اوبل فيكترا 99

[ahmedshaker]

السلام عليكم جميعا وكل عام وانتم بخير
مبدائيا دي اول مشاركه ليا في قسم الاوبل وكنت عايز استفسر من اخواتي في القسم عن مشكلة قبلتني في عربيتي اويل فيكترا 99 1600 مانويل هاف ابجيكشن
المشكلة هي انو العربية وهي علي السلانسية بيحصل تفتفة في الشكمان لما العيب ده ظهر عملت سيرفس كامل للعربية سيور وفلاتر وبوجيهات وكل حاجه بس للاسف المشكلة ما اتحلتش لغاية لما بقيت اجرب بنفسي لقيت لما بشيل فيشة الماب العربية بتبقي تمام وما فيش تفتفة خالص اركب الفيشة العربية تتفتف قمت غيرت الحساس لكن للاسف بعد تغير اكثر من حساس المشكلة زي ما هي مع العلم العربية سحبها زي الفل وما فيش دخان اسود ولا اي حاجة غير موضوع التفتفه
فقمت بالاتصال بالاستاذ فادي مشكورا الراجل زوق جدا عرضت عليه المشكلة وهو اكدلي انو كان عندو نفس المشكلة ومع تغيير السيرفو المشكلة اتحلت وقالي برضو اعمل موضوع في المنتدي نشارك كلنا بارئنا في الموضوع فياريت من اخواتي مشاركتي لو في حاجه جديدة ممكن افكر فيها ولكم جزيل الشكر .

[Mecha]

you can check the servo by plugging the vacuum line going into it ,start the engine and check

[ahmedshaker]

متشكر لحضرتك علي الرد انا قمت بخلع خرطوم الفاكيوم اللي واصل الي السيرفو العربية اتظبطت علي طول ومشكلة تفتفة الشكمان راحت خالص بس طبعا لما رجعت الخرطوم رجعت كل حاجة زي ما كانت ولقيت صوت تنفيس جاي من السيرفو قبل ما اخلع الخرطوم من بلف السيرفو لما بهز البلف اللي واصل في الخرطوم اللي في السيرفو صوت التنفيس بيزيد مش عارف البلف ده ممكن يتغير ولا لازم اغير السيرفو كامل .

[فادى محمد]

كده المشكله في وصله السيرفو اللي فيها البلف..
فكها من السيرفو (شدها لبره برفق) وفكها من مانفولد الموتور (تقريبا مفتاح بلدي 15 )
افحصها جيدا ممكن يكون الخرطوم مشقق او مقطوع . وممكن البلف يكون بايظ ( اشفط من ناحيه السييرفو بفمك وحط شفتك علي الفتحه. تمام؟ لو فضلت شفتك معلقه بضغط يبقي البلف سليم انما لو فقدت الضغط يبقي بينفس
- علي كل حال هتجيبه استيراد هو مش غالي . وان شاء الله بسيطه . تحياتي

[ahmedshaker]

متشكر لحضرتك يا استاذ فاي انا دلوقتي المشكلة عندي بقت في البلف اللي راكب في السيرفو نفسو الخرطيم سليمه والبلف اللي عامل زي المشترك سليم البلف اللي راكب ف السيرفو نفسو هو اللي بينفس فكيتو وجيبت بكره تيفلون ومشيتها علي البف وركيبتو ف السيرفو تاني بس للاسف المشكلة موجوده مش عارف التنفيس ممكن يكون في الطقيه جوه السيرفو ولا ايه بس لما بخلع الخرطوم اللي واصل علي السيرفو علي طول واكتمو بايدي العربية بتتظبط فورا مش عارف اغير سيرفو ولا البلف اللي راكب ف السيرفو ممكن يكون المشكلة منو

[فادى محمد]

-لما بتخلع خرطوم السرفو وتكتمه بايدك من ناحيه السيرفو العربيه بتظبط يبقي التسريب داخلي من طاقيه السيرفو وبلف السيرفو سليم .

[ahmedshaker]

هو فعلا كده بقي الموضوع تغيير سيرفو مع انو عمري ما كان يجي في بالي انو المشكلة تكون عيب سيرفو الا لما كلمتك يا استاذ فادي بجد ربنا يباركلك كنت ممكن ادوخ في حاجات كتير بس الحمد لله ع العموم انا هغير السيرفو اليومين الجايين ان شاء الله وهقلكم علي النتيجه ولكم مني جزيل الشكر

[فادى محمد]

ربنا يوفقك ..
مع تغيير السيرفو ان شاء الله
الموتور هيظبط معاك جدااا
هتستمتع بفرامل رهيبه..

[ahmedshaker]

طيب كنت عايز اعرف انا لقيت سيرفو زي اللي عندي بالظبط راكب ف نص استيراد وراكب معاه جهاز ebs بس شكلو غير اللي عندي اكبر شوية الراجل بيقولي لو اخذت الebs هيشتغل معاك بس ف المستقبل لو في اي مشكلة ممكن ما يعرفش يدخل عليه بالجهاز لانو الكارته مش واحده يعني حسب ما فهمت منو ايه رايك في الكلام ده .

[فادى محمد]

تمام...
يعني الجهاز هيركب بدون تعديل القاعده واماكن مواسير الزيت ولا لا؟؟
والفيشه هي هي بعدد الترامل ولا في اختلاف؟؟

[ahmedshaker]

لا هي القاعده واحده بس المواسير اتجاها مختلف بس اللي انا عايز اعرفو

لو لقيت ebs نفس اتجاه المواسير ونفس القاعدة بس الرقم مختلف انا اللي عندي 801 ينفع يركب حاجه غير الرقم ده ولا هتكون في مشكلة

[فادى محمد]

اعتقد وحده الايه بي اس هتحتاج برمجه علشان تشتغل في الحاله دي.
اللي ياكد المعلومه المهندس احمد عاشور . استني لما يرد علينا ..

[ahmedshaker]

طيب يا ريت نتاكد من المهندس احمد عاشور علشان ما اشترهومش وتحصل مشكلة وما يشتغلش