استفسار بخصوص استرا 2013

[martinmystery]

السلام عليكم ورحمة الله وبركاته

كنت مقبل على شراء السول isa خلاص الاسبوع دا بس ناس كتير قالتلى زود ل 170 وهات اوبل استرا

كنت عايز اعرف اعادة البيع العربية بتنزل فى السعر جامد ولا عادى زى اى عربية ؟؟ لان واحد قالى بتنزل الارض

وكنت عايز اعرف قطع غيارها عاملة ايه غالية ولا غالية جدا ؟؟ يا ريت مع الامثلة

اسف على الاطالة وجزاكم الله خيرا :D

[cosmo]

بص هو بالنسبة للاوبل هو بيخسر كتير شوية
بس انا متفاؤل ان الاسترا ان شاء الله هتمسك سعرها
بالنسبة لقطع الغيار (مع انى من ملاك العربية الا انى معرفهاش) بس هى فى رينيج كل التوكيلات حتى فى قطع غيار للسيراتو اغل منها ودة (سماعى) مش متاكد
ولو العربية انتشريت بشكل كويس وده انا متوقعة هيبقى قطع غيارها موجودة بره

[martinmystery]

هو الاهم اعادة البيع ؟؟ هخسر فيها كتير يعنى اجيبها ب 170 وابيعا بعد سنتين تلاتة ب 100 ؟؟

[cosmo]

بص انا مش عراف
بس مادام بتدور على اعادة بيع
ابعد عن الاوبل
الاوبل عايز ركيب وميهموش اى حاجة تانيه
وبرضو شوف باقى الاعضاء اكيد هيفيدوك اكتر منى

[ashourashour]

بص انا مش عراف
بس مادام بتدور على اعادة بيع
ابعد عن الاوبل
الاوبل عايز ركيب وميهموش اى حاجة تانيه
وبرضو شوف باقى الاعضاء اكيد هيفيدوك اكتر منى

هوا كدا بالظبط

[Ahmed TRAVCO]

هو الاهم اعادة البيع ؟؟ هخسر فيها كتير يعنى اجيبها ب 170 وابيعا بعد سنتين تلاتة ب 100 ؟؟

حضرتك لو اعادة البيع لها اولوية كبرى عندك زي ما هو واضح... يبقى تبعد تماما عن الاوبل.. والالماني عموما... والاوروبي كله في رأيي...

انا شايف تجيبلك كورولا هتبقى تمام معاك خصوصا في اعادة البيع.. وعربية كويسة برضه وناعمة وهادية واعتقد هتكون احسن من السول...

[cosmo]

هوا كدا بالظبط

احقاقا للحق
انا مقتبس الجملة دى منك فى مقارنة الاسترا بالانسر(على ما اتذكر)

[ashourashour]

حضرتك لو اعادة البيع لها اولوية كبرى عندك زي ما هو واضح... يبقى تبعد تماما عن الاوبل.. والالماني عموما... والاوروبي كله في رأيي...

انا شايف تجيبلك كورولا هتبقى تمام معاك خصوصا في اعادة البيع.. وعربية كويسة برضه وناعمة وهادية واعتقد هتكون احسن من السول...

تصدق كنت هقوله جيب كورولا فعلا

[K.Ossama]

هو الاهم اعادة البيع ؟؟ هخسر فيها كتير يعنى اجيبها ب 170 وابيعا بعد سنتين تلاتة ب 100 ؟؟

فى رأيى لو حتبيع فى خلال 3سنين يبقى سيبك من كل الأوروبى خالص. لكن لو حتبيع بعد كدة مش حيبقى فيه فرق كبير.
على حسب إنت ناوى على إيه. ....؟
ده رأيى.....

[martinmystery]

جزاكم الله كل خير هو انا لو هبيع هيكون فى خلال مثلا 5 سنين او اكتر كمان

الفكرة انى طالب جامعى ومصاريفها كلها هتبئى عليا يعنى صيانة وقطع غيار عليا فعايز عربية اقدر عليها وفى نفس الوقت اجرى بيها براحتى من غير ما اخاف اخبطها خبطة اصرف عليها الافات

التويوتا اظن مفيهاش تكنولوجى كويسة مش شبابى

وماذا عن سيراتو ex / fo

وحزاكم الله كل خير ومعلش انا تاعبكم معايا

[meerothe1st]

السلام عليكم
أنا بقالى تقريبا شهر فى الحيرة دى وعايز أجيب الأسترا بس خايف وملخص بحثى خلال الشهر هو كالاتى:
السيارة ماشاء الله شكلها جميل جدا، أوبشنز فوق الممتازة (وخاصة موضوع esp) لحد النهاردة مفيش شكاوى منها سواء من الصالون أو الهاتش باك. كان فى مشاكل فى الكونترول يونيت و الفتيس فى الموديل السابق والمشاكل دى حلوها بتغيير مكان الكونترول يونيت وتغيير الفتيس للأوتوماتيك العادى.
العيب الوحيد فى العربية دى واللى ممكن يؤثر على سعر اعادة البيع (علما بأنها انتشرت بشكل ملحوظ) هو الوكيل واستعباطه فى الصيانات وقطع الغيار.
مثال:
الصيانه عند الوكيل كل 5000 كيلو بحيث ان هو مقسم التغييرات كل 10000 زيت وفى كل خمسة مرة فلتر هواء، مرة بوجيهات، مرة فلتر تكييف وهكذا والمصنعية فى كل مرة من 300 الى 400 جنيه بخلاف سعر قطع الغيار (تقريبا كل 5000 كيلو الصيانة من 700 الى 900). المشكلة الكبيرة هى صيانة الخمسين ألف ودى بتتكلف 4700 جنيه لأنه هيغير كل الفلاتر والسيور ومجموعة الكاتينة (دى لوحدها 2700 جنيه) بالإضافة انه بيتم الكشف على طرمبة الميه وحسب كلام مهندس الصيانة انها بنسبة 90% هتتغير ودى تمنها 1000 جنيه.

أنا اسف طولت عليك بس أنا قررت لو هجيبها (لأن هى أحسن غربية فى الفئة السعرية دى ولا يمكن مقارنتها بالكورى) انى هعمل الصيانات فى التوكيل لحد ما أوصل للخمسين هسيب التوكيل خالص وهمل الصيانات برة.

ياريت لو حد عنده معلومة اضافية أو تصحيح يقوللى يمكن يساعدنى فى اتخاذ القرار بقلب جامد شوية

مع الشكر

[martinmystery]

السلام عليكم
أنا بقالى تقريبا شهر فى الحيرة دى وعايز أجيب الأسترا بس خايف وملخص بحثى خلال الشهر هو كالاتى:
السيارة ماشاء الله شكلها جميل جدا، أوبشنز فوق الممتازة (وخاصة موضوع esp) لحد النهاردة مفيش شكاوى منها سواء من الصالون أو الهاتش باك. كان فى مشاكل فى الكونترول يونيت و الفتيس فى الموديل السابق والمشاكل دى حلوها بتغيير مكان الكونترول يونيت وتغيير الفتيس للأوتوماتيك العادى.
العيب الوحيد فى العربية دى واللى ممكن يؤثر على سعر اعادة البيع (علما بأنها انتشرت بشكل ملحوظ) هو الوكيل واستعباطه فى الصيانات وقطع الغيار.
مثال:
الصيانه عند الوكيل كل 5000 كيلو بحيث ان هو مقسم التغييرات كل 10000 زيت وفى كل خمسة مرة فلتر هواء، مرة بوجيهات، مرة فلتر تكييف وهكذا والمصنعية فى كل مرة من 300 الى 400 جنيه بخلاف سعر قطع الغيار (تقريبا كل 5000 كيلو الصيانة من 700 الى 900). المشكلة الكبيرة هى صيانة الخمسين ألف ودى بتتكلف 4700 جنيه لأنه هيغير كل الفلاتر والسيور ومجموعة الكاتينة (دى لوحدها 2700 جنيه) بالإضافة انه بيتم الكشف على طرمبة الميه وحسب كلام مهندس الصيانة انها بنسبة 90% هتتغير ودى تمنها 1000 جنيه.

أنا اسف طولت عليك بس أنا قررت لو هجيبها (لأن هى أحسن غربية فى الفئة السعرية دى ولا يمكن مقارنتها بالكورى) انى هعمل الصيانات فى التوكيل لحد ما أوصل للخمسين هسيب التوكيل خالص وهمل الصيانات برة.

ياريت لو حد عنده معلومة اضافية أو تصحيح يقوللى يمكن يساعدنى فى اتخاذ القرار بقلب جامد شوية

مع الشكر

جزاك الله خيرا نفس اللى انا بفكر فيه تقريبا وضيف على كده قطع الغيار للعربية نفسها لو لاقدر الله حصل حاجة هتبئى التكلفة عالية جدا

انا حالا رسيت على كيا سيراتو ex/fo او الاوبل استرا بس خايف فى موضوع صيانة ال50 دى وقطع غيار العربية نفسها

[Mohyeldin1974]

اللى بيشترى المانى مبيفكرش فى سعر اعاده البيع وان كنت اعتقد ان الاسترا هتكسر القاعده دى نظرا لامكانيتها وانها الافضل فى فءتها

[meerothe1st]

جزاك الله خيرا نفس اللى انا بفكر فيه تقريبا وضيف على كده قطع الغيار للعربية نفسها لو لاقدر الله حصل حاجة هتبئى التكلفة عالية جدا

انا حالا رسيت على كيا سيراتو ex/fo او الاوبل استرا بس خايف فى موضوع صيانة ال50 دى وقطع غيار العربية نفسها

ربنا يباركلك ان شاء الله صلى استخارة وتوكل على الله

[Mohamed_Nour]

قطع الغيار بتاعتها تقريبا هي هي بتاعت الكروز بس مش عارف متشابهين في ايه بظبط و اتاكد بردو