حاجه غريبه لكمبروسر الاوبل

[gomgom3]

انهارده حضرني موقف غريب كنت لسه مغير زيت والدنيا كانت نااااار نار والعربيه كانت عايزه ميه الصراحه
المهم بفتح الكابوت اتأكد ان مقياس الزيت اتحط وكنت مشغل المكيف لقيت صوت بوووووووووف عالي اوي قلت بس ديه الشجره ضربت والفريون فضا وقلت استغفر الله العظيم علي ابو ديه عربيه كل مالواحد يعملها حلو تقل بأصلها وكنت مش طايق نفسي المهم قفلت الكابوت لقيت المكيف لسه شغال وزي ماهو ساقع استغربت قلت اقفل وافتح لقيته بيلقط وشغال
طلعت علي الكهربائي قولتله الي حصل قالي الدينا كانت حر والكمبروسر فيه خاصيه انه بيبلف عشان ضغط الفريون علي عليه وديه حاجه طبيعي زي الترلات كده ام بتعمل صوت فسسسسسس وهي علي السريع

السؤال بئا هل كلامه صح هى المفرود انه شاطر وفي نفس الوقت المكيف شغال زي ماهو الس انا مشتغربه اني لقيت الشكمان مبقع شويه زيت ده الي خلاني افتكر انه فضا فريون

[ayman hamdy]

متابع باهتمام وفعلا كلامه صح فيه بلوف بتفضي الشحن الزيادة عندما تزيد درجة حرارة الفريون فى الجو الحر منعا لانفجار الكمبروسر

[tananybasha]

هو فيه بلف تنظيم ضغوط
بس صعب قوى يطلع زيت او هوا بالضغط ده

[ashourashour]

الموضوع بسيط والفريون عندك كدا نقص شويه

طبيعي لما الردياتير يسخن بيسخن سربنتينه التكييف معاه اكتر ماهيا سخنه خصوصا في الزحمه والهواء مش بيخبط في وش العربيه
المهم السربنتينه لما تسخن لاي سبب ممكن مشكله مراوح ضغط الفريون بيزيد و لو مفيش بلف حمايه يفتح عند الضغط الخطير اضعف نقطه في دوره الفريون هتنفجر في الغالب بتكون خراطيم التكييف الكاوتش

قدر الله وماشاء فعل ظبط الميه والحراره وروح زود فريون

[adelhamed]

طب انا الموضوع دا حصل معايا بالظبط بسبب اني كان عندي مشكلة في المراويح وفعلا العربيه سخنت اوي ولقيت مره واحده نفس الصوت دا بس اللي ضايقني وقفلني اني لقيت زيت علي الارض بعد ما عملت الصوت دا وزيت لونه احمر وقولت كدا الكباس اتوكل علي الله

ودا طبعا لان الميكانيكي الله يسامحه عند صابر كان عاملي وصلات المروحة اللي قدام غلط ومخليها بتلف عكس بدل ما تتدخل هوا جوا العربيه من برا لا بتطلع الهوا السخن من جوا العربيه لبرا وطبعا كدا بتسخن السربنتينه والردياتير

بس النهارده بعد ما ظبط المراوح وكدا وقولت اجرب التكييف لقيته اشتغل وسمعت الكباس وهو بيقوم بس طفيته علي طول خوفا من اي مضاعفات

فما رأيكم دام فضلكم ؟ :d

[mohammadrashee]

طب انا الموضوع دا حصل معايا بالظبط بسبب اني كان عندي مشكلة في المراويح وفعلا العربيه سخنت اوي ولقيت مره واحده نفس الصوت دا بس اللي ضايقني وقفلني اني لقيت زيت علي الارض بعد ما عملت الصوت دا وزيت لونه احمر وقولت كدا الكباس اتوكل علي الله

ودا طبعا لان الميكانيكي الله يسامحه عند صابر كان عاملي وصلات المروحة اللي قدام غلط ومخليها بتلف عكس بدل ما تتدخل هوا جوا العربيه من برا لا بتطلع الهوا السخن من جوا العربيه لبرا وطبعا كدا بتسخن السربنتينه والردياتير

بس النهارده بعد ما ظبط المراوح وكدا وقولت اجرب التكييف لقيته اشتغل وسمعت الكباس وهو بيقوم بس طفيته علي طول خوفا من اي مضاعفات

فما رأيكم دام فضلكم ؟ :d

اللي اعرفه ان المروحه بتجيب من جوه فعﻻ وترمي على بره مش العكس
اتاكد اﻻول

[gomgom3]

يعني لازم ازود فريون انا حسيت بردو علي العموم الف شكر يارجاله

[Dent86]

انا عندى الكباس بيتخر ثوانى عقبال ميشتغل كده فى مشكله؟؟

[adelhamed]

اللي اعرفه ان المروحه بتجيب من جوه فعﻻ وترمي على بره مش العكس
اتاكد اﻻول

انا سألت اتنين كمان ابن خالتي وهيثم عبد الراضي اكدولي ان المروحة المفروض تجيب من برا لجوا عشان تبرد

اصل هي برضو لو هتبصلها بالمنطق العربيه من جوا صهد وحر رهييييييب مسحيل تكون هتبرد اي حاجه وهي بتعدي بالهوا السخن دا علي السربنتينه والردياتير

[cayman69300]

يا جماعه
باى منطق ازاى الهوا هيطلع من ورا لقدام و لما تمشى الهوا المعاكس هيعاكس دورة التبريد و المحصلة تبقى صفر
الطبيعى الهوا بيجرى من قدام لورا بواسطة المشى و بواسطة المرواح - يعنى الهوا ييجى من سربنتينه التكييف الى الردياتير الى الموتور - دة الطبيعى

[ULTRA]

المراوح بتجيب هواء من برة لجوا علشان ما تعاكسش اتجاة تدفق الهواء اثناء السير بسرعات عالية

[mohammadrashee]

انا سألت اتنين كمان ابن خالتي وهيثم عبد الراضي اكدولي ان المروحة المفروض تجيب من برا لجوا عشان تبرد

اصل هي برضو لو هتبصلها بالمنطق العربيه من جوا صهد وحر رهييييييب مسحيل تكون هتبرد اي حاجه وهي بتعدي بالهوا السخن دا علي السربنتينه والردياتير

انت صح انا غلط

[medo111]

هو معني كدا يا جماعه ان الواحد لازم يشيل غطا بلف من البلفين بتوع التكيف عشان لو الضغط زياده ينفس ؟؟؟
عايز اقول معلومه فعلا الشحن البلدي دا مشكله لو مش مظبوط هيسخن العربيه

[adelhamed]

بعد حل مشكلة المروحة والحمد لله عدلنا الاتجاه تاني روحت عند احمد بتاع التكييف اللي في ارض اللوا وكشفلي علي التكييف قالي لا الحمد لله العربية لما سخنت البلف فتح وخرج الفريون وقفل تاني حتي الفريون مفضيش كله قولتله الحمد لله طب ايه قالي هنشحن عادي قولتله طب في زيت لاقيته نازل من تحت العربية بعد ما حصل اللي حصل الزيت دا من الكمبروسور ؟؟؟ بص تحت العربية قالي لا يا باشا دا زيت باور قولتله طيب خلاص سيبك منه

وكمل شغله وروحت غسلت السربنتينه والحمد لله الحرارة كويسه والتكييف كويس

تفتكرو بئا زيت الباور دا ممكن يكون من ايه ؟

[ULTRA]

من خرطوم الراجع او الاويل يسل اللي بين الطلمبة و الخزنة