استلمنا الاسترا الجديدة واتحكت

[cosmo]

السلام عليكم يا جماعة الخير دى اول مشاركة ليا فى المنتدى بس انا بقالى كتير بخش استفيد من المعلومات اللى بيحطوها وحوش المنتدى
انهاردة روحنا نستلم العربيه استرا الكوزمو من فرع المهندسين جنب نادى الزمالك استلمنا العربيه وكنا رايحين بالعربية القديمة خرجنا من المعرض مكتوب low fuel مونا 95 (اول مرة) ومشينا الحاج واخويا راكبنها وانا راكب الاكسيل خلاص روحنا وداخلين نركن فى الجراج اذ بعربية خارجة والحاج دخل يمين جامد وانا ازمر لغاية ما بنلى صاحب وهوب العربية اتحكت فى الحديد بس يا سيدى وانا شوفت كدة وكنت بغلى بس ياسيدى ركنا وطلعنا والوالدة اقعدت تهدى فينا والحمد لله قدر الله وما شاء فعل
ياريت يا جماعة لو فى حل حد يقولى علية ان ممكن يدارى الحكة دى علشان مزعلانى وياريت لو فى مواضيع انى احافظ على نظافة العربيه من برة وجوه اكون شاكر ليكم جدا ود صورة الحكة

http://nileup.com/up/uploads/nilemotors_13753721901.jpg

هى مش باينه للدرجة اللى فيها الصورة بس علشان الفلاش الجزء المتحدد بالاصفر ده اكنو بلاستك واتكشكش

[Optiplex]

قدر الله وماشاء فعل بسيطة ان شاء الله

[delaga]

اعقفد ممكن البولش والكومبوند يداريها

[mohaismail]

الحمد لله
قدر الله وما شاء فعل

[ahmedalaahosny]

قدر الله ماشاء فعل سيبها تاخد العين شوية

[tananybasha]

قدر الله و ما شاء فعل
و اهى خدت العين

[ابو كنزى]

بلش صاروخ حتنتهى

[hagagatc]

ادبحلها حاجه خليها تاخد العين

[madman2002]

البولش والكمباوند ... بس عموما سيبها شويه تاخد العين

[cosmo]

متشكر جدا على شعوركم النبيل
وبالنسبة للبولش دة بيتعمل ازاى
وبنسبة انى عايز احافظ على نظافة العربية من برة وجوة اعمل ايه

[mahmoud_afifi]

الف مبروك يا باشا وربنا يباركلكم فيها ويكفيكم شر العين.

بالنسبه للخدش الصغير, اللون طلع والبوليش مش هينفع معاها. حضرتك هتجيب لون العربيه من اي بتاع دهانات العربيات وبحتة قطنه وتعملها touch up بالراحه عشان ماتجيش حوليها. مش هقولك هتختفي خالص بس مش هتبان الا لو دققت فيها وانت وشطارتك.

بالنسبه للكحته الكبيره متهيألي الكومباوند هيجيب نتيجه معقوله وتختفي بنسبه كبيره.
ولو عاوز رأيي اعملها دلوقتي لأن الكحتات مابتاخدش العين ولا حاجه ومش هينوبك غير انك تفضل متعكنن.

بالنسبه للمحافظه على نضافة العربيه يفضل كل اسبوع او اتنين تديها غسله بره وجوه في مغسله. وبلاش فوطه زفره او تمسح العربيه بقماشه على الناشف. الكلام ده بيدمر البويه

[kareem_eg]

متشكر جدا على شعوركم النبيل
وبالنسبة للبولش دة بيتعمل ازاى
وبنسبة انى عايز احافظ على نظافة العربية من برة وجوة اعمل ايه

اولا الف الف مبروك علي استلام العربية . و اظن زي ما الاخوة الكرام قالو البولش و الكمباوند ان شاء الله حيفيدو فان هما يعالجو الخدش . تقدر تشتري الحاجات ده من اي هايبر ماركت و الفيديو ده ممكن يساعدك
How to Wax Your Car. Helpful Tips From Turtle Wax - YouTube

اه ..وطبعا ماقدرش انسي بعض المواضيع المتميزة في المنتدي

http://www.nilemotors.net/Nile/23055-a.html

http://www.nilemotors.net/Nile/255388-a.html

[pilot544]

اولا مبروك العربية !
ثانيأ دي حكة بسيطة وأخدت العين !
ثالاثا رأي انك تسبها كده علشان الحسد واللذي منه !!
رابعأ كل سنة وانت طيب :d

[cosmo]

هارجع تانى واشكر كل الناس الى دعمتنى
والله يبارك فيكم كلكم
وكل سنة وانت طيبين
وسمحونى على الرد الجماعى

[amgomaa]

الف مبروك وراى سبها كده زى ماهى علشان دى عين واخدتها و حاجه بسيطه الحمد لله