فيكترا ٩٦ الشكل الجديد ٢٠٠٠ سي سي اوتوماتيك

[ahmed.tayeh]

في عربية بتاعت واحد معرفة واحد صاحبي أن شاء الله هشتريها منه واتفقت معاه علي ٤٩ ألف هية فيكترا ٩٦ الشكل الجديد ٢٠٠٠ سي سي اوتوماتيك مرايات ضم فرش جديد رينون عالي وواطي ووحدة رفع كاملة بس أنا لما شوفت العربية لقيت فيها كذا ملاحظة وعاوز أستشيركم فيها
١ - المراية الضم اللي علي اليمين والزينون اللي علي اليمين بردو والكاسيت كل دول فاصلين وهوة بيقولي ده عيب كهربا
٢ - لمبة ال abs ولمبة ال check engine منورين وهوة بيقولي انه العربية بس محتاجة تتحط علي الكمبيوتر

إيه رأيكم في الكلام ده وهل العيوب دي تقلقني من العربية

[فادى محمد]

يصلح اللي فيها وتستلمها من غير لمبات منوره..

[ayman hamdy]

يصلح اللي فيها وتستلمها من غير لمبات منوره..

يستلمها من غير لمبات منورة!!!!!!!!! قصده لمبات التحذير يعنى

[svneleven]

يصلح اللي فيها وتستلمها من غير لمبات منوره..

أ/فادي جابلك من الأخر. و أهم حاجة لما تاخد العربية تكون مقتنع بكل حاجة فيها و عارف كل عيوبها و راضي عشان مش تخسر صاحبك.

[Rsarabia]

نصيحة اوعى تشترى عربية اوروبى فيها لمبة تحذيرية منورة
لان هتلاقى تحتها بلاوى كتير
خليه يصلح كل المشاكل الكهربا اللى فيها و لما يخلص تبقى تشترى غير كدا ممكن تدخل نفسك فى متاهات لان كل الاوروبى مع الوقت بيكون فيه عيوب كهربا كتير جدا

[ahmed.tayeh]

شكرًا علي ردودكم جميعا :)
ولكن هل هذه العيوب إذا لم يقم هو بإصلاحها و قمت أنا بإصلاحها فهل ستتكلف مبالغ طائلة أم لا

[فادى محمد]

-المرايا اليمين اسوا ما يمكن ان تتوقعه هو ان موتورها محروق وهتضطر تشتري جوز مع بعض ب550ج
-الايه بي اس بيصلح ب400ج او بتغير الوحده نفسها وبتتكلف حوالي 750ج بالتعديل لان الاستيراد غير اللي راكبه عندك وده برده اسوء ما يمكن ان تتحمله في اصلاح الايه بي اس
-التشك انجن بقي اعتبره موضوع مفتوح لان حساسات كتير ممكن تنور اللمبه دي ولازم تكشف كمبيوتر
حساس الماف - كامه -....
-خلي بالك سعرها مش لقطه بالعكس لان ال2000 سي سي سعرها اقل شويه من ال1600 سي سي
45 الف سعر عادل لو اساسياتها سليمه ومفيهاش مشكله كبيره في الموتور