فتيس أوبل استرا كوزمو تربو ٢٠١٣

[eng_ah_xxxx]

السلام عليكم وعيد مبارك على الجميع بإذن الله تعالى ، أنا عندى حاجة قلقانى شوية وأنا جايب ال d أو r وواقف ودايس فرامل وفى هدوء من حولى اسمع صوت ونة خفيفة جداً وبمجرد ادوس بنزين وامشى لا صوت إطلاقا وكل شئ آخر فى الفتيس عادى جداً ياريت لو حد سمع هذا الصوت عندة يقول لى على الفكرة الصوت ليس له صلة بحرارة الموتور لا تغيير فيه وشكرا

[windofchange]

لا حول ولا قوة الا بالله ... لو فالضمان روح التوكيل وعينك معاهم

[eng_ah_xxxx]

يا جماعة ١١٥ مشاهدة ورد واحد فقط على فكرة الفتيس هو نفس الانجوى والكوزمو ؟؟

[m.farouk]

لم تروح الصيانة اسئلهم بس بيتهيقلى مفيش مشكلة

[احمد فهمى]

عربيتك فى الضمان وشكوتك لحاجه مستمره روح الوكيل وسمع المهندس الصوت ولو قالك ده عادى هتلاقى استرا كتير هناك جرب معاه واحده منهم لو لاقيت نفس الصوت يبقى طبيعى عشان هو هيريح دماغو ويقولك عادى في الاول

[cosmo]

ممكن تفاصيل اكتر مثلا بتبقى دايس زرا الهاند ولا لا
بتبقى واقف خالص لمدة دقيقة مثلا
بتبقى منزل الهاند وتطلع

[mo_ad]

السلام عليكم وعيد مبارك على الجميع بإذن الله تعالى ، أنا عندى حاجة قلقانى شوية وأنا جايب ال d أو r وواقف ودايس فرامل وفى هدوء من حولى اسمع صوت ونة خفيفة جداً وبمجرد ادوس بنزين وامشى لا صوت إطلاقا وكل شئ آخر فى الفتيس عادى جداً ياريت لو حد سمع هذا الصوت عندة يقول لى على الفكرة الصوت ليس له صلة بحرارة الموتور لا تغيير فيه وشكرا

معايا كوزمو 2013 ونفس الحكاية برضو , الظاهر ان العربيه دى صوتها كده , ملاحظتش كمان رعشه بسيطه بتحصل لمدة ثانيه واحده وتختفى وده بيكون على فترات متباعده وبتبقى العربية زى ماتكون حتطفى ومتطفيش .

[janagabr]

بص يا باشا لما تدوس فرامل علي الاخر وبعدين تجيب d or r وبعدين بتشيل رجلك من علي الفرامل ( في لحظة اول ما تشيل رجلك من علي الفرامل بتسمع الصوت زي صوت كهرباء مش عارف اوصف الصوت ) المهم الصوت ده صوت الفرامل وهي بتفك من العجل اللي ورا والصوت بيبقي جاي من ورا وده طبيعي في العربية ومهياش مشكله