صوت تنفيس مع كل نقرة

[MaaM]

السلام عليكم
بقالي فترة عايز أروح لميكانيكي ومكسل بسبب ظروف البلد
عندي صوت تنفيس أول لما أعدي على نقرة أو شارع مكسر ، زي صوت حاجة بتفسي (فس) :)
كنت متخيل انه من الشكمان عشان كان صاحبها قالي انه مخروم ولما لحمته (خرم صغير في بوز الشكمان) نفس الصوت لس موجود
انا باسمع الصوت تحت كرسي السواق ، دا غير صوت تكة في بعض الأحيان باردوا مع النقر أو الشوارع المكسرة

[hagagatc]

من تحت كرسي السواق ولا من قدام عند المساعد لان الصوت ده بيبقي صادر من عند المساعد وده طبيعي المساعد لازم يعمل الصوت ده يدل ان حالته كويسه مش عيب ويمكن انت سمعت الصوت ده لانك كنت متعود تقفل الازاز بتاع العربيه ولما فتحته لاحظته

[monamize4]

من تحت كرسي السواق ولا من قدام عند المساعد لان الصوت ده بيبقي صادر من عند المساعد وده طبيعي المساعد لازم يعمل الصوت ده يدل ان حالته كويسه مش عيب ويمكن انت سمعت الصوت ده لانك كنت متعود تقفل الازاز بتاع العربيه ولما فتحته لاحظته

الصوت دا بيطلع من المساعدين سواء غاز او زيت ؟؟

شكرا مقدما

[MaaM]

لـ hagagatc
الغرض من "كرسي السواق" اني بسمعه في المنطقة ديه بوضوح من برا العربية مش من جوا ، وممكن يكون زي مابتقول من المساعد
بس فيه طريقة اتاكد انه من المساعد ؟
هو الصوت سمعته أول ماشتريت العربية بس صاحبها قالي بسبب خرم في الشكمان ولما لحمته الصوت ظل موجود وروحت لبتاع الشكمان تاني قالي مافيش تسريب من العادم بعد اما سد الشكمان بايده
مع الوقت بقيت اسمع الصوت قريب مني أوي ، فممكن يكون في المنطقة بتاعة المساعد الشمال واللي جنبها

ملحوظة: عندي تسريب زيت على كاوتشة السكاترا

[aymanshebl]

هو مش من الشكمان ايه علاقة الشكمان مع الصوت فى وجود طرق منقرة

[Mecha]

may be exhaust mount , rubber cracked or broken.

Jack the car up and have a look for yourself

[hagagatc]

لـ hagagatc
الغرض من "كرسي السواق" اني بسمعه في المنطقة ديه بوضوح من برا العربية مش من جوا ، وممكن يكون زي مابتقول من المساعد
بس فيه طريقة اتاكد انه من المساعد ؟
هو الصوت سمعته أول ماشتريت العربية بس صاحبها قالي بسبب خرم في الشكمان ولما لحمته الصوت ظل موجود وروحت لبتاع الشكمان تاني قالي مافيش تسريب من العادم بعد اما سد الشكمان بايده
مع الوقت بقيت اسمع الصوت قريب مني أوي ، فممكن يكون في المنطقة بتاعة المساعد الشمال واللي جنبها

ملحوظة: عندي تسريب زيت على كاوتشة السكاترا

عندك تسريب زيت حيخلي البور تقيل والزيب لازم تزوده باستمرار وسعات بيبقي في زي صوت تنفيس من الاسكاتره بس بيبق مش مع النقر بيبقي مستمر لما تجيب الطاره يمين وشمال بيزيد ويقل وبتسمعه تحت رجليك عند الصليبه بتاعت الدركسيون مش بره الموضوع ده ظهر معايا لما غيرت مكنه البور واختفي لوحده بس البور كان معايا مش قد كده ده بيقي فعلا من الاسكاتره
لو من بره صوت التنفيس ده بيبقي من المساعد والمساعد عندك كده سليم ولو ركزت في اي عربيه معديه من جمبك والارض مدقده بسرعه حتسمع الصوت ده
عايز تتاكد منه والعربيه واقفه تعالي من اي جمب في العربيه وهزها لفوق وتحت حتسمع الصوت ده او خلي واحد يعملهالك وانت ركز مع صوت المساعد

[MaaM]

بالنسبة لصوت التنفيس من المساعد فكلامك مظبوط والصوت فعلا كان منه والميكانيكي قالي دا معناه ان حالته كويسة
الصوت ده مكانش موجود في الأسترا عشان كدا كنت مسغربه

بالنسبة للاسكاترا هو فيه تسريب زيت بس لغاية دلوقتي لكن مافيش اعراض صوت ظهرتلي منها والطارة بتلف عادي الحمد لله

[Hesham.H]

غالبا يا محمود صوت التنفيس طالع من المساعد ...... وده معناه انه كويس وربنا يباركلك فيه
صوت التكتكه مع المطبات فهو غالبا بأمر الله من احتكاك السوسته بالمساعد لانه كان بيحصل عندى
هاتروح للعفشجى بتاعك وتخليه يفك المساعد ويطلع السوسته وتكون جايب معاك متر خرطوم سيليكون نص بوصه من ابو ٢ جنيه
وهايلف الخرطوم على السوسته من مكان احتكاكها مع المساعد ... وخلص الكلام على كده يا باشا
شوف كده وابقى عرفنى فى ايه
تحياتى

[MaaM]

ازيك يا هشام
هو صوت تكة مش تكتكة :) تفرق شوية
وكمان مش منتظم مع كل مطب لا مرة اسمعه وخمسة لأ

[hagagatc]

لو علبه فلتر الهوا مش مربوطه سعات بتعمل الصوت ده بتخبط في جسم العربيه او ممكن اي حاجه في العفشه عايزه تربيط راجع مع العفشجي

[Hesham.H]

ازيك يا هشام
هو صوت تكة مش تكتكة :) تفرق شوية
وكمان مش منتظم مع كل مطب لا مرة اسمعه وخمسة لأ

ايوه صوت تكه مع المطب ... زى ما يكون حاجه مكسوره وصوت احتكاك حديد فى حديد ... اعمل اللى بقولك عليه وهاتختفى بأمر الله