Abro - مزيل الصدا - هشام H فين :) .

[Amr_650]

عم هشاام . اولا سامحنى لانى روحت النهاردة الحرفيين بس معرفتش اسأل عن طقم الفتيس , لان شارع المرسيدس كان مقفول من الزحمة و كمان الشارع بتاع دبوس .. فيادوب اشتريت ابرو بتاع الصدا و عرفت اهرب ..


اوعدك اول منزل تانى هسال ..


دلوقتى الراجل اللى اشتريت منو ابرو .. قالى نقطه كدة حاسسها صح - هو الطيار على فكرة .


شوف الاول اللى فهمتو من الارشادات اللى مكتوبة علية :


1- ابرو يتحط 10 - 20 دقايق بس فى دورة المية و بعدين يتشال مش اكتر من كدة ..


2- غير كدة بيقولك متسوقش بية خالص و هو محطوط ,, يعنى يتحط و العربية باردة لحد متوصل درجة السخونه فى خلال 10 - 20 دقيقة ..



3- بعد كدة توقف الماتور و تسيبو لحد ميبرد خالص .. و بعدين تحط مصدر مية يفضل يكون دائم - يعنى خرطوم زى ما انت قولت - و تشغل الماتور - الى ان تلاقى المية نزلت صافية .. ( ممنوع نتحط مصدر مية ساقع لو كان الماتور سخن او المية اللى موجودة سخنة او مفيش مية اصلا )

4- نقفل و نحط المية المبردة






الطيار بقى قالى اية :: سيبو 10 دقايق بس و دة مكتوب علية ..


و عشان اطردو افك ال OUT اللى طالع من الرادياتير .. اللى انا مشاور علية دة بس ..مش الخراطيم الراجعة من طلمبة المية كلها ..




الكلام دة صح ؟؟ طيب و بعد مقفل و احط المية الخضرا اتاكد منين ان العربية مخادتش هوا ؟؟

[Hesham.H]

بص يا عمور
أولا ولا يهمك على موضوع كسوه الفتيس ... تتعوض قريب بأمر الله يا جميل
عشان نحط المنظف والعربيه بارده مش هايوصل لداخل الموتور لأن البوابه بتفتح على درجه حراره ٨٥ على ما اعتقد
وهو بالفعل مش اكتر من ٢٠ دقيقه وتشيله ... انا يومها اشتريته وحطيته فى المنطقه اللى جبته منها وروحت عملت موضوع الغسيل اللى انت شفته ده ( مشوار حوالى ٢٠ كيلو ووقته حوالى ٢٠ دقيقه برضو ) وكنت عامل بكره التكييف على السخن زى ما انت شفت
موضوع انه غلط تمشى بيه ده بصراحه ماكنتش اعرفه ... بس انت لو عاوز تعملها والعربيه واقفه ما اظنش فيها مشكله اهم حاجه انك تسيب العربيه لغايه اما تسخن عشان فتح البوابه وتسيبها الفتره الموصى بيها ( ٢٠ دقيقه ) .... بس تقريبا كل الاخوه اللى عملوها كانوا بيمشوا بالعربيه

اوعى تحط ميه خضرا بعد التنظيف مباشره
انت هاتطرد الميه وتحط ميه بيضاء وتسيبها يومين وبعد كده تغير الميه مرتين كمان لغايه اما تتأكد ان الصدأ كله طلع ... بعد كده تحط الميه الزرقا
موضوع طرد الميه عندك كذا حل
الطريقه اللى انا عملتها ودى ميزتها ان مافيش هوا بيدخل الدوره
انك تفك خرطوم الريادتير اللى تحت بس صعبه شويه
طريقه تانيه عملتها قبل كده وهى
هاتفك خرطوم الراجع التانى اللى هو جنب الرفرف على طول ... وتسيب القربه مقفوله ... وكمبروسر من الصغير ده اللى بيشتغل على ولاعه العربيه .. وتشغله وتحط خرطوم الكمبروسر فى الفتحه اللى بيركب فيها الخرطوم اللى انت شيلته وتسيب ضغط الهوا يطرد الميه ... مش هايطلع الميه كلها بس اللى هايفضل الميه الجديده هاتطرده
آسف على الاطاله بس انا حبيت اقولك بالتفصيل شويه
تحياتى

[Hesham.H]

بالنسبه لحكايه الميه البارده والموتور دى مش عارف هى غلط ولا ايه وياريت الاخوه يقولولنا ... بس انت ممكن تتغلب على الموضوع ده وتسيب الموتور يبرد وتسيب الكبوت مفتوح عشان تبرد بسرعه وياريت لو بالليل وبعد كده تطرد الميه بالخرطوم زى ما قلتلك لانك هاتتغلب على موضوع الهوا اللى فى دوره التبريد
وتظبط عيار الميه وتاخد لها الهوه مره ولا اتنين بعدها وخلاص شكرا