تجربتي بعرضها للاستفاده

[ehabahmed0]

من فتره رحت اعمل سيرفس لعربيتي الفكترا كان عند محمد علام ف الحرفيين الله يسامحه
للاسف غيرلي طرمبه مياه مضروبه صيني وانا كنت مدي له الامان بعد مرور 4 شهور وبالتحديد من تلاته ايام حسيت بخشونه جايه من ناحيه سير الكاتينه قلت دي اكيد بليه شداد الكتينه لاني مغيرتهاش من فتره وقلت بكره بعد ما اعمل مشوار ف المطار هاروح اغير البليه طبعا مشكتش ف طرمبه المياه لانها تعتبر جديده
وانا ف داخله طريق المطار من عند طريق السويس وعند كمين الجيش لقيت العربيه بطلت فجاه قلت اكيد البليه بشكل ما قطعت السير ..... المهم قطرتها وكان يوم احد والحرفيين قافله ورحت ركنتها عند الميكانيكي واكتشفنا انها طرمبه الميه المصونه بليتها فرطت ونطرت سير الكاتينه... ونزلت تاني يوم جبت بليه شداد وطرمبه مياه اسباني (للاسف ملقتش فيبي) وسير كاتينه وسير دينامو عشان السيرفس يبقي تمام
سير كاتينه جوود يير اتحاد اوروبي 70
سير دينامو جوود يير اتحاد اوروبي 75
طرمبه مياه اسباني 170
طقم تيل ريمسا اسباني خلفي 170
بس مش خساره في عربيتي حبيبتي
الخلاصه ان قطع الغيار المضروبه(اللي هي طرمبه الميه في حالتي) ممكن تعمل مشاكل فوق الوصف وكمان مفيش ضمير خلاص والله يسامحه محمد علام وده درس ليا .

[akmm]

لاحول ولا قوه الا بالله ......................... قدر الله وما شاء فعل .

[amr elsisi]

ربنا يخلف عليك بالخير

[MaaM]

قدر الله وما شاء فعل
طرمبة المياه اللي اشترتها ، الريش بتاعتها معدن نحاسي ولا فيبر ؟

[aldesha989]

ربنا يخلف عليك

[ayman hamdy]

قدر اهون من قدر قول الحمد لله وربنا يخلف عليك متعرفش الخير فين كله خير من عند ربنا وربنا ما بيباركش لهم فى القرش اللى جاى من الغش وحسبنا الله ونعم الوكيل

[ehabahmed0]

قدر الله وما شاء فعل
طرمبة المياه اللي اشترتها ، الريش بتاعتها معدن نحاسي ولا فيبر ؟

هي معدن زي الحديد الزهر بس مش نحاس