مشكله حراره العربيه مع التكييف

[Hesham.H]

إخوانى الأعزاء ... وحشتونى جداا .. وآسف على غيبتى عن المنتدى
النهارده عاوز أنقل ليكوا تجربه مع حراره العربيه
من ساعه ما اشتريت العربيه والحراره بتاعتها مظبوطه وحلوه جدا ( ٨٥ مع التكييف و٩٢ علو اقصى تقدير بدون التكييف فى عز الحر )
من شهر وبدأت مشكله وهى ان الحراره بتعلى جدااا ( لغايه ٩٧ مع تشغيل التكييف فقط )
روحت لحسام أوبل فى طنطا .... كشف لقى سرعه من سرعات المروحه مش شغاله
قالى عاوزين نغير مقاومه المروحه ... وغيرناها ب ١٥٠ جنيه إستيراد من عنده
والنتيجه كانت مبهره جدااا وحراره العربيه لمده أسبوع كانت أعلى حاجه ليها ٨٥ لدرجه انى كنت خايف منها فى الشتاء


وكنت بلاحظ انى لما ابطل العربيه وحرارتها ٨٣ مثلا ألاقى المراوح تشتغل برضو شويه

دلوقتى الحال اتغير مش عارف ليه ... الحراره بدأت تعلى تانى سواء بالتكييف أو من غيره بس مش بتعدى ٩٢
وراحت خالص حكايه ٨٥ مع التكييف
بصراحه مش عارف العيب من المقاومه ولا إيه رأيكوا
فى إنتظار ردودكم الكريمه

[cayman69300]

مش انت دفعت فلوس نقدى و لا فلوس بنك الحظ
روح طلع عينه على المقاومة اللى عملها و كلفتك 150 جنية
لان الحكاية لو سدد ردياتير او طرمبة مش هتفرق فى اسبوع زمن
دى احتمال فوق 80 % تكون كهرباء
شوف الحكاية اية و يا ريت تبلغنا بالرد
و ربنا يوفقك

[Mamoud salah H]

طب ما الطبيعي انها تبقي 92 عادي من غيير تكييف هي كدة مش عاليةلكن مع التكييف لازم تنزل ل 85

[Hesham.H]

مش انت دفعت فلوس نقدى و لا فلوس بنك الحظ
روح طلع عينه على المقاومة اللى عملها و كلفتك 150 جنية
لان الحكاية لو سدد ردياتير او طرمبة مش هتفرق فى اسبوع زمن
دى احتمال فوق 80 % تكون كهرباء
شوف الحكاية اية و يا ريت تبلغنا بالرد
و ربنا يوفقك

كلامك صح وان شاء الله هاروحله تانى
تحياتى

[Hesham.H]

طب ما الطبيعي انها تبقي 92 عادي من غيير تكييف هي كدة مش عاليةلكن مع التكييف لازم تنزل ل 85

المشكله دلوقتى انى لما بجرى مع التكييف الحراره بتعلى ... ومن غير التكييف بالليل والجو بيبقى حلو وبرضو بتعلى
اكيد المقاومه دى تعبانه والله اعلم

[Mamoud salah H]

اظن ارتفاع حرارة العربية وانت بتجري دة معنااه سدد في الرديتير