده صورتها بعد تركيبها في الباب ، وبالنسبة لفيشتها ، الراجل عرى السلكين اللي قبل فيشة الفبريكة وركب عليهم سلكتين السماعة




وده صورتها من الجنب ، واضح انها مش لامسة الزجاج الكهرباء خالص



والنتيجة
- السماعات ركبت في نفس القاعدة وبالتالي مافيش أي اضافات حصلت في الصاج ولو باظت فيما بعد أشيل واحط مكانها وشكرا
- الصوت اتحسن نوعا ما كتير عن الأول لكن يبقى الصوت مش نقي حبتين بس ده بسبب الراديو (أصلي مشغل الفلاشة عن طريق الولاعة فالبتالي شغالة راديو والرايو بتاع العربية تعبان اصلا
- فصلت التويترات اللي قدام ، عملة سقسقة ومبوظة الصوت
- فصلت السماعات اللي في الابواب الخلفية من الكاسيت عشان بيغلوشوا على نقاء الصوت
- السماعات القديمة اللي في الأبواب الأمامية كانت شغالة على فكرة وانا معرفش :) والراجل بتاع الكاسيت هو اللي شغلها لما لف زرار السماعات من الكاسيت على النصف ، بس انا كدا كدا كنت ناوي اغيرهم واخلص فقولتله يغيرهم

الخطة القادمة إن شاء الله اني اجيب كاسيت كينوود بيدعم usb وابقى خلصت من الحوار ده

لـ sherif moneer
انا مش شايف أي مكان للفل هنا ، هل تقصد انك ركبتهم بين الصاج والسماعات ؟

انا شايف ان الفتحات الخلفيه للسماعه الجديده اتسدت ببواقي السماعه القديمه

الفتحات الخلفيه للسماعه مهمه جدا للترددات المنخفضه البيز

[zrzr1]

اولا مبروك يا باشا علي الشغل الله ينور

, ثانيا انا حاولت اعمل زي مانت عملت وجبت القاعده القديمه وفرغتها وركبت فيها السماعه الجديده زي عندك بالظبط

بس لما ركبتها اكتشفت ان السماعه بقت عاليه وبتحوش ف فرش الباب من جوه ,, تفتكر دا ممكن يكون حله ايه؟؟

[MaaM]

انا شايف ان الفتحات الخلفيه للسماعه الجديده اتسدت ببواقي السماعه القديمه

أهلا بيك يا أحمد بيه ، ممكن تعيد الجملة ديه تاني ؟


لـ zrzr1
تقصد إن السماعة الجديدة وشها قابب لـ برا ؟ لو كدا ، كان لازم تشتري سماعة مشابهة أوي للقديمة
الراجل قبل مايركب حاجة ، مسكت القديمة والجديدة وقارنتهم ببعض في المقاسات وكانوا متقاربين جدا ، عشان أضمن ان السماعة السوني هاتركب في القاعدة ، ومغناطيسها مايخبطش في مكنة الزجاج الكهرباء