علبه الدريكسيون!!

[TIM.CENRO.GS]

السلام عليكم
و انا راجع البيت لقبت فجأة الطارة تقلت , ركنت وبصيت ع الزيت مفيش !!!سيبت العربية 4 ايام بسبب الشغل ونزلت فكيت الشبكة والاكصدام عشن اتاكد من المواسير لاقيتها سليمة
بس زودت زيت تانى و دورت العربية لقيت تسريب من تحت جنب الموتور كدة
المهم فى حاجة كدة زى سوستة مطاط مقطوعة وجواها عمود اكيد واصل مع العجلة_هى دى منها التسريب_ قولت بسيطة تغير
روحت لعم احمد بتاع الطوابق كعبيش قاللى دى علبة من غير حتى م يكشف كويس و بعتنى عند عفشجى اسمه حسن فى الاربعين قاللى انا مش بصلحها هاتلى علبة وانا اركبها!!!

الخلاصة انا مش مقتنع حاسس ان الحوار يخلص بتغير السوستة المطاط دى ويركب الافيس بتعاها وشكرا
ممكن اكون غلطان بس لو عم احمد صح يبقى الحل علبة تانية؟؟
اروح لمين يلم الحوار دة ولا اغير ولا اية؟؟؟؟؟؟

انا قصدى اللى اسمها bellow كما فى الصورة
ارجو النصيحة بسرعة لانى مسافر كمان يومين

[ashourashour]

اللي ضرب عندك 90% ال end seal شوفه في الصوره

الكوتشه اللي بتتكلم عليها دي مانع تراب عشان ميخشش لكن مش اويل سيل

جيب علبه استيراد لو اتأكدت ان التسريب فعلا من المكان ده

[TIM.CENRO.GS]

مشكور ع الرد السريع
هوا فعلا من عند الكوتشة
الحمد لله
المهم اجيبها منين وبكام عشان تبقى تمام وركبها عند مين يكون ثقة وياريت يكون قريب من فيصل

[TIM.CENRO.GS]

مشكور ع الرد السريع
هوا فعلا من عند الكوتشة
الحمد لله
المهم اجيبها منين وبكام عشان تبقى تمام وركبها عند مين يكون ثقة وياريت يكون قريب من فيصل

ولا ينفع تتصلح؟؟
ارجو الرد لضيق الوفت

[ashourashour]

ولا ينفع تتصلح؟؟
ارجو الرد لضيق الوفت

ممكن تتصلح لكن معرفش مين ممكن يصلحها عدل !!

و تغيرها عند مين في ناس كتير

صقر قريش عند احمد عبد الراضي
وطنيه الوفاء ولامل عند محمد هاشم
في صابر عند رابعه .... متحاولش تقرب من هناك خالص :(

في ناس تانيه كتير لكن فيصل معرفش حد

[TIM.CENRO.GS]

محمد هاشم ده فى الوفاء والامل هرم؟!!
معلش انا زيرو فى الطرق
وبالله عليكم ازاى اعرف ان العلبة بحالة جيدة وبكام؟

[ashourashour]

محمد هاشم ده فى الوفاء والامل هرم؟!!
معلش انا زيرو فى الطرق
وبالله عليكم ازاى اعرف ان العلبة بحالة جيدة وبكام؟

لا دا عند سوق السيارات

واللي بتجيب منه العلبه بيديلك عليها ضمان

اتصل بيه كدا اسأله بعرف يتصرفلك في علبه بسرعه

01001915632

[TIM.CENRO.GS]

لا دا عند سوق السيارات

واللي بتجيب منه العلبه بيديلك عليها ضمان

اتصل بيه كدا اسأله بعرف يتصرفلك في علبه بسرعه

01001915632

الف الف شكر ع الردود والمساعدة عاشور باشا
انا خلاص ممكن انزل دلوقتى اجيب اسكاترا من عند هانى اللى فى العشرين دا لو عليها ضمان

ويا جماعة لو حد يعرف حد فيصل او هرم ينجزلى الحوار دة يبقى كتر خيرة
هوا يوم واحد اجازة

ولا مفيش غير عاشور اللى معانا

[TIM.CENRO.GS]

روحت جبت واحدة استيراد طبعا معرفش حلوة ولا لا من عند هانى
هوا عليها ضمان شهر 900ج ولله الحمد
بس كان بيكلم ف 1200ج !!!!!!
هاجربها وربنا يكرم

[creative_art]

الطالبيه فيصل احمد اوبل و هانى اوبل .... وسعرها كده كويس

[TIM.CENRO.GS]

الطالبيه فيصل احمد اوبل و هانى اوبل .... وسعرها كده كويس

احمد دة قفش على 1000ج!!!
هانى كان ممكن تيجى 850ج

[ghamry]

اللي ضرب عندك 90% ال end seal شوفه في الصوره

الكوتشه اللي بتتكلم عليها دي مانع تراب عشان ميخشش لكن مش اويل سيل

جيب علبه استيراد لو اتأكدت ان التسريب فعلا من المكان ده

الله ينور ياعاشور بك كلامك إن شاء الله مضبوط 100 % ومقنع