Opel vectra 2007

[bobvoip]

[overline][/overline]السلام عليكم ورحمة الله وبركاته

اولا احب اشكر ادارة المنتدي علي المنتدي العظيم ده وكمان اشكر جميع الاعضاء اللي شايف منهم تفاعل بناء فعلا وحل مشكلات لناس كتير انا قلبت كتير في المنتدي وشوفت انتو قد ايه بتحلو مشاكل ناس كتير وفقكم الله

ثانيا انا عضو جديد في المنتدي ودي اول مشاركة ليا اتمني اني اقدر اساعد في حل مشاكل الناس بس للاسف خبرتي ضعيفه جدا

انا من فتره حوالي 3 شهور اشتريت اوبل فيكترا 2007 بس من واحد اقل مايقال عليه معفن العربية بعد ما اخدتها بأسبوع فتحت بوقها انا قررت اعمل الموضوع ده لاني مش لاقي مواضيع متعلقه بالموديل ده

انا عندي شوية مشاكل في العربية وعاوز اعرف اماكن صيانتها فين والحجات دي الاقيها فين مع العلم اني روحت الحرفيين وملقتش الحجات دي

اللي محتاجاه العربية

1. 2 اولسيه كوبلن لانهم بيجيبو زيت او بيسربو

2. فوانيس الفوجات مكسورين والهويات مش موجوده

3. وتقريبا كده قواعد المكنه مش مظبوطه

4. الكاوتش رايح في داهيه محتاج كاوتش يكون نوع حلو

5. محتاج كبود لان الكبود كان مخبوط وواحد لطخ اللي رده مبوظ شكل العربية

6. علامة اوبل اللي قدام او لو فيه شبكه كامله بسعر كويس

اتمني اني اكون مطولتش عليكم وفي انتظار ردود الاعضاء الكرام

[إبراهيم المصرى]

بتقول انك رحت الحرفيين رحت شارع المرسيدس ؟ العايدى ، واسلام عبد الشافى اعتقد هتلاقى عندهم اللى انته عايزه

[amrelsaqqa]

حاجات سهلة ان شاء الله وان شاء الله تلاقيها في الحرفيين زي ما تفضل الاخ ابراهيم

ومبروك يا باشا العربية ربنا يديك خيرها ويكفيك شرها
بس ما قلتلناش جبتها بكام فابريقة ولا راشة و مانيوال ولا ايزي ترونيك ولو ايزي ترونيك ايه رأيك فيه حلو ولا لا ؟

[bobvoip]

بتقول انك رحت الحرفيين رحت شارع المرسيدس ؟ العايدى ، واسلام عبد الشافى اعتقد هتلاقى عندهم اللى انته عايزه

انا روحت فعلا شارع المرسيدس ولفيت الحرفيين كلها علي شبكه مفيش ولا الفوجات

[bobvoip]

حاجات سهلة ان شاء الله وان شاء الله تلاقيها في الحرفيين زي ما تفضل الاخ ابراهيم

ومبروك يا باشا العربية ربنا يديك خيرها ويكفيك شرها
بس ما قلتلناش جبتها بكام فابريقة ولا راشة و مانيوال ولا ايزي ترونيك ولو ايزي ترونيك ايه رأيك فيه حلو ولا لا ؟

الله يبارك فيك ياباشا هيا العربية فبريكة بره وجوه مفيهاش غير التريحيه اللي بهدلت الكبود دي وهيا مانول بس انا شوفت الايزي ترونك وعرفت ان مشاكله كتير فعلا وانا جبتها ب 90 الف

[kms_matrix]

ربنا يعينك يا باشا وتلاقي الحاجه اللي ناقصاك وانا كنت عايز اعرف منك رأيك في العربيه ومميزاتها وعيوبها و انت بكلامك ده خوفتني من العربيه لاني كنت فاكر ان كل حاجتها موجوده في الحرفيين

[mafify]

المريوطية