خبراء كورسا 1600 - مشكلة في فتح باب التنك

[thegoner_onlin]

انا معايا اوبل كورسا 1600 وباب التانك بتاعي ( السنتر بتاعه ) علق ومش عارف افتح الباب ومش عارف اعمل ايه ؟ روحت للبنزينة وبعد ما وقفت طابور عريض مشيت مش عايز يفتح - ياريت حد يكتبلي حل - وبعدين سمعت حد بيقولي شيل السنتر بتاع التنك ونضفه بس المشكلة اشيله ازاي وهو الباب مقفول مش عايز يفتح - افيدوني بالله عليكم

[damasry]

جرب تفصل البطارية وترجعها تانى (مع انها نظريا ملهاش علاقة)

[ashourashour]

السنتر بيتفك من الشنطه على ما اذكر هحاول ادور على حاجه وانت بص في الشنطه كدا ناحيه باب التانك

[ashourashour]

انت هتفك السنتر بتاع باب التنك

مش فاكر كان الموتور تقريبا واصل بكبل صلب مع باب التانك

افتح الشنطه و دور ورا باب التنك وانت هتعرف

[thegoner_onlin]

تسلم يا باشا - انا فعلا فتحت الشنطة من وراء - وبعدين فكيت الغطاء الي مبطن الشنطة لقيت زي جهاز اسود وفيه وصلة بمشبك كدة معدن مشبوك بالشاسيه بتاع العربية جنب التانك فكيت المشبك ده وركبته تاني واشتغل

شكرا يا رجالة والله انتوا مية مية - وشكر خاص للاستاذ عاشور

[sherif moneer]

بص حضرتك تفتح الشنطه وتشيل فرش الشنطه اللي نحية باب التانك هتلاقي السنتر
جرب تهز الفيشه كده جايز يشتغل
مشتغلش ابقى فك ونضف وظبط بقى

[hammad2010]

نفس المشكلة اللى عندى ياباشا بايظ عندى بقاله تلات سنين تقريبا وكانت بتواجهنى المشكلة دى لما بروح البنزينة وبصراحة انا كنت ىبتغاشم عليه جامد لحد ميفتح جرب انت كمان تعمل كده شده باقوى ما عندك لحد ما يفتح
انا نضفته قبل اول ما عطل لكن برضه مفيش فايده جرب تصلحه ولو منفعش هات واحد استيراد

[kar!m]

دي مشكله معروفه في اللوك بتاع التانك بتاع الكورسا سيدان .. انت حاول في النور بالنهار تشد الفرش و تعرف اللوك بيتشد منين من جوه الشنطه .. هتتعود على مكانه و هتعرف تفتحه في ثانية من الشنطه لو علق تاني.