غسيل دوره التبريد .... بالصور

[Hesham.H]

إخوانى الأعزاء .... زى ما قلتلكم فى موضوع سابق إنى لقيت ميه التبريد عندى وحشه جدا
معكره وعليها صدأ ... غيرتها من يومين والنهارده حطيت منظف ريادتير وقلت أغسلها تانى وقلت أنقل التجربه

البدايه جبت منظف دوره التبريد اللى فى الصوره



المنظف بيتحط فى القربه ... وبعدها ناخد بالعربيه مشوار حلو ... ونخلى بكره التكييف على الساخن عشان المنظف يدخل سربنتينه السخن



بعد كده نبدأ مرحله التنضيف

طبعا الكلام ده كله من موضوع صديقنا فادى الخاص بتنظيف دوره التبريد ... بس أنا نظفت بطريقه تانيه
أولا هانشيل قربه المياه وبيكون راكب فيها ٣ خراطيم ... ٢ اللى فوق راجع ... وواحد تحت تخين عنهم شويه وهو اللى داخل
خرطومين الراجع بنخرجهم يصبو خارج العربيه
وخرطوم الداخل نحط فيه خرطوم من حنفيه مياه ونفتحها لدخول المياه وندور العربيه ... وبرضو يكون بكره التكييف على السخن
كما موضح بالصوره



هنلاحظ المياه الخارجه من الخرطومين لونها غامق طبعا مكان التنظيف ... وطبعا هانغسل القربه كويس
ودى صوره مؤشر الحراره أثناء الغسيل وهو منخفض طبعا عشان الموتور داخل له مياه بارده طول فتره التنظيف



ياريت التجربه تفيد كل إخوانا الأعزاء ... ويلزم التنويه إن الخطوات دى من موضوع أخونا فادى محمد بس أنا حطيت ( التاتش بتاعى

تحياتى

[Dr/ P.K.Sh]

موضوع مميز

[فادى محمد]

تسلم ايدك ..
شرح مميز.

[Hesham.H]

موضوع مميز

شكرا على المرور يا دكتور

[Hesham.H]

تسلم ايدك ..
شرح مميز.

شكرا فادى باشا ... بس يا ترى كده الريادتير اتسلك ولا محتاج يتفك ويتسلك عن صنايعى ؟؟

[MaaM]

ازيك ياهشام , كل سنة وانت طيب
بمناسبة امبير الحرارة اثناء الغسيل. انت مركب ترموستات الكوعة ؟

[Hesham.H]

ازيك ياهشام , كل سنة وانت طيب
بمناسبة امبير الحرارة اثناء الغسيل. انت مركب ترموستات الكوعة ؟

وانت طيب محمود بك .. عيد سعيد
مش عارف موضوع ترموستات الكوعه ... انا شاريها على وضعها ماغيرتش فيها حاجه

[MaaM]

يبقى مش موجودة :)
اللي عايز اقولهولك ان الترموستات لو موجودة الموضوع هايختلف شوية وهاتلاقي المية نازلة سخنة دا غير ان أمبير الحرارة هايوصل لحرارته الطبيعية 85 أو 90
ودا بسبب ان الترموستات قافلة على مية الموتور

[Hesham.H]

يبقى مش موجودة :)
اللي عايز اقولهولك ان الترموستات لو موجودة الموضوع هايختلف شوية وهاتلاقي المية نازلة سخنة دا غير ان أمبير الحرارة هايوصل لحرارته الطبيعية 85 أو 90
ودا بسبب ان الترموستات قافلة على مية الموتور

بص يا باشا ... عندك فى الصوره الخرطوم رقم ٢ كان بينزل ميه سخنه طول فتره التنظيف ... الخرطوم رقم ١ كانت الميه اللى خارجه منه بارده
مش عارف ده له علاقه باللى انت بتسأل عنه ولا إيه .... وياريت تدينى فكره عن موضوع ترموستات الكوعه ده
تحياتى

[فادى محمد]

يبقى مش موجودة :)
اللي عايز اقولهولك ان الترموستات لو موجودة الموضوع هايختلف شوية وهاتلاقي المية نازلة سخنة دا غير ان أمبير الحرارة هايوصل لحرارته الطبيعية 85 أو 90
ودا بسبب ان الترموستات قافلة على مية الموتور

لو تمت عمليه التنظيف وترموستات الكوع راكبه بتبقي مفتوحه جزءيا وبتعدي الميه بسهوله
انما الفتح الكلي بيتم عند درجه حراره 82د زي مامكتوب عليها..

[a_arazik]

مجهود رائع

[Hesham.H]

مجهود رائع

شكرا على المرور .. ويا رب يكون فايده لنا جميعا
تحياتى

[احمد فهمى]

مجهود كبير وهيفيد الجميع

[Hesham.H]

مجهود كبير وهيفيد الجميع

شكرا على المرور احمد بك