مشكلة في تكييف فيكترا سي

[nagy wassef]

يا رجالة التكييف شغال و بيطلع هوا ساقع عادى بس من الهواية الشمال اللى جنبى فقط. لكن الاثنين اللى فى النص والاخيرة اللى فى اليمين بيطلعوا هوا بس مش ساقع يعنى زى قللتهم
ياترى ايه المشكلة واعمل ايه
شكرا مقدما

[hilal]

اعتقد محتاج تنظيف للثلاجة
ونظرا لصعوبة فك التابلوه في الفيكترا سي ، يوجد اسبراي أمريكي ماركة (ابرو) لتنظيف الثلاجة ، شفته في البنزينة بسعر 47 جنيه ، ومعه خرطوم رفيع يتم إدخاله من هواية التكييف للوصول للثلاجة لتنظيفها

[ashourashour]

استاذ هلال التلاجه في الفكترا سي مبيتفكلهاش تابلوه ولا كونسول حتي


استاذ ناجي انا على ما اتذكر عربيتك اليجانس مفيهاش تكييف مزدوج ؟ صح؟

الهواء اللي ناحيتك ساقع بجد ولا مش قوي ؟ بتحس بتغيير لما بتفتح وتقفل بوابه التكييف من زرار الريسيكل ؟

[nagy wassef]

الف شكر على الرد اولا
ثانيا عربيتى اليجانس
الفتحة اللى جنبى ساقعة فعلا الباقى كأنك مشغل المروحة فقط و لما بالغى زرار الريسيكل مش بيفرق فى حاجة

[nagy wassef]

باقى الفتحات ضعيف جدا حتى الهوا اللى خارج نفسه ضعيف

[ashourashour]

انت غيرت في مفتاح تغيير مكان خروج الهواء قريب ؟

ممكن تجرب تغير فيه كدا

[nagy wassef]

ايوه غيرت في مفتاح تغير خروج الهوا
المشكله اني اول ما شغلت التكييف لقيته مش عامل حاجة
بعدها اكتشفت ان خروج الهوا قدام عند البربريز
رحت حولتها علي الهوايات اللي في التابلوه
و من ساعتها و هو كدة
و كل ما اشغله اسمع صفارة واطية قوي من جوا الهوايات الضعيفة

[hilal]

استاذ هلال التلاجه في الفكترا سي مبيتفكلهاش تابلوه ولا كونسول حتي


استاذ ناجي انا على ما اتذكر عربيتك اليجانس مفيهاش تكييف مزدوج ؟ صح؟

الهواء اللي ناحيتك ساقع بجد ولا مش قوي ؟ بتحس بتغيير لما بتفتح وتقفل بوابه التكييف من زرار الريسيكل ؟

أستاذ أحمد
كل عام وأنت بخير أولا
ثانيا كنت أطمع في معرفة كيفية تنظيف الثلاجة في الفيكترا سي
مع خالص تحياتي

[ashourashour]

ايوه غيرت في مفتاح تغير خروج الهوا
المشكله اني اول ما شغلت التكييف لقيته مش عامل حاجة
بعدها اكتشفت ان خروج الهوا قدام عند البربريز
رحت حولتها علي الهوايات اللي في التابلوه
و من ساعتها و هو كدة
و كل ما اشغله اسمع صفارة واطية قوي من جوا الهوايات الضعيفة

مالصفاره دي بوابات توزيع الهواء قفشت و قافله مسار الهواء

جرب تغير في مفتاح توزيع الهواء تاني يمكن تفك

[ashourashour]

أستاذ أحمد
كل عام وأنت بخير أولا
ثانيا كنت أطمع في معرفة كيفية تنظيف الثلاجة في الفيكترا سي
مع خالص تحياتي

وانت بخير يا استاز هلال

يا حماعه ربنا يجعل كلامنا خفيف عالتلاجه بتاعت الفكترا سي عشان الفكترا سي بتجيب تلاجه اصلا

فا مفيش داعي ننكشها

و لاقدر الله لما بتبوظ بتتغير و بتخرج من مكان الدرج بعد ما بيتفك

[nagy wassef]

الف شكر. يا باشمهندس هجرب و ربنا يسهل
بس فى حالة انها لسة قافش اعمل ايه :(

[ashourashour]

الف شكر. يا باشمهندس هجرب و ربنا يسهل
بس فى حالة انها لسة قافش اعمل ايه :(

تعرف تفك كابل البطاريه دقيقه و ترجعه تاني

[nagy wassef]

هحاول
المشكلة اني في مطروح و هرجع الجمعة انشاء الله و العيال مش حتستحمل الحر
ربنا يسهل

[nagy wassef]

شلت الكابل ومفيش حاجة حصلت دبرني يا وزير

[احمد فهمى]

ناجى عربيتك راكبها عفريت تركب فرش القربه تضرب تجيب حساس بقربه التكيف يعلق تركب كاسيت الفتاح يبوظ فى ايه؟.